Саранжом ✅
Сарамжон ❌

#имло

Устоза | Ustoza ❌
Муаллима | Muallima ✅

Устоза деган сўзнинг асли йўқ.

#луғат

Юқоридаги постим изоҳида активист (Ҳожиакбар Носиров)нинг тилга эътиборини эслаб, шу иш билан шуғулланганим яхшироқ эканига ишора қилишибди.

Барака топгурлар, мен бир қанча йиллар аввал ҳам ўзбек тилида хизмат кўрсатмаганлардан норози эканимни уларга билдириб келардим.

Мен ҳам ўзбек тилини сизлар каби ҳурмат қиламан.

Энг яхши кўрган инсонларимни ҳам аяб ўтирмайдиган даражада асабийлаша бошлабман.

Дам олишим керак…

Хатоларидан хулоса чиқармаган бош балодан чиқмайди.

Ғаззада очарчилик кучаймоқда, Исроил қамалининг учинчи ойига кирилди.

23 ёшли Нажва исмли онанинг сўзларига кўра, унинг беш ойлик қизалоғи Сиварнинг вазни бор-йўғи 2 килограммдан озгина ортиқ.

«У туғилган пайтда эмганда ҳеч нарса йўқ эди», — дейди Нажва.
«Ўзим овқат еб, уни эмизишни хоҳласам ҳам, организмимда озуқа йўқ эди… Ҳозир у фақат сут қўшимчаси билан озиқланяпти, лекин биз уни қандай қилиб топишни ҳам билмаймиз».

Умму Саламанинг фейсбук саҳифасидан

Болани доим дарс билан машғул қилиб, ўйиндан тўсиш, унинг қалбини ўлдиради, зеҳнини ўтмас қилади, ҳаётини барбод қилади. Охир-оқибат бола бу юкдан қутилиш йўлларини излашга тушади.

Имом Ғаззолий, «Иҳё».

Абдуллоҳ Раҳим саҳифаларидан

@MuhammadAkbarAzim

Қарз-ҳавола | Qarz- havola ❌
Қарз-қавола | Qarz-qavola ✅

Қавола сўзи ўзбек тилида мустақил ишлатилмайди.

Маъноси: шартома, кафолат, жавобгарлик.

Қарз-қавола қилди — ишонч (шартнома) билан қарз берди.

#луғат

@MuhammadAkbarAzim

Кеча тилим билан бир қадрли инсонимни жароҳатладим, бугун фейсбук қуйидаги шеъримни пост қилганимни эслатди. Шеърларимга ном қўйишни билмайман

* * *
Насиҳат қиларди келганда бувам,
— Ёмон сўз келганда очилмаса лаб.
Биздан қаттиқ жахли чиққанда бувам,
Гапирмас эдилар бизга ҳафталаб.

Аразданми дердим ўйланиб гоҳо,
Эртаси бувамнинг лаблари яра.
Дуо қилардилар: Роббим, илоҳо,
Набирам ёмон сўз айтмасин сира.

Яхши гап кучига гувоҳдир само,
Жаранг баланд чиқар бўм-бўш чиннидан.
Илонлар инидан чиқсин-у, аммо,
Қиличлар чиқмасин асло қинидан.

Мана йиллар ўтди йилларни қувиб,
Ёмон сўзлар ёғар мисли ёмғирдай.
Уларнинг остида кетяпман ивиб,
Буважоним, айтинг мен қандай чидай?!

Саломга алик ҳам келгандек малол,
Бошини силкитиб ўтади биров.
Яхшиям саломим кетмайди увол,
Фаришталар алик олишар дарров.

Дўстларим тилидан томади заҳар,
Секин узоқлашиб оламан дўстдан.
Истиғфор айтаман ҳар кеч ҳар сафар,
Қайтармадим дўстни дилбузар сўздан.

Табассум қиламан, бўлиб мулойим,
Сўзларим сукутдай сочмаса жилва.
Тилимга ёмон сўз келганда доим,
Лабимни тишлашни ўргандим, бува.

Муҳаммад Акбар Азим

2018.04.25

Бу онлар Мубашшир Аҳмад домланинг умр бўйи олиб борган жидду жаҳдларига чек қўйиш, жамиятнинг фойдасига қўшган ҳиссаларини йўққа чиқариш ҳаракатлари олиб борилаётган дамлар саналади.

Шундай пайтда у кишининг яхшиликлари ва хизматларининг давом этишига сабабчи бўлганлар худди шу эллик йиллик саъй-ҳаракатни ўзлари қилгандек катта ишни бажарган бўладилар.

Билдирадиган муносабатларимиз, тутадиган позициямиз ҳозир ҳар доимгидан кўра кўпроқ аҳамиятга эга.

Устоз Мубашшир Аҳмадни таниганимдан буён самимийлик, дини ҳамда миллати учун жонкуярлик, яхшилик узра пешқадамлик, камтаринлик ва кўплаб яхши сифатлар устида кўрдим.

Ватандошларимизнинг дардини кенгроқ оммага етказган, халқимизнинг асрлар ошиб бизгача етиб келган қадриятларига болта урмоқчи бўлганларга қарши сабот билан туриб берган киши ўлароқ танидим.

Ҳар қандай бузуқ, яъни қадриятларимизга ёт ғояларга қарши очиқ, эркин мунозарага доим тайёр бўлиш билан бирга ўзининг кучли асосга эга бўлган ғояларини жамиятимизнинг фойдаси учун кўпчиликка баён қилиб келдилар. Бор куч-ғайратларини халқнинг фаровонлиги, юртимиз, динимиз ривожи учун йўналтирганларини эътироф этмай илож йўқ.

Қолаверса, фикрга очиқ бўлганлари туфайли ёшу қарини бирдай тинглаб, қулоқ тутишлари алоҳида таҳсинга сазовор.

Дин илмида юртимиздаги мўътабар уламолардан бўлиб, мўътадилликни доимий сақлаб қолдилар. Шу пайтгача ўзимда уларнинг бирор фикрларига эътироз билдиришга сабаб кўрмадим, ўйлайманки, жуда кўп кишилар ҳам шундай ўринда ўзини топган.

Бугун у зотни ҳибсда, ҳозирги ҳолатидан халқни хабардор қилмай сақланиши, давлатимиз обрўси учун путур етказибгина қолмай, мансабдорларимиз фикрга очиқ эмаслиги, ўзининг позициясини куч ишлатиш билан бўлса ҳам сингдиришга уринишига далолат қиляпти.

Халқ тарафидан сайланиб, халқнинг дардини эшитиб, уларнинг хотиржам ҳаёт кечириши учун хизмат қилиши керак бўлган кишилар, афсуски, халқ учун жонкуяр бўлган пешволаримизни ҳеч битта асос кўрсатмай ҳибсга олиш йўлини лозим тутяпти. Бу эса бизни мансабдорларимизга бўлган ишончимизни буткул йўқотишимизга сабаб бўляпти.

Аллоҳ тез фурсатларда устозга нажот берсин, офият устида бўлишларини насиб қилсин!

Устоз Мубашшир Аҳмад ҳақларида расмий хабар берилибди.

Аллоҳ нажот берсин, омин!

37-ЙИЛ ЙИҒИСИ

Олов эди, шўх эди ўғлим,
Шамол эди, ўқ эди ўғлим,
Уйимда нон йўқ эди, ўғлим,
Энди менинг ҳолим не кечар?

Майли изинг қолсайди, ўғлим,
Ўғил-қизинг бўлсайди, ўғлим,
Кўриб кўнглим тўлсайди, ўғлим.
Энди менинг холим не кечар?

Тўлишган ой, тўлин ой, ўғлим,
Кетган еринг қайси жой, ўғлим?
Тилаб олган Турсунбой ўғлим,
Энди менинг ҳолим не кечар?

Ёниб кетсанг майлийди, ўғлим,
Чўкиб кетсанг қанийди, ўғлим.
Айбли бўлсанг қанийди, ўғлим
Энди менинг ҳолим не кечар?..

Деҳқон бўлсанг ўлмасдинг, ўғлим
Чўпон бўлсанг ўлмасдинг, ўғлим,
Ёмон бўлсанг ўлмасдинг, ўғлим…
Энди менинг ҳолим не кечар?

Ўқимай ўл, унмай ўл, ўғлим,
Ўқиб олим бўлмай ўл, ўғлим,
Олти тилни билмай ўл, ўғлим!..
Энди менинг ҳолим не кечар?

Муҳаммад Юсуф

📨 Sizga yangi anonim xabar bor!

— Kuchli g'azab vaqtida nima qilishni maslahat berasiz?

— Ўзимни бу борада беамал деб биламан, шунинг учун жавобимнинг тасъири бўлмаслиги мумкин.

Ҳадисларда ғазабни таҳорат қилиш билан кетказиш таълим берилган.

Атийя ибн Урва Саъдий розияллоҳу анҳудан ривоят қилинади. Расулуллоҳ ﷺ: «Албатта, ғазаб шайтондандир. Шайтон ўтдан халқ қилинган. Ўт эса сув билан ўчирилади. Агар сизлардан бирингиз ғазабланса, таҳорат қилсин», — дедилар.

(Имом Абу Довуд ривояти)

Азизлар, дўстимиз @theyakun канали админи техник сабабларга кўра ўз каналларига админ сифатида киролмай қолдилар.

Ҳозирда @byyakun каналида фаолиятларини қайта давом эттиряптилар.

Мендан кўра анча фойдалироқ мавзуларни ёзадилар, тавсия қиламан қўшилиб олишингизни.

Манзил: @byyakun

''Dinlemesini biliyorsun, ki bu mühim bir meziyettir. Hiçbir işe yaramasa bile insanın boşluğunu örter, karşısındakiyle aynı seviyeye çıkarır!''

Ahmet Hamdi Tanpınar

«Тинглай билиш ҳам муҳим бир фазилатдир. Агар ҳеч бир фойдаси бўлмаса ҳам инсоннинг ички бўшлиғини тўлдиради ҳамда суҳбатдоши билан бир даражага олиб чиқади».

Аҳмад Ҳамди Танпинар

#эркин_ўгирма

@MuhammadAkbarAzim

Ким Ислом умматининг ғам-ташвишларини унутган ҳолда ўз нафси билан ўралашиб яшаса, у мўмин бўлолмабди. Агар ҳар биримиз "ўзим, ўзим" деб яшайдиган бўлсак, унда ким Ислом учун яшайди?! Агар Ислом зое қилинган бўлса, шубҳасиз уни ўз аҳли зое қилибди. Биз ҳам шулар жумласиданмиз.

Шайх Юсуф Қарзовий