ملايات هذا ديوان رؤؤؤعه ياقوت ألامامه

#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها


https://www.tgoop.com/Kinitniea1984

‏https://www.tgoop.com/Kinitniea1984

عمه زينب طفله من الخوف صاحت
عمه زينب وين ذيج الزلم راحت
كلبي مصيوب بسهم عكب شيال العلم
عمه زينب شفت منه الرايه طاحت
*
عمه زينب كعدي يمي انه اخافن بالضلام
عمه صح طفله زغيره وحيل ياذيني الكلام
بعيني هايه حسين شفته بيوم صابنه السهام
عمه زينب رحم ماكو ليش هيجي مو حرام

شلون لو بس الاجانب بالضعن
شلون لو بتنه بخرابه بلا وطن
بعد ماينفع ندم عكب شيال العلم
عمه زينب شفت منه الرايه طاحت
*
عوفي التله وتعالي الخوف عمتي كلبي ذايب
غير بس انتي البقيتي يله يا باجي الحبايب
رايح الليل يجينه واحنه غربه اعله المصايب
ولا اهل عدنه يعمه ولا صديج ولا كرايب

شلون عمه والشمر ماعنده غيره
شلون عمه من يسموني الاسيره
كمت اعثر بالجدم عكب شيال العلم
عمه زينب شفت منه الرايه طاحت
*
عمه زينب غير احنه الكلشي مخلوق الاجنه
عمه جا ليش بخرابه وعل هزل يمشي ضعنه
عمه مالي عين اخلي حسين طايح و الكفنه
عمه ذوله يخوفوني من عكب راعي المحنه

شلون عمه عالترابه وتغفه عيني
شلون عمه والاهل محد يجيني
كلبي ياعمه الجم عكب شيال العلم
عمه زينب شفت منه الرايه طاحت
*
عمه زينب عكب ذيج الزلم كلها انضل سبايه
يشتمونه و عيني تبجي و نار تلهب بالعبايه
الغالي شفته وكمر طايح والاهل كلهم ضحايه
غير هذا حسين ابوي العرش لجله و الولايه

شلون بته مجتفه و تمشي سبيه
شلون يقبلها الشهم مالي تجيه
بيمن انشد العزم عكب شيال العلم
عمه زينب شفت منه الرايه طاحت
*
شلون عمه لو مشينه و روس اهنه اعله الرماح
شلون لو بتنه بخرابه و يدوي بأذني الصياح
راح عبدالله و نعوفه يضل وحده ويه الجراح
عمه خليني اعاتب لون من ويكضون السلاح

شلون مابيهم شهم لوبي حميه
شلون ماحمل غرب تزمخ عليه
شلون لومني انتقم عكب شيال العلم
عمه زينب شفت منه الرايه طاحت
*
حسن صالح العيساوي
https://www.tgoop.com/Wounds_AshuraOne