نزله للوداع
ام انور الذبحاوي


لا تصبح ياصبح.
زينب تبچيها
باجر وليها ينذبح.
زينب تبچيها
زينب تصبحك بالجرح
زينب تبچيها
وعدوانها تسبيها
🔥🔥🔥🔥
تسبيها عدوان الغدر
تنهظم لو جاها الشمر
اتصيح ماريد العمر
احضرها ياواليها
زينب امبجيها

🔥🔥🔥🔥🔥
اتصيح وينك حيدره
وين امي الطاهره
خل تشوف الي الجره
الغاليه سابيها
زينب امبجيها
🔥🔥🔥🔥🔥
اتأخر شويه بعد
خل اودعه للضمد
وارجه عباس الضمد
لاخته مايجفيها
زينب امبجيها
🔥🔥🔥🔥🔥🔥

فدوه نضره الكافلي
بوجودي گال ادللي
عباس بي ريحت علي
ذكرى الي يخليها
زينب امبجيها
🔥🔥🔥🔥🔥
اتصبح علينه بدمه
تزعل عليك السمه
والارض وي فاطمه
انوار عرشه لا تاذيها
زينب امبجيها
🔥🔥🔥🔥🔥
ام انور الذبحاوي




https://www.tgoop.com/alaa66klf

((شوط كربلائي ))
'''--------------------------------
خويه تنظر الايتام
يوم اهدعش ظلينه
نفتر بالبوادي اشلون
لا واحد يحامينه
****
صعبه ليلة الحادي
وعاين عالثره الأجساد
راسك عالرمح مرفوع
معقوله يبو السجاد
اصدن طارف اخيامي
اشوفنهن عجيبه ارماد

ما ظلت بعد خيمه
فرن كلهن بهيمه
يتيمه اخلافك يتيمه
يردوني سبيه احسين
ماتدري اشجره علينه
***
حرت لمن ادير العين
خويه بدمعة احساسي
متوذر لكيت احسين
ساعتهه الطمت راسي
يبو الغيره اصيح بصوت
لحك خويه عباسي

ضاكت خويه عالايتام
تدري بلچمة الايام
صرنه بوليت الظلام
مرعوبه واشوف النار
دهري وشعمل بينه
***
كضيت اسنيني بالحسرات
وعيشن منظر الوعه
عذبني الشمر يحسين
وبهمي انه مفجوعه
مرمرني زماني اجروح
وظهري منحني اظلوعه

اونن وسجب العبره
وصيحن فاطمه الزهره
هذا حسين عله الغبره
ييمه من العطش محروم
ما ينشف دمع عينه
**
حيره وكفتي عالتل
مذهول العقل يحسين
خويه لا فكر عندي
صرت بيا كتر ومنين
جسمك سلبه السلاب
وترادف عليك البين

ياليل اهدعش ويلي
والله منهدم حيلي
صعوبه من يجن ليلي

تلكاني احرس اعيالك
ظلام الوحشه يلفينه
****
بنتك اسمع اتنادي
عمه تنچوي اجدامي
صحت لمن ادير العين
يخويه النار بخيامي
عشره ويه الحزن ونوح
وكلبي يحسب الامي

رقيه اتصيح يابابه
سكنه تنادي يايابه
ليش مسلبه اثيابه

عاري والنحر مذبوح
چبدك ضامي والينه

***
تمت بعون الله
خادمكم.. يوسف الفتلاوي ....






https://www.tgoop.com/pagy007

لطمية مجلس لحرق الخيام محرم 1444هـ
….
لمن طاح ابو اليمه
اوعلينه الناس ملتمه
يخويه حركو اخيامي
ماتنهض يبو اليمه
….
وكفت عله التل اتصيح
انهض خويه يبن امي
يا خويه وحك عيناك
ماواحد بقه يمي
يخويه الخيم محروكه
وانه مدمعي يهمي
يخويه احسين حاجيني
شسوي يا بعد عيني
عدوانك امسلبيني
ماتنهض يبعد الروح
ماتنهض يبو اليمه
…
يخويه اطفالكم فرت
من هجمت علينه الخيل
وانه ارگض اوملهوفه
اومني انبهض خويه الحيل
وصيحن خويه يالكافل
اگعد خويه همي شيل
يبوفاضل تولونه
ابحقد خويه اومرحمونه
ابحقارتهم يشتمونه
راح الحيل من عندي
ماتنهض يبو اليمه
…
كمت اركض وره الاطفال
والعدوان تتبعني
هذا الي عله امتوني
ابسوط الظلم يضربني
اوذاك ايصيح اسحكوها
اوذاكه خويه يشتمني
صحت حيدر علي وينك
احضر عاين ابنينك
لون اتشوفهم عينك
اصيح الخيم حرگوها
ماتنهض يبو اليمه
….
يخويه الروس رفعوها
فوك ارماحهم كلها
حته الطفل عبدالله
اوراس احسين اولها
راس الكافل العباس
المبيد جحافلها
اوراس القاسم المظلوم
والاكبر علي الجيدوم
اگعد ياخليصي كوم
اوروس انصارنه كلها
ماتنهض يبو اليمه
….
يخويه الخيم حركوها
اوشبت نار دلالي
اصيحن يابني هاشم
بالخيمه بقه الغالي
عليل الكم اخبركم
حاله اشد من حالي
اركضتله ابروح مالومه
من علته مبيه گومه
صحت يمه يمظلومه
علي السجاد بالخيمه
من الصار يتغمه
…

ام احسان الخاقاني



https://www.tgoop.com/alaa66klf

فزاعيات حزينه

چبير الساده طايح حيل شدوهه
ولطمتكم تطيب اجروحه خلوهه
لخو زينب الگاع اليوم هزوهه
يستاهل حسين اشما نسويله
يستاهل احسين اشما نسويله

اليوم احسين رايح ينطحن بالخيل
ومن العطش طايح وسفه مابي حيل
وچم حافر يسحگه من الضهر لليل
مذبوح الحسين وعل رمح راسه
مذبوح الحسين وعل رمح راسه

يازينب اتلگي الزهره اجت لحسين
يلچمها ضلعها وتلطم اعله العين
ييمه هل مصايب هاي اجتنه امنين
بس تسعه الاصابع خنصره مسلب
بس تسعه الصابع خنصره مسلب


كلهه اتصيح وين ام عون طلعوها
وكلما تحچي كلمه حيل اشتموها
وبحبال السبي الخشنات گيدوها
وخلو الصوط يترك چم اثربيها
وخلو الصوط يترك چم اثربيهه

مشت زينب ادور عالجثث بليل
مهضومه وچبيره وراح منهه الحيل
سمعوهه حچي من عنده ضاگت ويل
و ياوسفه الشمر بالصوط يسبيها
ويا وسفه الشمر بالصوط يسبيها

الصار ابزينب ابدن ماجره ولاصار
مناكه حرگ منانه سحگ ازغار
اول مره زينب ياخلگ تحتار
تره الشمات ضحكو زينب اوحيده
تره الشمات ضحكو زينب اوحيده

الشاعر سلام البهادلي





https://www.tgoop.com/alaa66klf

ليلة الوحشه
.
عمه زينب طفله من الخوف صاحت
عمه زينب وين ذيج الزلم راحت
كلبي مصيوب بسهم عكب شيال العلم
عمه زينب شفت منه الرايه طاحت
*
عمه زينب كعدي يمي انه اخافن بالضلام
عمه صح طفله زغيره وحيل ياذيني الكلام
بعيني هايه حسين شفته بيوم صابنه السهام
عمه زينب رحم ماكو ليش هيجي مو حرام

شلون لو بس الاجانب بالضعن
شلون لو بتنه بخرابه بلا وطن
بعد ماينفع ندم عكب شيال العلم
عمه زينب شفت منه الرايه طاحت
*
عوفي التله وتعالي الخوف عمتي كلبي ذايب
غير بس انتي البقيتي يله يا باجي الحبايب
رايح الليل يجينه واحنه غربه اعله المصايب
ولا اهل عدنه يعمه ولا صديج ولا كرايب

شلون عمه والشمر ماعنده غيره
شلون عمه من يسموني الاسيره
كمت اعثر بالجدم عكب شيال العلم
عمه زينب شفت منه الرايه طاحت
*
عمه زينب غير احنه الكلشي مخلوق الاجنه
عمه جا ليش بخرابه وعل هزل يمشي ضعنه
عمه مالي عين اخلي حسين طايح و الكفنه
عمه ذوله يخوفوني من عكب راعي المحنه

شلون عمه عالترابه وتغفه عيني
شلون عمه والاهل محد يجيني
كلبي ياعمه الجم عكب شيال العلم
عمه زينب شفت منه الرايه طاحت
*
عمه زينب عكب ذيج الزلم كلها انضل سبايه
يشتمونه و عيني تبجي و نار تلهب بالعبايه
الغالي شفته وكمر طايح والاهل كلهم ضحايه
غير هذا حسين ابوي العرش لجله و الولايه

شلون بته مجتفه و تمشي سبيه
شلون يقبلها الشهم مالي تجيه
بيمن انشد العزم عكب شيال العلم
عمه زينب شفت منه الرايه طاحت
*
شلون عمه لو مشينه و روس اهنه اعله الرماح
شلون لو بتنه بخرابه و يدوي بأذني بس صياح
راح عبدالله نعوفه يضل وحده ويه الجراح
عمه خليني اعاتب شالو اعلينه السلاح

شلون مابيهم شهم لوبي حميه
شلون ماحمل غرب تزمخ عليه
شلون لومني انتقم عكب شيال العلم
عمه زينب شفت منه الرايه طاحت
*
حسن صالح العيساوي





https://www.tgoop.com/AlaaAlFahad8080

فزاعيات حزينه

چبير الساده طايح حيل شدوهه
ولطمتكم تطيب اجروحه خلوهه
لخو زينب الگاع اليوم هزوهه
يستاهل حسين اشما نسويله
يستاهل احسين اشما نسويله

اليوم احسين رايح ينطحن بالخيل
ومن العطش طايح وسفه مابي حيل
وچم حافر يسحگه من الضهر لليل
مذبوح الحسين وعل رمح راسه
مذبوح الحسين وعل رمح راسه

يازينب اتلگي الزهره اجت لحسين
يلچمها ضلعها وتلطم اعله العين
ييمه هل مصايب هاي اجتنه امنين
بس تسعه الاصابع خنصره مسلب
بس تسعه الصابع خنصره مسلب


كلهه اتصيح وين ام عون طلعوها
وكلما تحچي كلمه حيل اشتموها
وبحبال السبي الخشنات گيدوها
وخلو الصوط يترك چم اثربيها
وخلو الصوط يترك چم اثربيهه

مشت زينب ادور عالجثث بليل
مهضومه وچبيره وراح منهه الحيل
سمعوهه حچي من عنده ضاگت ويل
و ياوسفه الشمر بالصوط يسبيها
ويا وسفه الشمر بالصوط يسبيها

الصار ابزينب ابدن ماجره ولاصار
مناكه حرگ منانه سحگ ازغار
اول مره زينب ياخلگ تحتار
تره الشمات ضحكو زينب اوحيده
تره الشمات ضحكو زينب اوحيده

الشاعر سلام البهادلي





https://www.tgoop.com/alaa66klf

محرم 🔻

خويه خويه 💔

ليلة الوحشه

ـــــــــــــــــــــــ••❃••ـــــــــــــــــــــــ

خويه خويه يبن ابويه
عذبوني ...... عذبوني

عيوني ماظل بيها ماي
صدري مخنوگ بهـواي

وينك انتَ...وينك انتَ
وينك انتَ

ـــــــــــــــــــــــ••❃••ـــــــــــــــــــــــ

حيلي بايد ياكفيل مثل ماي وگمت اسيل
اظلم بعينـي النـهار ودنيتـي بعيوني ليل
تحترگ شفت الخيام وانـه محتاره بعليل
بالحرم ما ادري احير مدري بالايتام اشيل

بيه حيره ..شگد چبيره
حيروني ....حيروني

تركـض اطـفالـك وراي
عيوني ماظل بيها ماي

وينك انتَ...وينك انتَ
وينك انتَ

ـــــــــــــــــــــــ••❃••ـــــــــــــــــــــــ

خويه شيفيد العتاب رايـح انته ومـاترد
ارد اسولفلك كـلام وادري مـنك ماكو رد
ياحنين انه سبيت وانت واعدني وبوعد
گتلي لو واحد اچـاچ چفـي يفزعلچ يهـد

ياكفـيلي ...ماتجيـلي
يسروني ... يسروني

يـمتـه ترجـع يـا غـلاي
عيوني ماظل بيها ماي

وينك انتَ...وينك انتَ
وينك انتَ

ـــــــــــــــــــــــ••❃••ـــــــــــــــــــــــ

چني اشوفنـك تلـوج مـگطع ونايـم بقيت
صاحت جروحي وراك انه ياخويه نسبيت
ارجع ارجع گمت اصيح وانت ليه مااجيت
وَنتّك تشرحلي حال وادري النه مـا نسيت

شنهو عذرچ..صبي دمعچ
ياعيوني ...... ياعيوني

ردت اشـوفـك يامـناي
عيوني ماظل بيها ماي

وينك انتَ...وينك انتَ
وينك انتَ

ـــــــــــــــــــــــ••❃••ـــــــــــــــــــــــ

وين اشوفك گلي وين گلبي ملهوف اعتناك
اعتذرلك ما اجيت طيفي باحلامك اجاك
خويـه گتـلـي لاتـجيـن انـه ياخـويه فداك
تدري مجـبوره بقيت والسـتر عنـدي بغلاك

ستري غالي...تدري حالي
تعبوني ..... تعبوني

ابـقـه شـاهينـه بسماي
عيوني ماظل بيها ماي

وينك انتَ...وينك انتَ
وينك انتَ

ـــــــــــــــــــــــ••❃••ـــــــــــــــــــــــ

اسمحلي ياخويه بكلام راح اسولف بالعذاب
خضّر بوجناتي ليل بعيني ظلمه مـن التراب
البعـد ماخله حيـل روحي مـاتت گلبـي ذاب
والعطش يرسملي مـاي اركـض ويطلع سراب

عيوني شافت... روحي خافت
خوفوني .... خوفوني

ينصبغ جـدمـي بدماي
عيوني ماظل بيها ماي

وينك انتَ...وينك انت
وينك انتَ

ـــــــــــــــــــــــ••❃••ـــــــــــــــــــــــ

انت كافل ادري بيك گـدها مـاتخلف كـلام
ادري گطعوهن اديك ونايمه بصدرك سهام
لا تجيني ولا اجيـك ننـتظـر جـيت الظلام
حته اروح وامشي ليك واخذ وياي الخيام

بروحي خيمه...شكد هضيمه
يحرگوني .... يحرگوني

ناري مشتـعلـه وضماي
عيوني ماظل بيها ماي

وينك انتَ...وينك انتَ
وينك انتَ


ـــــــــــــــــــــــ••❃••ـــــــــــــــــــــــ

🖊️كلمات

عباس فاضل الشمري





https://www.tgoop.com/alaa66klf

(زينب للحسين ) نعي

أويلي اعلى الوگع بالطف وخله دموعي هماله
عرفته ما يرد النه لمن وَدع إعياله
أصَبر الگلب ما يهدأ يرجف مدري إشماله
اخوي انچتل ياهل ناس وٱشوف اگبالي چتاله
عطشان ويريد الماي وفرات أهدير شلاله
لامزنه تمر مناه وتِرش نيران دلاله
ولاسيل ال يصيب الگاع أيبرد چبدته وحاله
فوگ الذبح يبن امي جالت عليه خياله
نسمع كسرت أضلوعه وٱتفارگت اوصاله
لون بيدي يصح ويصير الموت ياخذني إبداله

( جمعه الديلمي)




https://www.tgoop.com/alaa66klf

موشح للدفن
الشاعر و الرادود مصطفى الأمين الناصري


جينا للطف بالحزن نـشّــادة
عل جسم الرمل صار وسادة
****
جينا للطف والدمع تهمل العين
نعاين جسوم الوفوا للباري دين
التضحيات من الطفل حد الحسين
وفضلاهم ربهم عل اعـبــادة
*****
جينا للطف لچن مهمومة النفس
ندفن الأجـسـاد بـغيـاب الحـرس
مـطـرحة ايـام بـحـرور الشـمـس
لا ذحول لهـا وعـشـيرة هـادّة
**
جينا للطف واجة ويانـة العـليـل
يدفن بحسرات وبـعبـرة القـتيـل
و الدمة من نحره يفور و يسـيل
و جسمه الشجته سيوف الحادّة
**
جينا للطف و العجب مالي العيون
اليموت بدينة يغسلونة و يچفنون
و لعد لحدة أولاده بالهم ينزلون
لچن بالطـف ما جـرت هــالعـادة
**
جينا للطف حاسرين احنه الراس
ندفن أجساد الطهر سادة الناس
حسين أبو اليمة دفنة وعباس
و صحبته و اعمومته و اولادّه
***
جينا للطف لچن وگفنا المسير
صاح أبو الباقر عليّ بالحصير
يجمع اوصال أبو اليمة بحسرة يدير
و بالصبر و العزم گلبة شــادّه
***
نـزلا للگـبر و يشـمـة بـحـزن
بچة عندة ب آه و احمـَّر الجـفن
گعد عندة بعد ما خلص دفـن
تطهرت هالأرض بأستشهادة
****
راح للعباس و دموعة تجر
صاح عمي و يامن لهاشم گمر
و نـزلا بـدمـوع عيـنـة للـگـبــر
دفن عمـة الحـيل منـه بـادّه
****
كتب الموشح
بقلم : الشاعر و الرادود مصطفى الأمين الناصري






https://www.tgoop.com/pagy007

زين العابدين ع


دافن والدي الغالي بديه
مدري شلون ظلت روح بيه

.....................................................
عادة القتل النه والشهادة
لكن بالسبي ما عدنه عادة
شفت الضرب اخواني وتماده
من يبجون يضربهم زيادة

العلويات من ركبن الهزلة
صارت بيه فوگ العله عله
ما اتشافى من هاي الاذية
..................................................
دخلنه الشام احس العيد بالشام
ونظرات الشماته جنهن سهام
عليل وهالسلاسل تكسر عظام
وعايف والدي بحر الشمس نام

راسه گبالي وبدمه يتجاره
على جبهته اثار الحجاره
كل خوفي اذا تلمحه رقيه
..................................................
انذبح والدي شفته بذني عيناي
الصعبة الذابحه بالسبي وياي
يقهر بيه كلما يضحك هواي
يگول اني الحرمته گطرة الماي

اتذكرها لا واحد ولا اثتين
ما تنحسب كل جروح الحسين
ما رحمت بطوله الاعوجيه
..................................................
التفتت عمتي زينب يمنه يسره
تتمنى تعاين رايه خضره
نادت يا كفيلي الحالة خطرة
ما شافته شافت فقط نحره

ركضت من بعد حرگة خيمها
وجمرات الخيم تجوي بجدمها
شيبها مصاب الغاضرية
..................................................
ما فارگت بالي هالمواقف
بالگوه بقيت بطولي واگف
ومن اسىطياهم ظل متني نازف
تعبت من التعب ما كمت اشاگف

والاصعب عليه ضرب عمتي
ادافع ردت بس تردني علتي
شبديه وگيد ورمها اديه
..................................................

أحمد واثق العيساوي





https://www.tgoop.com/pagy007

نعي للدفنة
عن الامام زين العابدين
------------------------------------------------
ثلث تــــــيام فوكَ الكَاع يحسين
امدد بالشــــــــمس وبغير تچفين
اخوتك والانصار الكل مطاعين
اطيــــــني الصــــبر ياربي واصبر
---------------------------------------------
نار وبالكَلــــــب يافــــكَد الاحــــــــــباب
ابوي وكل هلي وانصارة الاطياب
ظلت بــــــــس جثثكم فــــوكَ التراب
مــــــا مدفــــــون بــــوية الله واكــــــبر
------------------------------------------------

بحق والده الحسين
--------------------------------
صاباني الدهر بالــــغاظرية
اخذ وين العزيز وخان بية
انزلك للــــــكَبر بــــوية بــدية
اخذ روحي يلاهي وي الحسين
------------------------------------------------
تسمع يا اله الكون صــــــــوتي
وي حسين اريد اليوم موتي
عكَب عين الابو بلوة بلــوتي
ماتنشف دمعتي واعمي العين
------------------------------------------------
الف وتــسعــــــمية جروحك كبار
مطبر والجرح فوكَ الجرح صار
عليك احزن وانوح الليل ونهار
ما ابطل ونيني طول السنين
------------------------------------------------

بحق علي الاكبر والقاسم
------------------------------------
يحزام الــــــظهر ردتك تچية
عزيز وفركَتك تصعب علية
على التربان يا وسفة رمية
كل وصلة بكتر ياخوي جسمك
------------------------------------------------
وسعولي الكَبر لخواني الاثنين
بعدهي حنتة جاســــم بالايدين
يفت الروح يفراكَ الــــــــعزيزين
صاباني ومظة بالروح سهمك
------------------------------------------------

بحق عمه العباس
------------------------------
مــــصيبة الروح ما ترتاح منها
جثة اعلى النهر يصعب دفنها
بس زنــــــــود والــــجربة حظنها
بلاية چفوف منة الهام مصيوب
------------------------------------------------
فجعني ابهالمصيبة بيك دهري
تلكَــــــيت الوطــــــية بيــش مدري
اجيبة عليك عمي منين صبري
يعمي من طحت للكَاع ياصوب

أسالكم الدعاء رائد الاسدي





https://www.tgoop.com/AlaaAlFahad8080

مربعه لدفن الاجساد: تقرأ بعدة اطوار
(نوحية_ مربعة _ فزاعية)
❥ــــــــ☆ــــــــ●ــــــــ☆ــــــــ❥
شلون ازلام نامت تســـــوه العتاب
ثلــــــث تيام ضـــــلو فوگ التراب
❥ــــــــ☆ــــــــ●ــــــــ☆ــــــــ❥
ازلام امــــــعدله نشـــــميه وحيود
حسافه اعله الارض الجسم ممدود
علــــي السجاد اجاهم گلبه ممرود
يــــــنادي ياهلي والدمـــع سجاب
❥ــــــــ☆ــــــــ●ــــــــ☆ــــــــ❥
الريـــــــح اتـــذري ياويلي عليهم
بـــــسموم ولا فـــــــيايه تاركيهم
ضـــــلم كل ضــــــــلم وذابحيهم
ماعدهــــــم وعــــي كفار اجناب
❥ــــــــ☆ــــــــ●ــــــــ☆ــــــــ❥
حســـــــافه بالترب ازلام مهيوبه
ابحر الشمـــــس عالارض مگلوبه
ادمهاهـــم زكيه ياحيف مسچوبه
اجســــــاد امطهره وكلها اطياب
❥ــــــــ☆ــــــــ●ــــــــ☆ــــــــ❥
الله يعــــين ابو البــــاقر ابهل يوم
اجساد امــــطرحه وكـــــلها ادموم
مجـــــروح الگلب والحــيل مهدوم
العاشر جرحه وسط الگلب ما طاب
❥ــــــــ☆ــــــــ●ــــــــ☆ــــــــ❥
ازلام امـــــــعدله وتگضي الكلافات
ضلت بالرمـــــــل وسفه وحسافات
على مصــــــابهم هــــــلن يدمعات
ولطــــــم ياصــــــدر الهذا المصاب
❥ــــــــ☆ــــــــ●ــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
✍🏻الــشــاعــره رحـمـة اللّٰـه تـحـسيـن
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله






https://www.tgoop.com/AlaaAlFahad8080

نعي للدفنه
........................


بهداي وياهم يدفان

گلب الولي ملتهب نيران

مذبوح اخوي ومات عطشان

..................😭

بهداي لو تدفن المظلوم

من ظلوعه يون حسين مالوم

وبعده النحر يجري من ادموم

..................😭

دفان الولي بهداي وياه

حسين اخوي مگطعه اعضاه

عطشان انذبح ماشربيناه

................😭

يادفان من تهيل التراب

بهداي وياه ابن الاطياب

جروحه چثيره وضاع الاحساب

..................😭

يادفانهم ريض شويه

عندي عتاب وي اهل الحميه

رحت السبي ومادرو بيه

...................😭

يادفان وسعله الگبر زين

هاذا اخوي وگرة العين

راسه بلحجر منجسم نصين

..................😭

بهداي يادفان عباس

من تنزله عينك على الراس

تره مطبور بلهامه الفراس

..................😭

يدفان الشباب بهيده هليوم

لاتلچم علي الاكبر وجسوم

تراهي جروحهم تنزف من ادموم

وگلبي عليهم صبح مالوم


.........................

خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام





https://www.tgoop.com/AlaaAlFahad8080

جـابـر راح اخبرك بالجره اعـليه
ذبحوهه اخوتي ورديت مسبيه

*---------------*---------------*

جيت بحسرتي يا جابر اسمعني
ضـيـّعـت الگـمـر والگمر ضيعني
آنه ام الـخـدر والبين فـاجـعـنـي

مو هيچي الخدر يـنـعـاف تـالـيّه

*---------------*---------------*

لو عينك تصدلي تمـوت يا جـابـر
تـرميهه العمامـه وما تظل صـابـر
گـلبـي بـعـلّـتـه مـا يحمل يـكـابـر

مـشـونـي بـظـعـن شمات حـاديّـه

*---------------*---------------*

يا خـيـر الصحابـه شـارك ونـينـي
خليت الـگـمـر مطروح وحـسيني
جـيـتـك بالدمع والسوط مـاذيني

ما گتلي يـعـمـي شلون هـالـجـيّـه

*---------------*---------------*

حـاچـيـنـي يعـمـي ياهـو احچيله
نام اعلـه الـشـريـعـه كـافـل العيله
ردّانـه الشـمـر والـمـدمـع انـسـيلـه

ما يـخـمـد ونـيـني وجمرتي البيّـه

*---------------*---------------*

انـدب يا علي والـسوط بـمـتـونـي
يا عم ما دريت الگـوم شـتـمـونـي
تـالـي مْـيـسّـره بـالـضـيـم ردّونــي

والأصـعـب مـصيبـه مـاتـت رقـيـه

*---------------*---------------*

جـابـر راح اخـبـرك واخبر مـحـمـد
يـضـربـني الشمر بالسـوط يـتعـمـد
يا جرح اليطيب ويا جـرح يـضـمد

ريت اويه الكمـر هـالـعـيـن مـعمـيّه

*---------------*---------------*


✍بقلم خادم الحسين ع
#الشاعر رعد الجريخي





https://www.tgoop.com/pagy007