tgoop.com/copirayt/2291
Last Update:
Kopiraytingda pul ko'pmi?
"Kopiraytingni o'rganmoqchiman" shu savol juda ko'p keladi. Sal qiziqib, tafsilotlarni so'rasam, "Oson soha ekan, yaxshi to'lashar ekan" kabi gaplar
Qisqa javob: Ha
To'liq javob: Agar yaxshi mutaxassis bo'lsangiz, hamma sohada pul ko'p. Hozirda ko'pchilik "mutaxassislar" o'z sohasini shunchalik maqtayaptiki, buni Ilon Mask ko'rib qolsa, "Hamma ishni tashlab, SMM o'qisammikan?" deb o'yalb qolsa kerak
Aslida hamma sohalarda muvaffaqiyatga erishish mumkin. Masalan, biz taraflarda 4 ta qishloqqa bitta tajribali veterinar to'g'ri keladi. Daromadi ham ancha salmoqli. Aslida veterinarlar ko'p, ammo insonlarga bittasi, tajribalisi kerak.
Kopiraytingda ham xuddi shu: muvaffaqiyatga erishish oson emas. Bu ham oddiy bir kasb, mehnat qilgan va taqdiriga yozilganlar qaysidir cho'qqiga chiqadi.
Men tan olib aytaman, hozirgacha 100 dan ortiq kishini o'qitgan bo'lsam, hozir ularning 50%i ham kopirayter emas. Ko'pchilik uchun kopirayting o'tish nuqtasi bo'lgan xolos. Hozir kimdir biznes ochgan, kimdir marketolog, kimdir targetolog va hokazo.
Shuning uchun soha tanlayotganda avval atroflicha o'rganing. Bir yoki o'n kishi shu sohada muvaffaqiyatli bo'ldi degani, siz ham bo'lasiz degani emas
Xulosa: kopiraytingda pul ko'p, lekin oson topiladigan pul yo'q. Menimcha, santexnik yoki tikuvchi bo'lish osonroq
*yana bu postni motivatsiya deb qabul qilmanglar
@copirayt
BY Kopirayting | Yoʻldoshevdan
Share with your friend now:
tgoop.com/copirayt/2291