tgoop.com/Tasadduq_yo_Rosululloh/9483
Last Update:
🌙 SALAVOT AYTISHDAN HOSIL BO'LADIGAN FOYDALAR
Salavotning foydalarini ko'pgina ulamolar aytib o'tishgan. Masalan, Hofiz ibn Hajar Asqaloniy kabi buyuk olimlar Nabiy sollallohu alayhi vasallamga salavotu salom aytishning quyidagicha foydalarini bayon qilishgan:
1. Salavot aytish – Alloh subhanahu taoloning buyrug'iga bo'ysunishdir.
2. Rasululloh sollallohu alayhi vasallamga salavot aytish – Alloh taologa muvofiqlikdir. To'g'ri, Allohning salavoti boshqa, bizning salavotimiz boshqa. Lekin bizning salavotimiz Rasululloh sollallohu alayhi vasallamga duo bo'lsa, Allohniki u zotni maqtash va ulug'lashdir.
3. Salavot aytish farishtalarning salavotiga ham muvofiqlikdir.
4. Bir marta salavot aytgan kishiga Alloh taolodan o'nta salavot bo'ladi.
5. Salavot aytgan kishining darajasi o'n baravar ko'tariladi.
6. Salavot aytgan kishiga o'nta yaxshilik yoziladi.
7. Salavot aytgan kishining o'nta yomonligi o'chiriladi.
8. Duodan oldin salavot aytilsa, duoning ijobat bo'lishidan umid ko'proq bo'ladi, chunki salavot duoni Allohning huzuriga olib chiqadi. Salavot bo'lmasa, duo yer bilan osmon o'rtasida to'xtab qolishi mumkin.
9. Salavot aytish sababidan biron narsa vasila qilingan bo'lsa, Rasululloh sollallohu alayhi vasallam shafoat qiladilar.
10. Salavot aytish gunohlarning kechirilishiga sababdir.
11. Salavot aytish sababli Alloh taolo bandaning muammolarini hal qiladi.
12. Salavot aytgan banda Qiyomat kuni Rasululloh sollallohu alayhi vasallamga yaqin bo'ladi.
13. Salavot aytish kambag'al kishi uchun sadaqa o'rnida bo'ladi.
14. Salavot aytish ehtiyojlarning qondirilishiga sababdir.
15. Banda salavot aytsa, Alloh va farishtalar ham unga salavot yo'llaydi.
16. Salavot aytish bandani poklaydi.
17. Ko'p salavot aytish bandaga o'limidan oldin jannat xushxabari berilishga sabab bo'ladi.
18. Salavot Qiyomat kunidagi dahshatlardan qutulishga sababdir.
19. Mo'min odam salavot aytsa, Rasululloh sollallohu alayhi vasallam unga javob qaytaradilar.
20. Odam salavot aytsa, esidan chiqargan narsalari yodiga tushadi.
21. Salavot aytish majlisning chiroyli o'tishiga sababdir. Salavot aytilgan majlis ahli Qiyomat kuni afsus-nadomat qilmaydi.
22. Salavot aytish faqirlikni ketkazadi.
23. Salavot aytish bandadan baxillikni ketkazadi. Baxillik qila boshlagan kishi salavot aytsa, saxiy odamga aylanadi.
24. Salavot aytib yuradigan odam Rasululloh sollallohu alayhi vasallamning «Huzurida mening nomim aytilganida menga salavot aytmagan kishining burni yerga ishqalansin», degan duoyi badlaridan qutulib qoladi.
25. Salavot aytish kishini jannat tomonga boshlaydi. Salavotni tark qilgan odam jannat yo'lidan adashadi.
26. Salavot aytish Alloh va Rasuli zikr qilinmagan, hamd aytilmagan va ulug'lanmagan, salavot aytilmagan yig'ilishning yomon oqibatlaridan saqlaydi.
27. Hamd va salavot bilan boshlangan so'zlar mukammal bo'ladi.
28. Salavot aytib yurgan banda Sirot ko'prigida to'liq nurga ega bo'ladi.
29. Salavot sababli banda zulmkorlikdan saqlanadi.
30. Alloh taolo salavot aytgan bandaga osmonu yer ahli orasida chiroyli maqtovlar aytadi, chunki salavot aytgan odam Rasululloh sollalohu alayhi va sallamni maqtagan bo'ladi, Alloh taolodan u zotni ulug'lashni so'ragan bo'ladi va shu so'roviga yarasha o'ziga ham go'zal maqtovlar qaytariladi.
“Eng sharafli ummat” kitobidan.
Manba @mehrob_uz
👉@Tasadduq_yo_rosululloh
BY Tasadduq Yo Rosulullohﷺ
Share with your friend now:
tgoop.com/Tasadduq_yo_Rosululloh/9483