tgoop.com/Wounds_AshuraOne/24680
Last Update:
فزاعيه لليوم الاول من شهر المحرم
هليوم واحد بالشهر
والزهراء حزنانه
----------1----------
نشرت قميصه بالسمه
مزق ملطخ بالدمه
تصرخ الزهره العالمه
على حسين واخوانه
----------2----------
تخاطب الهلال بقهر
ابني يموت بهل الشهر
والشمر يكطعله النحر
وجثته تضل عريانه
----------3----------
والخيل تسحق جثته
وباليسر تمشي عيلته
تكفلهم زينب خيته
ومن التعب نحلانه
----------4----------
لهلال ليها يعتذر
شبيدي يابت سيد البشر
ويلاه من فعل الدهر
على حسين مولانه
----------5----------
بكل مجلس تحضر فاطمه
وتنوح والدمعه دمه
عالعتبه تكعد لاطمه
وتبجي حيل ويانه
----------6----------
تبجي وتنادي يالولد
ياريع قلبي والجبد
يذبحوك وقلبي ينمرد
وعيني تضل سهرانه
----------7----------
اهل السقيفه الظالمه
جتلوك يابن حامي الحمه
من يوم ظربوا فاطمه
وضلت تون وجعانه
------ تمت بعون الله ------
بقلم خادمة الزهراء منى البصراويه
9 / 9 / 2018
https://www.tgoop.com/Wounds_AshuraOne
BY جروح عاشوراء
Share with your friend now:
tgoop.com/Wounds_AshuraOne/24680