ابوذيات للهلال


عليمن ياهلال الحزن.. هليت
اجيت وللمصايب گمت.. هليت
ويّاك الدموع ابساع.. هليت
اشجبتلي وياك يهلال الرزيه
*-------------------*------------------*

انشدك ياهلال البين..هل بيك ؟
رحم . والمدمع بلاذنب.. هل بيك
المصاب الما جره للناس.. هل بيك
اجيت ودمعة الوادم جريه
*----------------------*-------------------*

حزنّه بطلعتك كل عام .. يهلال
ودمعنه بلا حچي ايهليك.. يهلال
گوموا للقتل والموت .. يهل آل
النبي ولوداعكم نصبوا عزيه
*--------------------*---------------------*

✍بقلم خادم الحسين ع
الشاعر رعد الچريخي
https://www.tgoop.com/Wounds_AshuraOne

نعي لبدايه شهر محرم الحرام
♠️♠️♠️♠️
وين ليعازيني وينوح
ويباوع گليبي لمجروح
عله ابن امي مفتوته الروح
♠️♠️♠️♠️
عله ابن امي مبين الحزن
هل الهلال وگمت اون
مصايب گليبي وجرن
♠️♠️♠️♠️
يوجع گليبي بيش اهيده
هذه المشي مامنه رده
ولياخذه لموت ويبعده
♠️♠️♠️♠️
الموت بعدانه من أهلنه
وضل الگلب ونه عله ونه
وعله حالنه محد سالنه
♠️♠️♠️♠️
محد سألنه وين ناوين
ولديره الغربه مرحلين
احو يهلنه وين ماشين
♠️♠️♠️♠️
تمت بعون الله تعالى
بقلم ✍🏻 المله والشاعره ام حيدر الحلفي
غير مبري الذمه اليحذف اسم الشاعره وينسب الكلام لهhttps://www.tgoop.com/Wounds_AshuraOne

نعي للهلال

(تكله ربي)
هل الهلال وصحت ربي
اعله حسين اخويه انشلع كلبي
حكج يعيني دموم صبي
،،،،،،،،،،،،،،،،،،،،،،،
زينب واه يازينب تدرون شسوت من شافت الهلال شسوووت زينب......؟ راحت لبو فاضل جابته لخوهه حسين ولزمت جفوفه ...... تكله يحسين... .....

انه حلفتك بهاي الاصابع
وراعيهن الواكف يباوع
ولكربله لتكلي طالع
،،،،،،،،،،،،،،،،،،،،،
زينب تكله عليه عليه ...

لو من صدك خايف عليه
انسالي درب الغاضريه
حلفتك . بسطرت رقيه
،،،،،،،،،،،،،،،،،،،،،
ااسمع زينب شتكله

انجان يمك مالي خاطر
الخاطر اخيك لاتسافر
ماريد اطر النهر باجر
،،،،،،،،،،،،،،،،،.
فل ضعنك وجابل ابنيتك
هيه بعازتك وبعازت اختك
لاتمشي يحسين اعله بختك
،،،،،،،،،،،،،،،،،،،،،،،،،،
الحسين يكلهه خويه انتي منين خايفه تره العباس يكفلج وانه اباريج اولد ام البنين تحجين بزودهم خويه احنه خمسه اخوتج مو واحد وثنين وتخافين..... شوف شراح اتجاوبه اتكله زينب... منكم
مشهوده ثلث انعام منكم
بس الحجي من يبدي ونكم
تدرون وين انه امشي عنكم
،،،،،،،،،،،،،،،،،،،،،،،،،

امشي سبيه ويه الذبحكم
واسمع يكول الله فضحكم
بنص كلبي مايهده جرحكم
سلمت امري لله هليوم
راح امشي بضعنك يمظلوم
اشبع مناحه واشبع هموم
،،،،،،،،،،،،،،،،،،،،،،
الشاعره رسل الابراهيمي
https://www.tgoop.com/Wounds_AshuraOne

موال نعي لمحرم الحرام



اشم ريحه خيم محتركه ياناس
لوريحه قلب فاطمه الحزنانه
ياقلب الزجيه مستعر نار
على الطايح ذبيح ابوسط ميدانه
تنعى ام الحسن والصوت مبحوح
تنوح اعلى الغريب وهم على اخوانه
تحن وتصيح يايمه الولد ليش
تاهو بالغرب يوليدي رضعانه
ياوسفه حسيني انذبح مغدور
وراحن للغرب ياناس نسوانه
بناته تنسبي وبضرب الاسياط
محد كال هاي الطفله عطشانه
اخيه اعلى النهر نايم العباس
حسين ابطيحته انهدت اركانه
يلوموني من انوح وانعى كل يوم
موكل عام انه اتسمه حزنانه
انه الوالده ام الولد مذبوح
وعلي جالت اخيول اهواي بطرانه
عمت عيني عليه اظلوعه متهشمات
وبكلبه شفت نابت سهم زانه
ثلث تيام ضل مطروح بالكاع
ولاواحد فزع له وصار دفانه
لايمه عشيره بلا اهل ممدود
بعباتي من الشمس فييت دوهانه
يازين العباد افزع يسجاد
لم احسين ابوك وحضر اكفانه
يالصاير وذر ماصح كفن ليه
مجموع ابحصيره بدمه غركانه


تمت بقلم خادمه اهل البيت ع
ام زهراء الفااطميه
اسالكم الدعاءhttps://www.tgoop.com/Wounds_AshuraOne

#قصيدة_مربعة (هلالية)

مشتــ🤝ــركة بــ✍🏻ــأقــ✍🏻ــلام
🕊خادمات اهل البيت🕊

هل عاشور شهره اللي يبچيني
و بي أمة رسول الله تواسيني
★★::::::::::::::::::★★::::::::::::::::★★

هل دمع الحزن وعيوني سچابه
على الراحوا وتركو گلبي بصوابه
شعلوا بـالگلب نيران لهابه
أشد من ناري الحّرگت صواويني

✍🏻#ام_فاطمة_الزهراء
★★::::::::::::::::::★★::::::::::::::::★★

هل شهر الحزن ودموعي جرايه
خوفي اعله ولينه وحامل الرايه
يروحون واظل بولية اعدايه
الكافل وينه اصيحن وينك حسيني

✍🏻#خادمة_الزهراء_ام_كرار_الطائيه
★★::::::::::::::::::★★::::::::::::::::★★

بـهلاله أشوفن چـن طفل دامي
واخوي حسين ويلي ينذبح ضامي
ريت الموت اجاني وخلصت ايامي
ولاشوف المصايب واصفگ ايديني

✍🏻#ولائـية_وافتـخر (دعاء العامري)
★★::::::::::::::::::★★::::::::::::::::★★

أويلي بيه اشوف امحرگه العبي
هذا الوعد يذکره جدي النبي
حرم واطفال تصفى بید الأجنبي
واگضيه العمر والحزن غاطيني

✍🏻#علویه_ام_فاضل
★★::::::::::::::::::★★::::::::::::::::★★

وينه اليلطم ويبچي يشيعة وياي
يا هالناس رايح مني اخو وفاي
اصبر الروح تنشدني على ملفاي
تعالي يازهره يمه دشو فيني

✍🏻#فاطمة_الحلفي
★★::::::::::::::::::★★::::::::::::::::★★


اشوفن بيك آه يا شهر الأحزان
هلي يرحون بيك وافگد الخوان
اظل انحب عليهم والگلب حزنان
ولمصاب الحبايب دم تهل عيني


✍🏻#آلــــّعــلّويِـــــه_آلّمٌوسويِــــۿ

تــمــت بعون الله
31/7/2018
❌لانجيز حذف اسماء الشاعرات❌
★★::::::::::::::::::★★::::::::::::::::★★
https://www.tgoop.com/Wounds_AshuraOne

لطميه للهلال تقرأ بعدة اطوار‌☝️⁩ لمن تتمكن من ذلك
«┄┉❈❥ًً❀)🧿(❀❥❈┉

من هل شهر عاشور ايسنه من اهلنه

كلبي انقبض من شوفته يهل المحنه

«┄┉❈❥ًً❀)🧿(❀❥❈┉

يهلال احزنت الكلب وعيوني تجري

ومنين اجتني كربلا وكسرتلي ظهري

خلتني الوج وحايره ومحتاره بأمري

من شوفته سال الدمع والون كتلني

«┄┉❈❥ًً❀)🧿(❀❥❈┉

عباس ناده لخوته واهل الحميه

ظعن الاميره بت علي خلوه عليه

هودجها. اني اتكفله ونمشي سويه

تفداك زينب ياوليي دولبتني
«┄┉❈❥ًً❀)🧿(❀❥❈┉

تفداك زينب وين ناوين بحملها

تلوج وتون وخايفه يطيحون اهلها

يهلال دولبت الفكر همك كتلها

ومنين اجتني الغاضريه وكدرتني

«┄┉❈❥ًً❀)🧿(❀❥❈┉

تكدرت من هل الشهر وشلونه حالي

خافن اظل ميسره وماعندي والي

ووليدي يبجي وكالي اخاف اعلى خالي

يابعد كلبي خالكم يالولد يبني
«┄┉❈❥ًً❀)🧿(❀❥❈┉

من فدوه اروح لخالكم يالولد يمه

بجاله عشت مدلله ماردلي جلمه

سالم يردلي ريت والباري يسلمه

شفت الهلال وونتي يبني عمتني

«┄┉❈❥ًً❀)🧿(❀❥❈┉

‌✍️⁩*تمــــــــت بعــــــــــون اللــــــــــه تعـــــــــالى لاأجيــــــــــز شرعا حــــــــــذف اسمـــــــــــي من* *القصيـــــــــــده او*تنسيبـــــــــــها* *لغيـــــــــــري جزاكم الله خيرا*
*الشاعـــــــــــره ام عــــــــــــبد اللّـــــــــــه العابــــــــــدي*
https://www.tgoop.com/Wounds_AshuraOne

لطميه وزن فائزي لليوم الأول من شهر محرم الحرام

لسان حال السيده ام كلثوم عليها السلام
_⛺__
يادار اهلنه رايحه عنج يهل الدار
ماأظن بعد  ارجع الج ذكرتهه الاخبار
_⛺__
ذكرتهه الاخبار وحجت عن الرزيه
تتيتم اطفال ونسه بالغاضريه
وتروح ميسوره وتون الهاشميه
وخيامهم ويه الخدر تاكلهن النار
*✍🏻✍🏻 أم عبـــــد اللـــــــه العـــــابدي*

_⛺__

یادار اهلنه الیوم من عندچ مشینه

غبشه طلع بینه الظعن من المدینه

ولرض الرزیه والکدر کلنه نوینه

وادری نضل بیها حرم والدمع نثار

*✍🏻المیرزا ام لیلی الخاقانی*

_⛺__
عايف مگاني البي ربيت وبيت اهلنه
وعايف هلي بكبورهم اهل المحنه
وعايف ابداري فاطمه التجذب الونه
وتضل وحيده فاطمه وماتدري اصار

*✍🏻ام علي المالكي*
_⛺__

عافونه وين اهل المحنه ابعدو عني

وخلوني اون ومكثره عليهم ابوني

من اهلي  ياوسفه  انكطع يايمه ظني

جاليش،ماانصف دهرنه ويانه غدار

*✍🏻ام عمار الصائغ*
_⛺__
_
شالو هلي وعافو نزلهم والدواوين
دارك صفت ضلمه المسه توحشنه  يحسين
اه زماني وعملته وياعملة البين

بكلبي تسعر جمرتي وماتطفي النار
*✍🏻الشاعره ام احمد البصراويه*
_⛺__
سدينه دار اهل الكرم وأهل المحنه 
مانكدر نعوف الاخو ووياه رحنه
ظلت عليله بدار ابوها تجر ونه
تبجي وتنادي وين رحتو ازغار واكبار

*✍🏻ام جعفر  الايرواني*

⛺__
https://www.tgoop.com/Wounds_AshuraOne

مربعه للهلال
❥ــــــــ☆ــــــــ●ــــــــ☆ــــــــ❥
يشيعه اليوم هل اهلال عاشور
خن جــدد حزن للنحره منحور
❥ــــــــ☆ــــــــ●ــــــــ☆ــــــــ❥
يشيعه اليـــوم هل اهلال الحزان
هــــل شهر المـــصيبه لال عـدنان
قميص احسين بالدم غطه الكوان
وجن جمره ســمانه وبالدمه تفور
❥ــــــــ☆ــــــــ●ــــــــ☆ــــــــ❥
لجــل احـــــسين ننصبها العزيه
ونعـــزي فاطمــــه وخير البريه
مـــــاننسه غريب الغـــــاضريـه
وذكره مـــانعوفه ابكل العصور
❥ــــــــ☆ــــــــ●ــــــــ☆ــــــــ❥
ماننساه ابــــد عايـَــش بالنفاس
حبه بالكــــلب لا مـــاله مـقياس
هيبتنه وسندنه وتــــاج عالراس
بشرب الماي اسم احسين مذكور
❥ــــــــ☆ــــــــ●ــــــــ☆ــــــــ❥
عهد احزان وي احسين اخذناه
لحــــد المــات ماننسه حسيناه
وعهــــد وي الزچــيه عاهديناه
ماننســـه الغريب الراسه مبتور
❥ــــــــ☆ــــــــ●ــــــــ☆ــــــــ❥
ننصـــــبله عزه ننصــــب مأتم
ونواســيها الزجيه وياها نلطم
لابنـــج يم حسن مانمل نخدم
بهلت الشهر كل شيعي مكسور
❥ــــــــ☆ــــــــ●ــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
✍🏻الــشــاعــره المله رحـمـة اللّٰـه تـحـسيـن
لا اجيز حذف الاسم أو التلاعب بالكلام
غير مبري الذمه من ينسب الكلام إلهhttps://www.tgoop.com/Wounds_AshuraOne

#قصيدة_مربعة (هلالية)

مشتــ🤝ــركة بــ✍🏻ــأقــ✍🏻ــلام
🕊خادمات اهل البيت🕊

هل عاشور شهره اللي يبچيني
و بي أمة رسول الله تواسيني
★★::::::::::::::::::★★::::::::::::::::★★

هل دمع الحزن وعيوني سچابه
على الراحوا وتركو گلبي بصوابه
شعلوا بـالگلب نيران لهابه
أشد من ناري الحّرگت صواويني

✍🏻#ام_فاطمة_الزهراء
★★::::::::::::::::::★★::::::::::::::::★★

هل شهر الحزن ودموعي جرايه
خوفي اعله ولينه وحامل الرايه
يروحون واظل بولية اعدايه
الكافل وينه اصيحن وينك حسيني

✍🏻#خادمة_الزهراء_ام_كرار_الطائيه
★★::::::::::::::::::★★::::::::::::::::★★

بـهلاله أشوفن چـن طفل دامي
واخوي حسين ويلي ينذبح ضامي
ريت الموت اجاني وخلصت ايامي
ولاشوف المصايب واصفگ ايديني

✍🏻#ولائـية_وافتـخر (دعاء العامري)
★★::::::::::::::::::★★::::::::::::::::★★

أويلي بيه اشوف امحرگه العبي
هذا الوعد يذکره جدي النبي
حرم واطفال تصفى بید الأجنبي
واگضيه العمر والحزن غاطيني

✍🏻#علویه_ام_فاضل
★★::::::::::::::::::★★::::::::::::::::★★

وينه اليلطم ويبچي يشيعة وياي
يا هالناس رايح مني اخو وفاي
اصبر الروح تنشدني على ملفاي
تعالي يازهره يمه دشو فيني

✍🏻#فاطمة_الحلفي
★★::::::::::::::::::★★::::::::::::::::★★


اشوفن بيك آه يا شهر الأحزان
هلي يرحون بيك وافگد الخوان
اظل انحب عليهم والگلب حزنان
ولمصاب الحبايب دم تهل عيني


✍🏻#آلــــّعــلّويِـــــه_آلّمٌوسويِــــۿ

تــمــت بعون الله
31/7/2018
❌لانجيز حذف اسماء الشاعرات❌
★★::::::::::::::::::★★::::::::::::::::★★
https://www.tgoop.com/Wounds_AshuraOne

نعي للهلال على لسان السيدة زينب ع
💐💐💐💐💐💐💐💐💐💐💐💐
هل الهلال وغاب كلبي
ومن البجي ما شوف دربي
سلم الولي لية يربي
💐💐💐💐💐💐💐💐💐💐💐💐
كون الولي سالم وريتة
دايم يضل بركان بيتة
ويطول عمرة تمنيتة
💐💐💐💐💐💐💐💐💐💐💐💐
يكون الولي سالم اشوفة
ونكعد سوية وما اعوفه
تهضمني ياطبت الكوفة
💐💐💐💐💐💐💐💐💐💐💐💐
يهلال دومك كون غايب
بيك افكد اعزازي وحبايب
ونسبي وتحمل مصايب
💐💐💐💐💐💐💐💐💐💐💐💐
يهلال غيب ولا تهل
بيك افكد اعزاز واهل
والدمع ما ابطلة يهل
💐💐💐💐💐💐💐💐💐💐💐💐
غيب وبعد لا تمر بينة
اخاف الكفلني تروح عينة
ومكطوعة اشوفنها يمينة
💐💐💐💐💐💐💐💐💐💐💐💐
كلبي على الوليان منعاب
وينزف يجرحي وابد ماطاب
لو راح اخوي منين ينجاب
💐💐💐💐💐💐💐💐💐💐💐💐
لو راح اخوي منين اجيبة
وانة يهل وادم غريبة
والحرمة وحدهة مصيبة
💐💐💐💐💐💐💐💐💐💐💐💐
خوال الولد يا ماي العيون
بهذا الشهر جنهم يروحون
وينسون اختهم ما ينشدون
💐💐💐💐💐💐💐💐💐💐💐💐

الشاعرة خادمة الحسين ع
✍ ام كرار الساعدي
كتاب (( احزان اهل البيت))
((غير مبري الذمة من يحذف اسم الشاعر))
https://www.tgoop.com/Wounds_AshuraOne

#ياصاحب_ الزمان _مدد_ الهلال

القصيده 📜الهلال (حضري روحج )

#الشاعره_فاطمه_هاشم_الحسيني


⊱━━⊰✾ياصاحب الزمان✾⊱━━⊰

حضري روحج ياعزيزة فاطمه

بين اهلال المصايب بلسمه


⊱━━⊰✾ياصاحب الزمان✾⊱━━⊰


حضري روحج للمصايب والدمع

باجر الدلال باجر ينفجع

وحدج تبقين مكسورة ظلع

تحتركَ خيمات و يسيل الدمه


⊱━━⊰✾ياصاحب الزمان✾⊱━━⊰


حضري روحج حيل زينب من صدك

مو فقط خيمات روحج تحترك

بلحوافر حيل كلبج ينسحك

باجر الاشرار كلبج تلجمه


⊱━━⊰✾ياصاحب الزمان✾⊱━━⊰


باجر الاشرار تكسرلج كلب

بطلعة اهلال النوايب تنكلب

بلا أهل تبقين والمدمع يصب

بلا خيم تصفين بلبر هايمه


⊱━━⊰✾ياصاحب الزمان✾⊱━━⊰


بين اهلال المصايب والحزن

حضري روحج بعد ما يطبكَ جفن

السياط اثكَال ما ترحم متن

وادم التوليج كلش ظالمه


⊱━━⊰✾ياصاحب الزمان✾⊱━━⊰


وادم التوليج ماترحم جرح

مثل اخوج حسين بيهم ما يصح

باجر اتشوفين بعيونج ذبح

باجر اتصيحين ياحامي الحمه


⊱━━⊰✾ياصاحب الزمان✾⊱━━⊰


باجر اتصيحين يا هاشم مدد

لا خيم تبقين لا اخ لا ولد

حكَج اتكولين دلالي انمرد

هل مصايب حيل صعبه ومؤلمه

⊱━━⊰✾ياصاحب الزمان✾⊱━━⊰


كلمات العلويه خادمة اهل البيت ع

#الشاعره_فاطمه_هاشم_الحسيني

غير مبري الذمه من يحذف الاسم او ينسب الكلام له

الاصدارات ياقوت الإمامه

النفس المطمئنه

صبر الهواشم
https://www.tgoop.com/Wounds_AshuraOne

*مجلس اليوم الأول من محرم*
❥━──➸➽❥❂❥━──➸➽❥❂
*صلى الله عليك يا سيدي ومولاي يا رسول الله و على الك المظلومين صلى على عليك يا مولاي وابن مولاي يا أبا عبد الله يا غريب يا مظلوم كربلاء يا مسلوب العمامة والرداء غريب ومن مثلك غريب سيدي ما خاب من تمسك بكم وأمن من لجاء إليكم يا ليتنا كنا معكم سادتي فنفوز والله فوزا عظيما*

*القريض:🍃*
------------------
هَلَّ المُحَرَّمُ فاسْتَهلَّتْ أَدْمُعِي                   وروَى زَنادُ الحُزنِ بينَ الأَضْلُعِ

مُذْ أَبْصَرَتْ عَيني بُزُوغَ هِلالهِ                مَلَأَ الشَّجَا جِسْمِي فَفَارَقَ مَضْجَعِي

وَتنغَّصَتْ فيه عَليَّ مَطَاعِمِي                  وَمَشَارِبي وازْدَادَ فِيهِ تَوجُّعِي

الله يَا شَهْرَ المُحَرَّمِ مَا جَرَى                  فيه عَلَى آلِ البَطِينِ الأَنْزَعِ

الله مِن شَهْرٍ أَطَلَّ عَلَى الورَى                بمصَائِبٍ شَيَّبْنَ رَوْسَ الرُّضَّعِ

شَهْرٌ لَقَدْ فُجِعَ النَّبِيُّ محمّدٌ                    فيهِ وأيُّ مُوحِّدٍ لم يُفْجَعِ

شَهْرٌ بِهِ نَزَلَ الحسينُ بِكربَلا                  في خَيرِ صَحْبٍ كالبُدُورِ اللُّمَّعِ

فَتَلأْلأَتْ مِنْها الرُّبوعُ بِنورِهِ                   وَعَلَتْ عَلَى هَامِ السِّمَاكِ الأَرْفَعِ

*ابوذيه:🍃*
-----------------
دمه فوگ الدمع هاليوم هليت
و يهلال الحزن بالدرب هليت
گلت يا ليت ما نفعت ي هليت
يردني حسين بس ما رجع بيه

*نعي فائزي:🍃*
---------------------
*تگول زينب(ع)*
هل الهلال اليوم و دموعي جريه
بيه اخوتي اتذبحت من جور آل اميه

يحسين هذا الشهر خله بگلبي نيشان
واعله الجره بطف كربله بگليبي نيران

هاليوم جددنه التعازي للزچيه
نوحو يشيعه اليوم والدمعه جريه

انا وانا إليه راجعون وسيعلم الذين ظلموا آل بيت محمد إلى اي منقلب ينقلبون والعاقبة للمتقين اجركم الله يا شيعه بمصاب سيدنا ومولانا أبا عبد الله الحسين (عليه السلام)....
يقول الإمام الكاظم (ع) كان أبي الإمام الصادق(ع) إذا دخل شهر المحرم لا يرى ضاحكا وكانت الكأبه تغلب عليه حتى تمضي عشرة ايام منه فإذا كان اليوم العاشر كان ذلك اليوم يوم مصيبه وبكائه ويقول هو اليوم الذي قتل فيه الحسين .
نعم يا أخواتي المؤمنات يا معزيات الزهراء (ع)ان هذا اليوم هو اول يوم لتجديد العزاء الدائم على مصيبة أبا عبد الله الحسين وذبح اطفاله وسبي نسائه فعندما يهل هلال محرم تتوشح الدنيا بأكملها بالسواد وتبكي الأرض والسماء لهذا المصاب العظيم فيا معزيات في هذه الأيام نقيم مجالس الحزن والعزاء لنواسي مولانا الإمام المنتظر (عج)ونواسي أخته الحوراء زينب (ع) فهي تبكي وتنوح عندما ترى هلال محرم في السماء.
*(تگول):*

هل الشهر ودموعي هليت
ولحسين اخيي اليوم ونيت
ولامي الزچيه اليوم عازيت

يهلال الحزن هيجت الاجروح
ولگظي العمر يحسين بالنوح
والدمع الك يبن امي مسفوح

دمعي اليوم لمصابك لسيله
و نيت و الونه ثگيله
ومصاب الجره ما بيه حيله

نجددلك عزه يحسين هاليوم
لجلك يبن حيدر يجيدوم
نبچي ونون للمات مظلوم

وان مولاتنا فاطمة الزهراء (ع) حاظره معنا في مجالس العزاء على الحسين تنعى ابنها الظامي المظلوم فنواسيها بأنين ودموع فعليك يا اختي المواليه ان تعزين الزهراء بقلب متألم وبنيه صادقه لانها جالسه معنا وترى من تنعى وتبكي على ولدها تگول:

هل الهلال وهلت العين
اصيح بصوت يا مظلوم يحسين
وسفه غدرتك گوم الملاعين

انه بكل المجالس حاظرة اليوم
نوحو وياي عالي مات مظلوم
وگلبي صبح هاليوم مهموم

وين التساعدني اعله مبچاي
تبچي و تون و تنوح وياي
على حسين ابني ولبة حشاي

❥━──➸➽❥❂❥━──➸➽❥❂
*بقلم🖊خادمة أهل البيت*
*العلويه مريم النور*
*نسألكم الدعاء الفاتحه الى روح اختي وﻷمواتكم:🍃*https://www.tgoop.com/Wounds_AshuraOne

#ياصاحب_الزمان_مدد_الهلال

القصيده📜هلالك يامحرم

#الشاعره_فاطمه_هاشم_الحسيني

اهلالك يا محرم حيل اذاني

كل خوفي بطلعتك اخسر اخواني


⊱━━⊰✾ياصاحب الزمان✾⊱━━⊰


بهلالك محرم هل دمعه العين

ما بياش اكومن خايفه اعله حسين

كل ساعه ويكلي شبيج شو تبجين

مايدري عليه ادموعي وأحزاني


⊱━━⊰✾ياصاحب الزمان✾⊱━━⊰


هلالك يا محرم يمرد الدلال

دمعاتي تصب لحسين و الكفال

بيه شلون باجر تنذبح امال

بعد جم يوم نار تحيط صيواني


⊱━━⊰✾ياصاحب الزمان✾⊱━━⊰


بعد جم يوم نار تحيط بلصيوان

مااحشم وسافه مذبحه الخوان

بطرك الاه اصفه بولية العدوان

من هسه هلالك هاذ بجاني


⊱━━⊰✾ياصاحب الزمان✾⊱━━⊰


من هسه هلالك عذبالي الرؤح

عاشر يوم ابو السجاد بيه مذبوح

انه واليتامه انحير وين انروح

يهلال الحزن بلروح نيراني


⊱━━⊰✾ياصاحب الزمان✾⊱━━⊰


يهلال الحزن بلرؤح شبت نار

من هسه دليلي خايف ومحتار

ياخوفي افارك ضنوة الكرار

خوفي يرؤح ابو السجاد ينساني


⊱━━⊰✾ياصاحب الزمان✾⊱━━⊰


كلمات العلويه خادمة اهل البيت ع

#الشاعره_فاطمه_هاشم_الحسيني

غير مبري الذمه من يحذف الاسم او ينسب الكلام لهhttps://www.tgoop.com/Wounds_AshuraOne

#ياصاحب_ الزمان _مدد_ الهلال

القصيده 📜الهلال (حضري روحج )

#الشاعره_فاطمه_هاشم_الحسيني


⊱━━⊰✾ياصاحب الزمان✾⊱━━⊰

حضري روحج ياعزيزة فاطمه

بين اهلال المصايب بلسمه


⊱━━⊰✾ياصاحب الزمان✾⊱━━⊰


حضري روحج للمصايب والدمع

باجر الدلال باجر ينفجع

وحدج تبقين مكسورة ظلع

تحتركَ خيمات و يسيل الدمه


⊱━━⊰✾ياصاحب الزمان✾⊱━━⊰


حضري روحج حيل زينب من صدك

مو فقط خيمات روحج تحترك

بلحوافر حيل كلبج ينسحك

باجر الاشرار كلبج تلجمه


⊱━━⊰✾ياصاحب الزمان✾⊱━━⊰


باجر الاشرار تكسرلج كلب

بطلعة اهلال النوايب تنكلب

بلا أهل تبقين والمدمع يصب

بلا خيم تصفين بلبر هايمه


⊱━━⊰✾ياصاحب الزمان✾⊱━━⊰


بين اهلال المصايب والحزن

حضري روحج بعد ما يطبكَ جفن

السياط اثكَال ما ترحم متن

وادم التوليج كلش ظالمه


⊱━━⊰✾ياصاحب الزمان✾⊱━━⊰


وادم التوليج ماترحم جرح

مثل اخوج حسين بيهم ما يصح

باجر اتشوفين بعيونج ذبح

باجر اتصيحين ياحامي الحمه


⊱━━⊰✾ياصاحب الزمان✾⊱━━⊰


باجر اتصيحين يا هاشم مدد

لا خيم تبقين لا اخ لا ولد

حكَج اتكولين دلالي انمرد

هل مصايب حيل صعبه ومؤلمه

⊱━━⊰✾ياصاحب الزمان✾⊱━━⊰


كلمات العلويه خادمة اهل البيت ع

#الشاعره_فاطمه_هاشم_الحسيني

غير مبري الذمه من يحذف الاسم او ينسب الكلام له

الاصدارات ياقوت الإمامه

النفس المطمئنه

صبر الهواشم
https://www.tgoop.com/Wounds_AshuraOne

للهلال

👈نمشي والمنايه تسير ويانه*
وهلال المحرم موت عنوانه👉



👆 المستهل



نمشي والمنايه ويانه ممشاها
وزينب خايفه وتبجي علولياها
من هل المحرم رجفت اعضاها
وهلال الكدر مكروه عنوانه🎤



يهلال الشهر شوفك يبجيني
علناگه واصد لهلالك بعيني
موعوده بمصايب بأول سنيني
من هل الشهر خفت اعله وليانه🎤



امشي بالدرب وهلالك اگبالي
من شفته خفت وتغيرت احوالي
امشي والمنايه وياي تبرالي
ومن هل المحرم حيل بجانه🎤



حس بلخوف گلبي اعلى الزلم كلها
واخافن كربله وي اخواني اوصلها
غبره الگاع هاي منين نندلها
حسيت بخطر من غدرت اعدانه🎤



خافن ينغدر ويروح ابو اليمه
گلبي اعلى الزلم خاف وكثر همه
وينج يلزجيه تعاي يايمه
ماريدن اصل كربله الخوانه🎤



هل شهر المحرم بلدرب شفته
شهر حزن وكدر ومصايب عرفته
كون حسين يسلم فدوته اخته
يغدرون الحسين يزيد واعوانه🎤


✍لَخَآدِمَةّ أّلحسيّنِ (ع)
{{ الــ؏ـلّويــه َّسـهِــيِّــلَـهِ حـسـيِّـنِ }}

( غٌير مَبِريِّ أّلَذمَهِ مَنِ يِّحذّفِّ أّلَأَّّسمَ
أّو يغٌيّرهِ أّوِ يِّنِسبِ أّلَقِصيِّدِهِ لَنِفسهِ )
مَلَأّحضّهِ ...
أّلَأّخَوِهِ أّلَروِأّدِيدِ مَنِ يِّصعبِ علَيِّهِ ذّګر أَّّسمَ أّلَشٍأّعرهِ انسبو القصيده ب أسم
{{ هِأشٍـمَ أّلَـهِـآشٍـمَــيِّ }}https://www.tgoop.com/Wounds_AshuraOne

قصیده اول یوم محرم هلالیه

آه یازماني حزنڬ لفاني
من شفت الهلال بشوفه عماني
@@@@@@@@@@
شفته اجاني کلبي لزمته
ماینصف اویاي اني عرفته
خوفي عله حسین هوه وصحبته
خوفي عضیده ایطیح ابغربته
دهري رماني ضلیت اعاني
من شفت الهلال حزني لفاني
@@@@@@@@@@
کلبي وجعني خویه یوالي
یانسل الاطهار وبضعة الاهادي
وسفه اضلن بین الاعادي
اشلون انه ودعڬ لو حِده الحادي
افکدحناني یغدرزماني
من شفت الهلال حزني سباني
@@@@@@@@@
من شفت الهلال تجري عیوني
خافن یروحون وتخیب اظنوني
ادري یبعدون لامایجوني
من شفت الهلال شدوا اضعوني
شالوها تالي کل الغوالي
من شفت الهلال دهري رماني
@@@@@@@@@@
کل الاهل لیش مني یروحون
لوجاني عاشر خافن یودعون
کلهه ضحایه وبساحت الکون
لوراحوا اشلون حمولي یشیلون
راحوا خواني ضلیت اعاني
من شفت الهلال غیر الواني
@@@@@@@@
عمیه عساني ولاشفت الهلال
لمن نظرته ضل دمعي همال
خوفي عله حسین من کوم الانذال
نبقه یساره وتسیب العیال
ضلیت انادي من هل اعادي
من شفت الهلال البین اجاني
@@@@@@@@@@
تمت بعون الله بقلم شاعرة اهل البیت ع ام یاس الساعدیه
https://www.tgoop.com/Wounds_AshuraOne

في رحاب اهل البيت عليهم السلام
فزاعية للهلال
....
ابد والله يا زهرا
ماننسه حسيناه
.....
ابد والله يم احسين
عليه انهل دموع العين
اوهله او اصحابه الطيبين
نظل طول العمر ننعاه يازهراء
......
اهلال الشهر بجانه
الگلب بيه هاجت احزانه
اوعلى زينب اورضعانه
تهل اعيونه اللوعة يتاماه
....
اه يا لوعة امصابه
اعيون النبي سجابه
عله الكافوره اترابه
وامه ناشره ثوبه ابحزن تنعاه
.....
انعزي حيدر الكرار
هل الشهر بالاكدار
اه يالوعة الاطهار
عله احسين اورضيعه واخوته الوياه
.....
اه يحسين ومصابه
اعيون الزهره سجابه
وابوه ايصيح يا يابه
غريب احسين تالي ذبحته اعداه
......
الحاجة ام احسان
22 ذي الحجة 1439 هـ
لطفا لاتحذف اسم الشاعرة
https://www.tgoop.com/Wounds_AshuraOne

فزاعيه لليوم الاول من شهر المحرم

هليوم واحد بالشهر
والزهراء حزنانه

----------1----------

نشرت قميصه بالسمه
مزق ملطخ بالدمه
تصرخ الزهره العالمه

على حسين واخوانه

----------2----------

تخاطب الهلال بقهر
ابني يموت بهل الشهر
والشمر يكطعله النحر

وجثته تضل عريانه

----------3----------

والخيل تسحق جثته
وباليسر تمشي عيلته
تكفلهم زينب خيته

ومن التعب نحلانه

----------4----------

لهلال ليها يعتذر
شبيدي يابت سيد البشر
ويلاه من فعل الدهر

على حسين مولانه

----------5----------

بكل مجلس تحضر فاطمه
وتنوح والدمعه دمه
عالعتبه تكعد لاطمه

وتبجي حيل ويانه

----------6----------

تبجي وتنادي يالولد
ياريع قلبي والجبد
يذبحوك وقلبي ينمرد

وعيني تضل سهرانه

----------7----------

اهل السقيفه الظالمه
جتلوك يابن حامي الحمه
من يوم ظربوا فاطمه

وضلت تون وجعانه

------ تمت بعون الله ------

بقلم خادمة الزهراء منى البصراويه
9 / 9 / 2018
https://www.tgoop.com/Wounds_AshuraOne

فزاعية للهلال


.....

يزينب هل مسيه
هل الهلال

.....
اترف العين من عاينت الهلال

يزينب هل مسيه

هل الهلال

شفته بهلمسيه والدمع سال

يزينب هل مسيه

هل الهلال

جاب حسين لطف حته لعيال

يزينب هل مسيه

هل الهلال

جايب بلضعينه حته لطفال

.....

اترف العين من هليت بسماي

يزينب هل مسيه

هل الهلال

اجيت الكربله بضعون ولياي

يزينب هل مسيه

هل الهلال

امشي مخدره وعباس وياي

يزينب هل مسيه

هل الهلال

من ارجع اسيرة بيد الانذال

.....

يبره المحملي عباس من جيت

يزينب هل مسيه

هل الهلال

يهلال النوايب ليش هليت

يزينب هل مسيه

هل الهلال

دوم العشره وي اهلي تمنيت

يزينب هل مسيه

هل الهلال

اسيرة امشي ولا چانت عله البال

.....


امشي الكربله لديار الاحزان

يزينب هل مسيه

هل الهلال

مجروح الگلب لفراگ الاوطان

يزينب هل مسيه

هل الهلال

نورك هلمسه يابو الحزن بان

يزينب هل مسيه

هل الهلال

تصد العين ليك ودمعي همال

.....


ليك العين صدت والدمع هل

يزينب هل مسيه

هل الهلال

چن عباس شفته اعله النهر ضل

يزينب هل مسيه

هل الهلال

شفت خيام محروگه وشفت تل

وزينب يوم عاشر حالهه حال

.......
يزينب هل مسيه هل الهلال


ام محمد الحجاج

العبادي

6/7/2019
https://www.tgoop.com/Wounds_AshuraOne

👆🏻👆🏻👆🏻👆🏻👆🏻👆🏻👆🏻👆🏻👆🏻الأصدارات الجديدة للشاعرة

انتي ملايه ومبتدئه وتصعب عليچ القصائد تعالي وياي لقناة الشاعرة ام علي الامارة قصائده سهله ومفرداتها تاخذج لعمق المصيبة لتكولين هذا مجرد اعلان لالا
اشتركي بقناتها وسألي عن دواويينها سلسلة مواجع

الأشترااك من هنا 👇🏻👇🏻👇🏻

https://www.tgoop.com/um_ali313

https://www.tgoop.com/um_ali313


غير مبري الذمه الياخذ الأعلان ويضيفه لغير دعم 🚫🚫🚫🚫