tgoop.com/blogger_Abdullayev/5492
Last Update:
Чирчиқ шаҳридаги аёлнинг фожиали тақдири
Чирчиқ шаҳрида истиқомат қилаётган бир аёл видеомурожаат йўллади. Унинг аҳволи ҳар бир инсоний юракни эзади. Боқувчиси йўқ, қўлида эса икки нафар вояга етмаган фарзанди бор, холос.
Унинг дардини ҳеч кимга раво кўрмайман. Саратон касаллиги — ҳеч кимнинг пешонасига тушмасин. Аммо айни вақтда чорасиз қолган бу аёл даволаниши шарт. Бир марта химия муолажасини олиш учун камида 2 миллион 500 минг сўм талаб қилинади. Аёл меҳнатга лаёқатсиз, оладиган нафақаси эса атиги 1 миллион сўм. Ижара уйда кун кечираётган бу аёл видеомурожаатида қарзга ботиб кетганини айтиб, ийманиб ёрдам сўрамоқда.
Унинг ягона орзуси — ўз бош паноҳига эга бўлиш. Афсуски, қўлимдан келганда эди, бу аёлнинг орзуси бўлган уйини олиб берган бўлардим. Аммо на илож, истасам ҳам амалга ошира олмаслигим юрагимни эзади.
Умид қиламанки, эҳтимол бирор саховатли тадбиркор бу аёлга ҳомийлик қилиб, камида бир хонали уй совға қилар.
Айтиш жоизки, мазкур видеомурожаатда билдирилган иддаолар юзасидан шаҳар ҳокимиятига хабар бердим. Ҳозирда ўрганиш ишлари олиб борилмоқда. Бироқ шаҳар ҳокимлиги бу аёлнинг асосий муаммоси — уй масаласини ҳал қилиб бера олади, деб ўйламайман.
Ҳурматли сахий тадбиркорлар! Агар ёрдам қўлини чўзишни истасангиз, мен билан боғланинг. Мен сизларга маълумот ҳамда аёлнинг қаерда яшаётгани ҳақида айтиб бераман.
𝐌𝐚𝐧𝐳𝐢𝐥𝐢𝐧𝐠𝐢𝐳𝐧𝐢 𝐲𝐚𝐪𝐢𝐧 𝐪𝐢𝐥𝐮𝐯𝐜𝐡𝐢 𝐌𝐨𝐛𝐢𝐥𝐞 𝐭𝐚𝐱𝐢 +998715010505
Ishonchli va sifatli yangi turar joy majmuasi - @yulduzpremium
©Blogger Abdullayev
Obuna bo'ling
https://www.tgoop.com/+P8S52SBhMmQwMTBi
BY Blogger Abdullayev
Share with your friend now:
tgoop.com/blogger_Abdullayev/5492