tgoop.com/blogger_Abdullayev/5569
Last Update:
#МУДХИШ_ХОЛАТ
Бугун дўстим Жахонгир Тўлагановни таваллуд куни эди, навқирон 40 ёшни қаршилади.
3 кун аввал эса узоқ кутилган ўғил фарзандли бўлди. Ҳаммамиз ўзимизда йўқ хурсанд эдик, кеча барча дўсту-яқинлар йиғилиб дўстимни табриклагандик. Менку уйга эрта қайтдим, бошқа ҳамкасблар тонг отгунча офисда Жахонгирни шодлигини баҳам кўришган, турли муаммо ва жараёнлар ҳақида фикр алмашишган эди.
Афсус бу хурсандчилик узоққа чўзилмади. Хурсандчилик ва қайғу ёнма-ён юради, туғилиш борки ўлим бор эканлигини барчамиз бирдек биламиз, тушунамиз.
Кеча тун тахминан 2-40 дўстим Жахонгирни синглиси Феруза автоавария сабаб шифохонада оламдан ўтибди. Феруза Жахонгирни ёлғиз синглиси, спарк машинаси бор эди. Машина ўзини номида, шахсини тасдиқловчи барча хужжатлар машинада бўлган. Авария бўлган жой ҳам Чирчиқ шаҳрида, Жахонгирнинг опаси, акаси, кўпгина қариндошлари ва Ферузанинг турмуш ўртоғи, оиласи ўша ерда истиқомат қилишади. Камига Жахонгирни Чирчиқ шаҳрида танимаган инсон бўлмаса керак?!
Авария тахминан тун 12 дан ошганда бўлган дейишмоқда, терговчининг гапларига кўра у шифохонага борганида Феруза шахсини тасдиқлаган ва телефон рақамларини айтган. Шундан сўнг оғир жароҳатлар, оғриқлар туфайли, тахминан 2-30 ларда шифохонада вафот этган...
Хўўўш, энди бизда бу мудхиш холат юзасидан бир қанча саволлар бор:
1.Ферузанинг автоавария бўлганини кўрган ИИБ ходимлари бу ҳақда яқинларига нима учун ўша жойнинг ўзида хабар беришмади?
2.Машина хайдовчининг номида эди ва ҳар қандай ходим планшети орқали эгасини шахсини аниқлаши мумкинмиди?
3.Воқеа жойига етиб борган ИИБ ходимлари ҳеч кимга ҳабар бермай, эвакуатор чақириб машинани жарима майдонига нимага ўзлари жойламоқда?
4.Нима учун авария бўлганда эмас, шифохонага етказилганда эмас, вафот этганидан кейин ҳам эмас, вафотидан 16 соат ўтиб Ферузанинг турмуш ўртоғига унинг ўлганини айтишмоқда?
5.Феруза ўз вақтида уйига бормаганидан, телефонига жавоб бермаганидан, бирон-бир ҳабар топишнинг имкони қолмаганидан кейин, яқинлари томонидан 102 қисқа рақамларига қўнғироқ қилинган ва Ферузани қидиришаётканликларини айтишгандан кейин ҳам у ҳақда яқинларига нима учун индашмаган?
6.16 соат кутиб туриб кейингина марҳумнинг турмуш ўртоғига ҳабар беришнинг бирон-бир сиру-асрори борми?
7.Терговчининг Жахонгир Тўлаганов билан бўлган суҳбатида, гўёки Феруза ўз жонига қасд қилган эмуш, у бундай хулосага қаердан келди?
8.Ферузани охирги марта кўрган қариндошининг сўзларига кўра у эртасига опасининг таваллуд кунига нима кийишни сўраб, совғалар олишини режалаштирганини айтган. Хўп, шундай экан, у нима учун ўз-ўзидан ўлгиси келиб қолган сизнингча?
9.Энг ачинарлиси, Феруза қариндошлариникидан уйига кетаётганда мутлақо ичмаган бўлган, унинг ичганини шу кунгача ҳеч ким кўрмаган. Нима учун машинани барча ойналари синиб кетганига қарамай, терговчи салондан спиртли ичимлик хиди келаётганди, дейди?
10.Бу холат сизнингча автоавариями ёкида қандайдир сирни яшириш учун ИИБ томонидан қилинган ўйинми?
Хуллас, савол етариданда кўп! Жавобини топиш учун барча куч, барча имконият, барча қудратимизни ишлатамизки, зеро бир аёлнинг, муштипар ОНАнинг, севимли опанинг, Жахонгир Тўлагановнинг синглиси вафотининг асл "эгаси" ни албатта топамиз!
Чирчиқ шаҳар ИИБ бошлиғидан вазият юзасидан жўяли, ҳаққоний, ҳақиқатга мос муносабат кутиб қоламиз!
Ҳа айтганча, бизда аллақачон бир қанча маълумотлар бор! Ёлғонга эса тоқатимиз йўқ!
𝐌𝐚𝐧𝐳𝐢𝐥𝐢𝐧𝐠𝐢𝐳𝐧𝐢 𝐲𝐚𝐪𝐢𝐧 𝐪𝐢𝐥𝐮𝐯𝐜𝐡𝐢 𝐌𝐨𝐛𝐢𝐥𝐞 𝐭𝐚𝐱𝐢 +998715010505
©Blogger Abdullayev
Obuna bo'ling
https://www.tgoop.com/+P8S52SBhMmQwMTBi
BY Blogger Abdullayev
Share with your friend now:
tgoop.com/blogger_Abdullayev/5569