tgoop.com/copirayt/2280
Last Update:
Frilansda soqqa beton(mi?)
Ofis hayotidan charchagan kishilarning xayoliga shu o'y keladi: frilansga chiqib ketaman va soqqani bosaman. Ammo bilmaydiki, ko'zlagan "mardikorbozor"da uni ajoyib sarguzashtlar kutib turadi. Shulardan biri — narx aytish
Narx aytishda ham bir nechta omillar bor. Keling, bugun narx aytish haqida gaplashamiz.
1. Talab
Narx albatta talabdan kelib chiqadi. Talab kattami, qimmatroq yoki aksincha. Siz taniqli mutaxassissiz va "eshigingizni supurishni istovchilar"ning keti uzilmayotgan bo'lsa, narxni bemalol 20-30% ga oshirishingiz mumkin.
2. Mijoz
Mijozda ham gap katta. Mahallangizdagi texnika do'koni uchun shior, logo ishlab chiqish va Texnomart uchun yangi logo, shior o'ylab topishdagi mehnat ko'p farq qilmasligi mumkin. Lekin narx...))
Aytmoqchi bo'lganim, katta kompaniyalarning muammolari qimmatroq bo'ladi
3. Vaqt
Va nihoyat o'sha kun keldi. 14 kunga dam olishga ketdingiz, qishloqqa)
Ayni paytda mijoz "Aka, dedlayn 2 soat" deb vazifa yubordi. Siz dadangiz aytgan ishni qo'yib, vazifani bajarishingiz qimmatroq bo'ladi. Chunki idish yuvishdan ko'ra, "yonayotgan" joyga suv juda ham kerak.
Mehr-oqibat-chi?
Buning uchun kechga dadangizdan yetarlicha dakki eshitasiz))
Doimiy standart narxlarni belgilab oling. Yuqoridagilar esa vaziyatga qarab ishlaydi
@copirayt
BY Kopirayting | Yoʻldoshevdan
Share with your friend now:
tgoop.com/copirayt/2280