tgoop.com/copirayt/2279
Last Update:
Xalqimiz dono(mi?)!
Koʻplab ma’ruzalar, adabiyotlarda “dono xalqimiz” jumlasiga duch kelamiz. Ammo instagramga kirishimiz bilan saviyasiz kontentlar bu jumlani inkor qiladi.
Xoʻsh, xalqimiz aslida ham donomi?
Jeyms Klirning “Атомные привычки” (Atom odatlar) kitobini oʻqiyapman. Kitobda foydali odatlarni shakllantirish haqida gap boradi. Siz biror vazifani sekinlik bilan bajarish orqali uni odatga aylantirib olasiz
Oʻrtada qishloqqa bordim. Suhbatimiz orasida amakim “Yurgan daryo, oʻtirgan boʻyra” deb qoldi. Evrika!
Yurgan daryo, oʻtirgan boʻyra…
Keyin yana izlay boshladim:
• Toma-toma koʻl boʻlur
• Tomchi toshni teshadi
• Oz-oz oʻrganib dono boʻlur
Atom odatlar ham ayni toma-toma paydo boʻladi.
Aslida maqollarimiz, rivoyat, oʻgitlarimizda minglagan “Jeyms Klir”larning xizmati yotibdi. Faqat ularga salgina e’tiborli boʻlsak, yetarli. Buning uchun esa moziyga, minoralarimiz butun boʻlgan vaqtlarga qarash kerak…
*toma-toma koʻl boʻlur deya, turk tilini oʻrganishni boshladim
@copirayt
BY Kopirayting | Yoʻldoshevdan
Share with your friend now:
tgoop.com/copirayt/2279