قناة الشاعر الحسيني علي مظلوم الجناحي

يالچنت بحضاني غافي
نايم ونومك عــــــوافي
حضني عفته يالتركته
يالچنت بحصاني غافي
ـ ـ ـ ـ ـ ـ ـ ـ ـ ـ ـ

رحت للماي وترد ادري للشم الورد
محد يذبحه بسهم
كلب ماعدهه العده انته يالچنك نده
وينك وين الالم

السهم غمض عيونه عرف عمرك
مستحي منك ييمه وباس نحرك
والشمس غطت وجهه ذبل ثغرك
والهوه والنسمه ماتن فوك صدرك

ماي ظنك مادريت
بحضن ابوك وفرفحيت
وكتي خان ضامي جان
بنبعك اتروه يصافي
ـ ـ ـ ـ ـ ـ ـ ـ ـ ـ ـ ـ

صافي شفاف وترف وينك وين النزف
يالنزف نحرك ضوه
الورد منك خجل والنده بعينك نزل
عليك مخنوك الهوه
صوتك بليل السهــر صوت البلابل
وكل صباح بشـــــفتك النده نازل
الليل كحله ع الجفن بالظلمه شاتل
والكمر بخدودك الترفه يـــــــغازل

الورد وكت الفجر
منك يجيب العطر
عطره جان من الجنان
يطيب العله ويشافي
ـ ـ ـ ـ ـ ـ ـ ـ ـ ـ ـ ـ

بين عيني والرمش تنام وفرشلك فرش
وانه اظلن بس نفس
لاتفز ابقه انتضر يبين بخيطه الفجر
وتطلع عليه الشمس
اشعل اعيوني شمع وسهر وناغيك
وچنت اخاف مـن الهوه لومر عليك
خاف تالي الليل تگعد چنـت اتانيك
مثل هاي وهاي يمه چنــت اباريك

اعز من روحي وحياتي
جنت اغطيك بعباتي
بلا كلام من تنام
ونومك يصير بجتافي
ـ ـ ـ ـ ـ ـ ـ ـ ـ ـ ـ ـ

من تنام وانتضر ارسم احلام شكثر
بعينك ارسمها الاماني
باجر ايام واعد اكعد بسده الولد
تجوه عبدالله لزماني
جنت احـــــسب للكبر انته التجيه
عون تصــــــــبح للزمن لودار بيه
ماحسبت احسـاب يوليدي المنيه
دواي موجرحي حسبتك تبقه اليه

احلامي وايام السهر
راحن وراح العمر
حلمي راح ماي طاح
تبده وبطارف شفافي
ـ ـ ـ ـ ـ ـ ـ ـ ـ ـ ـ ـ

چلمه وحده ماگلت شكثر يبني اتأملت
تگلي يايمه انتضر
ردت اسمعه اشكثر وانطرلهه ع الجمر
تبدت وماي بنهر

ردت منك بالعمر اســــمعلي جلمه
وحسره ظلت بالگــلب چلمه ييمه
ياشمس عمري عفتني بدنيه ظلمه
مايمر بعيوني طيــفك حته ألزمه

باللبن يايمه احلفك
خل اشم بالطيف زلفك
مرلي طيف احسبني ضيف
من الهجر يايمه كافي
ـ ـ ـ ـ ـ ـ ـ ـ ـ ـ ـ ـ

زغير بعدك عالحرب جانت عيونك تصب
ورحت للماي الگصد
ماي بس ماي اطلبت تالي نبله حصلت
والوعد صار الوعد
انه بالخيمه واحــــــسن بالالم زاد
لحظه رديت واصدلك لاچن شراد
رگبتك ترفه ييمـــــه والسهم حاد
وادري المثلث عليه شينفع ضماد

يبني سابح بالدمه
ريت بعيوني العمه
بحيره اصدلك ونتحبلك
وركضت يايمه حافي




علي مظلوم الجناحي
@Ali_aLgenaih

276 viewsedited  22:43

قناة الشاعر الحسيني علي مظلوم الجناحي

يم الخدر رحيل
باچر سفر طويل
باچر هجر لمن يمر
وحدچ بلا كفيل
ـ ـ ــ ـ ـ ـ ـ ـ ـ ـ ـ ـ ـ

بس يهل باچر يزينب ويه فجره
مصاب مامر ع الواحد بيچ يجره
باچر اجروحچ تفز والعــين عبره
ينكسر گلـــــبچ ولا واحد يجبره

باچر يــجي العذاب
چم لوعه چم مصاب
دمعچ يصب وسط الغرب
عنچ هلچ تشيل
ـ ـ ــ ـ ـ ـ ـ ـ ـ ـ ـ ـ ـ

خويه بس هالليله بس هاي المسيه
وداع خويه والفجــــــــر باچر منيه
باچر التوديع يصـــــعب حيل اليه
گبل باچر ارد احــــــــط ايدچ بديه

باچر حزن جراح
باچر بچي ونياح
باچر اشد خويه وبعد
دمع الهجر ثجيل
ـ ـ ــ ـ ـ ـ ـ ـ ـ ـ ـ ـ ـ

خويه باچر لويجي يحــــزون نحري
والشـــمر خويه يتربع فوگ صدري
من تصدين الشـــــــمر يابعد عمري
خويه لاتنسي الوصيه خويه اصبري

صبري على هالحال
عيــنچ عله العيال
يم المحن باري الضعن
وعينچ ع العليل
ـ ـ ــ ـ ـ ـ ـ ـ ـ ـ ـ ـ ـ

باچر العبـاس خويه تطفي عينه
ع النهر لايــــسره عنده ولايمينه
باچر يروح الگمر حامي الضعينه
ومايرد اجوب لــــــمن تنتخينه

راسه بعــمد ممرود
يطيح العلم والجود
بعينه السهم راسه انهشم
دم منحره يسيل
ـ ـ ــ ـ ـ ـ ـ ـ ـ ـ ـ ـ ـ

باچر الدلال خويه يـــصير جمره
جاسم تشوفينه باچر يطفي بدره
خويه والاكبر خنــــاجرهم توذره
وحته عبدالله الطفل ينگطع نحره

باچر دمه وخضاب
باچر يــــحز رگاب
محد يظل من الاهل
لاوالي لا خليل
ـ ـ ــ ـ ـ ـ ـ ـ ـ ـ ـ ـ ـ

باچر تفرين مـــــــــن خيمه لخيمه
ومن تغير الخيل تسحگ چم يتيمه
من يجيچ المــهر يصرخ بالظليمه
الهوه يجرحچ اذا هــــــب بنسيمه

لضرب السايط اثار
والــخيم بيهن نار
جتاف وحبل فوگ الهزل
بلاخيمه يلفي الليل
ـ ـ ــ ـ ـ ـ ـ ـ ـ ـ ـ ـ ـ

اخوتچ فوگ الثره يظلـون صرعه
والموادع ع الهــزل ياخويه دمعه
خويه والـسجاد ذابل مثل شمعه
بالسناسل منجتف وشلون وضعه

حرگه ودمع ضياع
فوگ الهــزل وداع
دمعچ يهل ماينحمل
درب السبي طويل
ـ ـ ــ ـ ـ ـ ـ ـ ـ ـ ـ ـ ـ

خويه من باچر بعد ينشاف طولچ
ديره ديره هاه يزينب ينـــضروچ
خويه كل نضره بسهم لو باوعولچ
وتنتخـــــين بأخوتچ لاما يجولچ

بــس الاشد عليچ
مجلس يسب والچ
طاغي بحكم بمجلس ظلم
سب حامي الدخيل

علي مظلوم الجناحي

@Ali_aLgenaih

304 viewsedited  23:04

قناة الشاعر الحسيني علي مظلوم الجناحي

يمه جبت الماي الك ماضاگته اشفاي
وسگي بطراف الرمح ماوصل الماي
بيدي مايوصل وشيل
والرمح كلـش طويل
ماوصل الماي
ـ ـ ـ ـ ـ ـ ـ ـ ـ ـ ـ ـ

دوريتك
وين ابني وثاري شفتك ع الرماح
دوريتك
يبني صار الماي لليــــشرب مباح

ماشربت الـماي اجيتك جبته وياي
شلون اشربك ياحبيبي محيره بهاي
راسك براس الرمح متلـوحه يمناي
گمت ادير ع الرمح ونثــرلك الماي


اليبست شفافك أله ماضال ممنوع
جابه جــتالك ألي الماكسرته ادموع
دمعك وذاك العويل
والرمح كلش طويل
ـ ـ ـ ـ ـ ـ ـ ـ ـ ـ ـ ـ

ردت اشمك
فتحت ذرعاني وشبگ بالحديد
ردت اشمك
بس شفت راسك علي يمه بعيد

گمت اهزن بالرمح وگليبي هايم
وگمت اناغيلك وگولن ابني نايم
چـذبيته وعرفت لن جفني حالم
لفك براسه الرمـــــح لف العمايم

عله الرمح ناغـيت الك ماتحچي وياي
عليك ضاع الصوت يمكن يبني وچلاي
حگي وفارگك ثگيل
والرمح كلش طويل
ـ ـ ـ ـ ـ ـ ـ ـ ـ ـ ـ ـ

ريح يبني
وراسك ويالريح بالنسمه يدور
ريح يبني
زغير مايثبت ييمه مثل النحور

راسك زغير الهوه شما هب خذاه
مره اشوفن وجهـــــك ومره گفاه
افتر ع الرمح كــــــل ساعه وراه
خاف لايوگع ييـمه وخوفي هاه

تسحگه راسك لوگع خاف الهزيل
شما يـميل الراس وياه انه اميل
والهوه يحركه ويميل
والرمح كلش طويل
ـ ـ ـ ـ ـ ـ ـ ـ ـ ـ ـ ـ

اليشوفك
وجه مـــــن الله نزل وجه الصباح
اليشوفك
ورد بس فوگ الرمح وبعطره فاح


چنت كلي انته ليه وكلـشي راح
انته تنــشم يبني مومالت جراح
بالگلب يبنـــــي مكانك مو رماح
من رحت عـني ولامرني الصباح

الليل مــن شعرك اخذ يايمه ويغار
واخذ من وجهك ضوه وصار النهار
شوفتك تشفي الغليل
والرمح كلش طويل
ـ ـ ـ ـ ـ ـ ـ ـ ـ ـ ـ ـ

راح كلشي
اعتب ع السهم لو لوم الزمان
راح كلشي
راح تعبي والربه وراح الحنان


ظلمه يايمه حياتي من طفه ضواك
جنت اسهر بليــــالي وچفي بگفاك
برد خــــــاف يلوحك ويوگع غطاك
وكلشي يوجعني بغيابك من جفاك

جنت اخاف عليك انه من يصدوك
بمهدك مخليه حرز خافن يحسدوك

حرز من حامي الدخيل
والرمح كلش طويل
ـ ـ ـ ـ ـ ـ ـ ـ ـ ـ ـ ـ

حضروها
يمه جابوها الهزل باجر رحيل
حضروها
انته فوگ الرمح وانه ع الهزيل


شيله مالوحن احــطلك هالهوه الحار
ترفه وجنـــــــاتك ييمه والشمس نار
جانت عيونك وسيـعه صارن اصغار
وباجر يشمـــرون راسك بسبي حجار

باچر بدرب ســبي حجاره يشمرون
وبالحبل مجتوفه امك افزع اشلون
صعبه من فوگ الهزيل
والرمح كلش طويل
ماوصل الماي


علي مظلوم الجناحي

@Ali_aLgenaih

316 viewsedited  23:05

قناة الشاعر الحسيني علي مظلوم الجناحي

دمعـه بعيونچ تلوح
شلون يازينب اروح
اه يزينب
ـ ـ ـ ـ ـ ـ ـ ـ ـ ـ ـ ـ ـ ـ

لاتسلين الدمـــــــع دمعچ ثگيل
يهتز لدمعچ قسم عرش الجليل
لاتلومين الگلـــــب مامن بديل
هذا يازينب وصـل يوم الرحيل

هاي ســاعات القضاء
انفتحت ابواب السماء
اه يزينب
ـ ـ ـ ـ ـ ـ ـ ـ ـ ـ ـ ـ ـ ـ

يختي گلبچ موجـــــلد گلبچ حنين
انتي احن وترف بشر اتشوفه عين
انتي مثلچ منـــوجد طول السنين
وانتي بعيون الگمر وعين الحسين


انتي مابيـن الضلوع
يختي ماريدن دموع
اه يزينب
ـ ـ ـ ـ ـ ـ ـ ـ ـ ـ ـ ـ ـ ـ

خويه يازينب صـــــبر يم الحزن
بس اروحن تبـــدي وياچ المحن
صبري ع المكتوب صبرا ع الزمن
ليش بوجودي وألي دموعچ شكن

ضمي دمعچ لليجي
شدي حيلچ للبچي
اه يزينب
ـ ـ ـ ـ ـ ـ ـ ـ ـ ـ ـ ـ ـ ـ

الگمر من ودعچ شفــت الدموع
ودري گلبچ منجرح يختي ويلوع
انتي يازينب قســم بين الضلوع
راح اروح وهيه روحه بلا رجوع

لويــرد ليچ المهر
يبتدي درب القهر
اه يزينب
ـ ـ ـ ـ ـ ـ ـ ـ ـ ـ ـ ـ ـ ـ

خويه من بعدي ألچ يلفي المصاب
چم جرح چم لوعه وهموم وعتاب
وحدچ بدرب السبي درب العـذاب
وبالخرايب نومــــچ وفوگ التراب

بلايه كافــل لاحرس
يلجم اجروحچ نفس
اه يزينب
ـ ـ ـ ـ ـ ـ ـ ـ ـ ـ ـ ـ ـ ـ

سمعي يازينب بعد مني شأگول
موقف يمـــــــرچ ابد لاما يزول
بمـجلس ابن ازياد تاليها النزول
گبال عينچ خويه ويسب البتول

يشتم وعينچ تصد
ومحد يجيچ ويهد
اه يزينب



علي مظلوم الجناحي

@Ali_aLgenaih

344 viewsedited  06:44

قناة الشاعر الحسيني علي مظلوم الجناحي

نام يبني •••انسه العطش ياضنوتي
نام يبني ••• غمض واشتـم شيلتي
يصعب عليه اهواي
امنين اجيب الماي
نام يبني
ـ ـ ـ ـ ـ ـ ـ ـ ـ ـ ـ ـ ــ
ياحبيبي
ساعه بس غمض ييمه وكافي تنحب
ياحبيبي
منين اجيب الماي الك يالغالي تشرب

غمض وخليني اغمـــــض عيني وياك
هاي ألي ثلاثه ييمه مساهــــره احذاك
اني هــــم عطشانه يمه وابچي لبچاك
مفطـــــــره شفافي ييمه تشبه اشفاك

الماي يجري ••• شماله يشح عن الورد
الماي يجري ••• النهر هـــم شايل حقد
هم عنده عتبه وياي
امنين اجيب الماي
ـ ـ ـ ـ ـ ـ ـ ـ ـ ـ ـ ـ ــ
نام وحلم
احـــــلم بحيدر علي وتشوفه گربك
نام وحلم
الساقي حيدر مايخلي ضامي گلبك

بالحلم كل مــــــاي يمه يصير مسموح
وغادي تروه شفايفـك وتروح الجروح
غـــــاد حته الشمس ترفه تغازل الروح
وغاد مـــــــاتسمع بجي لاعطش لانوح


اشرب الماي ••• وبقه نايــــــــــــم لاتفز
اشرب الماي ••• وسيف العطش بيه يحز
خلي العطش بچلاي
امنين اجيب الماي
ـ ـ ـ ـ ـ ـ ـ ـ ـ ـ ـ ـ ــ
كون نومك
تنام موساعه مثل اهــــــل الكهف
كون نومك ...
تگعد من النوم بس كلشي اختلف

تگعد ومختفيه كلها هـــــــــاي الاجنود
تلگه موصحراء يمــــــــك واحت ورود
والنهر وجروفه يـــــــم رجليك ممدود
وماكو لامرهن عطش ومتفحه الخدود

تنام تگعد ••• چنك چنت يمه بحلم
تنام تگعد ••• لاعطش لاحـر لاخيم
وتتناغه تبقه احذاي
امنين اجيب الماي
ـ ـ ـ ـ ـ ـ ـ ـ ـ ـ ـ ـ ــ
حساس عندي
مــاي ماتشرب بعد وتضوگ نبله
حساس عندي
ع الرمح راسك يصير وحيل يعله

يصير جسمك من حديد اشلون اگمطه
فراشك يصير الرمــــــــل وذاري اغطه
رمحك بكاروك صعبه شــــلون احطه
ميت وماشارب مـــــــــــن الماي نقطه

ليش اشوفن ••• النهـــر يتحول سهم
ليش اشوفن ••• دم ع صدرك منرسم
يغلط حساسي وياي
امنين اجيب الماي
ـ ـ ـ ـ ـ ـ ـ ـ ـ ـ ـ ـ ــ
ميت الماي
شلون عطشان الورد يتفرج بهاي
ميت الماي
انته سر هاي الحيات لأمك الماي

ادعي للمــــاي واناجي بجمره تجويه
مثل جمرت گلب امــــــــك كون توليه
يبس وتنشف جـروفه وعمره يگضيه
حتلاه غيمه تمــــــــــــر ماتمطر عليه

كون اشوفه ••• ميـت وجرفه نهدم
كون اشوفه ••• ينشف ويصبح عدم
مايروي عكس الماي
امنين اجيب الماي
ـ ـ ـ ـ ـ ـ ـ ـ ـ ـ ـ ـ ــ
كلشي ميت
بس سراب بعين امك كلشي صاير
كلشي ميت
يبني هـــاي الناس ماعدهم ضماير

جمر گلبي وانحب وكلهــــــــــم دروني
دمع ماكو مـــــن العطش يبسن عيوني
والله لوبيهن دمـــــــــع اعصر اجفوني
الغيمه احاجيها وعطش خابت ضنوني


من تشوفك ••• تنزل بشفتك نده
من تشوفك •••مومثل گلب العده
يكسرها طور بچاي
امنين اجيب الماي
نام يبني


علي مظلوم الجناحي

@Ali_aLgenaih

408 viewsedited  22:50

قناة الشاعر الحسيني علي مظلوم الجناحي

صار الغروب
وانتي يازينب وحيده
صار الغروب
ودمعتج تكتب قصيده
الليل لوچلچل ظلامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ

ترجع الوادم طبــع لوصار الغروب
تلتم ويجمعه بيـــــت وتنسد البوب
وانتي وحدج بالغرب مابين الدروب
لاخيم لابيت عـــــندج لاكو محبوب

ابين الاجناب
وحدج والدنيه ليل
ابين الاجناب
واليتامه تريد حيل
ومحد يهــــود ينامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ

هاي اول مــــــــره يازينب وحيده
وهاي اول ليله عــــن اهلج بعيده
عاده بيام الشـــــدد عونك تريده
والاخو بالغربه يحــــــتاز لعضيده

ياهو تنخيه
وانتي كل اهلج مشو
ياهو تنخيه
هاي عازات الاخو
الينتخي تفزع عمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ

انتي جانت خيـــــمتج مابين الاحباب
اثر لجدامج گبـــــــل ماشافته اجناب
شلون ليلج راح تگضــــــينه ع التراب
وانتي عرش الله گبل صايرلج احجاب

موكبج جان
هيبه متوسط هلج
موكبج جان
وخلفه يمشي كافلج
موكب تحرسه الامامه
يرتفع صـوت اليتامه
ـ ـ ـ ـ ـ ـ ـ ـ ـ ـ ـ ـ ـ

جان عندچ بـس ألچ بسماچ عالي
گمر ماغاب وخـــسف طول الليالي
عليچ ليل الله يچـــــل وبغير والي
جنت اميره وشو سبيه وسفه تالي

كافلج جان
هوه حارس للصبح
كافلج جان
وهسه راسه ع الرمح
راس وبلايه عمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ

انتي مصحف خاص وانتي البسمله
وجان بـــــــــس عباس يقره يرتله
من الطفوله انتي چــــــــنت معلعله
وهسه اجتـــــج فوگ حزنج كربله

هيبت حسين
انتي يانور الجلاله
هيبت حسين
نبي ويتامج رساله
وانتي بالغار الحمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ

وي فجر باجر يــصعدوج بهزلهم
وحدچ وصعبـــه اذا تنضر زلمهم
تنجتف ايدج غـصب گوه بحبلهم
انتي دمعه بعينچ وهمه بضحكهم

دربج بعيد
وصعب ممشاها الهزل
دربج بعيد
اليوگع يجره الحبل
اسم الله ماكو ولاسلامه
يرتفع صـــوت اليتامه




علي مظلوم الجناحي

@Ali_aLgenaih

385 viewsedited  10:58

قناة الشاعر الحسيني علي مظلوم الجناحي

وداعت الله دمعي صله
خويه يـــــاعباس عنك رايحه
وعله الهزل راح اسوي الفاتحه
وداعت الله
ـ ـ ـ ـ ـ ـ ـ ـ ـ ـ ـ ـ ـ
يصعب عليه الحچي
راح اسولف بالبچي
دمعه دمعه بسره وستمع ليهن
والله لوتدري شجره
بختك ألي مـــخدره
ومن رحت عباس وياك ابتديهن

مدري شنهي بروحتك بالدنيه صار
ختنگت الريه واحس مات الخضار
عيوني وي طولك بقت وبگلبي نار
متت من رد الحـــسين وحيره حار

حسين اجالي ونه عالي
يلتفت كل ســـاع ويعاين وراه
حسيــن موعاده ابد يلزم گفاه
وداعت الله

ظهره مكسور الحسين
وحيد اصدله بلامعـين
وزلمه صار الشمر ودنه لخيامي
شاف اخيك منكسر
شگال لوتدري الشمر
حسين وحدك مابقه يمك محامي

مابقه بالحومه واحــــد يظل ينصرك
طاح اخيــــــك عالنهر وحزام ظهرك
اليوم كون اطيح وصعد فوگ صدرك
وفجع گلـــــوب الفوطم وحز نحرك

راح الحسين تنضر العين
طاح اخيك طاح من فوگ المهر
بگلبه المثـــلث وجه ليه الشمر
وداعت الله
ـ ـ ـ ـ ـ ـ ـ ـ ـ ـ ـ ـ ـ
حرت ألمن التفت
والله ساعته متت
ساعه لن بان الرمح ياخويه شفته
براسه راس وكل دم
صحت ياخويه بألم
هذا راس حسين بعيوني نضرته

حضرو خـــيل ويدوسون عله صدره
وغدت من دمه الحوافر خويه حمره
انطبگ صـــــدره اشوفن ويع ظهره
وانه مذهوله يـــــخويه بس انضره

الخيل بيه ادوس هيه
صدري مو صدره انفرش بالحافر
الخيل داسن صـدري يوم العاشر
وداعت الله
ـ ـ ـ ـ ـ ـ ـ ـ ـ ـ ـ ـ ـ
خويه والعسكر هجم
ونار شـــبت بالخيم
اطفي نار بـــــــالخيم نار بعباتي
اطفال تركض عالجمر
خيل وسـياط وسطر
وانه ماشفت الركض خويه بحياتي

خيالي يتحسر گبل شوفت خيالي
اركض ابين الزلم مـــاجه عله بالي
بحافر الخيل الظهـر داسو اطفالي
ينضرب بالسوط خويه الماله والي

متني بالطگ غادي ازرگ
الهوه يلجمني خويه مـــــن يهب
وبس يحركلي عباتي الدم يصب
وداعت الله
ـ ـ ـ ـ ـ ـ ـ ـ ـ ـ ـ ـ ـ
بتنه ليله عله الترب
وحشه مابين الغرب
بس حرم وطفـال ياخويه ويتامه
ماغفت ياخويه عين
كلمن بطوره الونين
ويمنه راس حسين دامي بلا عمامه

شلون ليله عله الترب ياخويه بتنه
ناس ماعدهم رحـــــــم وليه ولتنه
والله ياعباس لو حــــــاضر شفتنه
نستند ظـــــهر بظهـــر لمن عفتنه

ونه واهات ون غريبات
طفله تسكت ذيج تصرخ بالالم
هاي متني وذيچ مچويت جدم
وداعت الله
ـ ـ ـ ـ ـ ـ ـ ـ ـ ـ ـ ـ ـ
چنهه موليله گبر
بطول ايام العمر
والصبح جيبو الهزل بالناس ناده
واحنه اطفال وحرم
شلون نركب والزلم
انته تركبني چنت متعوده عاده

خويه أگلهن ركبــن يگللي وانتي
ودمعت السجاد نزلت وي دمعتي
رگبن النسوان بـس صعبه ركبتي
العليل بگيده صعـــــــدني بعبرتي

من عله النوگ گلبي محروگ
ودعــــيتك جثه مرمي عله الثره
رايحه بـس خويه اروح ميسره
وداعت الله


علي مظلوم الجناحي

@Ali_aLgenaih

341 viewsedited  00:28

قناة الشاعر الحسيني علي مظلوم الجناحي

موهاي ارسومه
ماضيعنه وصـــار گبالي
موهاي ارسومه
مايتـــضيع وجه الغالي
وين الضحگه الفوگ اشفاه
مــــــــــاگام بوجهي بملگاه
موهاي ارسومه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

اجذب اعيوني اصدگهن انتـــــه هذا موانته
العطر هوه لجــــــن حيره ولاجني گبل شفته
معقوله اضيع ارســــــوم وجه ألانه حافظته
اضيع وجهي يمكن يوم وجه عيوني راسمته

مايخفه عليه
انــــه اخته وامه الربيته
مايخفه عليه
بس عطره الهب وشميته
وين اجفوفه وين الوه
مــاگام بوجهي بملگاه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

اخوي ينومس بــــطوله راسه بالسمه الغالي
اصدگ اعيوني ذاك الحيد راسه ع الرمح تالي
وافرض لوصدگ عباس هــــــذا الصاير اگبالي
الظهر عباس وجه ينور بـــدر بربعطش عالي

بدر يضويلي
ماغاب ومـــــــايخسف نوره
بدر يضويلي
شوصل هل النبله المكسوره
شوصلها النبله لعيناه
ماگام بوجهي بملگاه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

گبل ماتغمض اجفوني ابـــد ماتغمض اجفونه
وهسه اگباله معقوله ويغمض كــــافلي اعيونه
گــبل ماصيحه عباسي يجيني ومنخطف لونه
ابو مبسم يـــــــــرد الروح هذا مكسره اسنونه

موهاي اشفافه
بيهن دم وذبلانــــــــات
موهاي اشفافه
بحافر يمكن مسحوگات
هاي اثار السحگه هناه
مـــاگام بوجهي بملگاه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

يمكن عيني بيها ارمــــــاد وتيه مااصد دربي
بـــس مغمضه اشوفنه موبعيوني انه بگلبي
انه عباس حافظته مــــن اول مازحف يحبي
اعرفه كــــــــافلي بمگفاه مويم عيني لاگربي

لسه ع الشيله
اشتم عطره وبيها انفاسه
لسه ع الشيله
ع الرمــح الواگف موراسه
ماطول عني بفرگاه
ماگام بوجهي بملگاه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

تذبل شفته العطشـــان ويذبل جسمه بهمومه
وملامح وجه تتغير بــــس ماتنمحي ارسومه
تضيعه مــــــــن تعوفه اسنين مايتضيع بيومه
وگمر عبـــــــاس اعرفنه حتلو غابت انجومه

لوضاع عليه
مو عطشان وظلمت ليل
لوضاع عليه
لازم داسـت وجه الخيل
كل عمري وعيشلي هناه
مـــــــاگام بوجهي بملگاه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

حسن يوسف يوصفونه ويـم عباس ماينقاس
شلون اقنع وقنع العين هــــــذا ع الرمح عباس
ملامح وجه موهيه البوصفه تحــــــــير الناس
موهوه اگولن لا وهوه يگـــــــلي بيه احساس

محتار وحيره
امشي بعيني لوبحساسي
محتاره وحيره
عيناي تضـــــيع عباسي
معقوله تغير محياه
ماگام بوجهي بملگاه


علي مظلوم الجناحي

@Ali_aLgenaih

336 viewsedited  21:16

قناة الشاعر الحسيني علي مظلوم الجناحي

وين اروحن يـخوتي
ألمن اشــكي بغربتي
حرمه وحدي ونوليت
منهو يـسمع شكوتي
وين الاخوان يجوني
وين الاخوان
ـ ـ ـ ـ ـ ـ ـ ـ ـ ـ
انه زينب يخــــــــــوتي انه العقيله
منهو يمسح دمعتي ومنهو اشتكيله
ليش عفتوني بغـرب ماعندي حيله
وين سبع الگنـطره وضعني كفيله

وين عبــــاس الشهم
وحدي مابـــين الزلم
يقبل امتــــوني زرگ
وكتم بـــروحي الالم
والله ماچان عله بالي
والله ماچان
ـ ـ ـ ـ ـ ـ ـ ـ ـ ـ

وحدي محتاره يخوتي وامشي لاوين
بين خــــــــــيل ونار وطفال ونساوين
هاي يبني تصيح ذيچ اتصيح يحسين
گلب واحد يخوتي مــــــاعندي گلبين

گلب واحد مـــايفيد
يذوب لوگلبي حديد
والسبي دربه طويل
شلون دلالي يـهيد
بيه بركـــــان وكابر
بيه بركان
ـ ـ ـ ـ ـ ـ ـ ـ ـ ـ
انه چنت الشمـــــــس تتحسر خيالي
وضعني من امشي يحرسونه الغوالي
بخوتي مهيـــــــوبه ياخدري ودلالي
وگمر عندي ماكسف طـــــول الليالي

وينه كفـــال الخدر
مايجيني شينـتضر
چنت لواطلب طلب
گبل مااحچي حضر
گمر عدنان كفيــلي
گمر عدنان
ـ ـ ـ ـ ـ ـ ـ ـ ـ ـ
اطلع بموكب چنـــــت واطلع اميره
وقائد الموكب علي ويبدي المـسيره
الحسن وحسين يمي وموش اسيره
وخلفي عبــــاس الگمر الكله غيره

مـــــن بعد ذيج الاهل
انســــبي وعله الهزل
يحدي بضعوني الشمر
وايدي مجتوفه بحبل
يفرني بلدان يخوتي
يفرني بلدان
ـ ـ ـ ـ ـ ـ ـ ـ ـ ـ
گبل بالكوفه ألي منــــــــزل وهيبه
هسه اطبها ع الهزل وحدي وغريبه
ادخل السوگ وعــلي هاي المصيبه
وين ابوي بهالوكت ومنـين اجيبه


لاكفـــــــيل ولاولي
الـناس تتباوع علي
واحد لوحـــد يگول
هاي زينب بت علي
بلايه وليان اسيره
بلايه وليان
ـ ـ ـ ـ ـ ـ ـ ـ ـ ـ
شلون اطبن يخوتي بمجلس اجانب
ومن يخاطبني شگول وشرد اجاوب
وين اخوتچ ويــــن راحو أل طالب
وين عباس البـــطل ليث الحرايب

شنهي رد وشــرد اگول
هنــــــاك لوسب البتول
خاف يفـضحني الدمع
من يسب فحل الفحول
دمعتي اتبــــان اخافن
دمعتي اتبان


علي مظلوم الجناحي
@Ali_aLgenaih

382 viewsedited  06:58

قناة الشاعر الحسيني علي مظلوم الجناحي

يوم واحد ماتعده علينه مامر
كلشي بيچ بساع يازينب تغير
چنــي فارگتج عمر
هواي متغيره شكثر
يوم واحد
ـ ـ ـ ـ ـ ـ ـ ـ ـ ـ

عين مطفيه بــــسهم وبعين شفتچ
انه مامعقوله اضـــــــيعچ ماعرفتچ
حته صوتچ مختــلف بذني ونبرتچ
صوت مبحوح اختنگ خويه بعبرتج

انه من فوگ الرمح وبعين اصدلچ
ذابل ومذاك الاول خويه شــكلچ
فراگي وياچ الـظهر
هواي متغيره شكثر
ـ ـ ـ ـ ـ ـ ـ ـ ـ ـ

خويه وجهچ ماعرفته موش الاول
حــــــيل متغيـــــر ولونه هم تبدل
بس اثر جويات جدمچ خويه اندل
خطوتج تعثر اشـــــوفن گوه تنزل

حمر حيل اعيونچ وذابل جفنهن
باچيه چنچ عمــــر رايح نضرهن
باقي بخــــدوچ اثر
هواي متغيره شكثر
ـ ـ ـ ـ ـ ـ ـ ـ ـ ـ

ماعرفتچ منحني يــــاخويه ظهرچ
نگلت جدامچ ثچيله ايدچ بخصرچ
مال طولچ بالهوه الخـــطوه تعثرچ
الچلمه ماتطلع تمـــوت اباب ثغرچ

يميل ويه الريح طولچ يالعــــقيله
ونگلت اجدامچ احس كلش ثچيله
جبل مكسور الظهر
هواي متغيره شكثر
ـ ـ ـ ـ ـ ـ ـ ـ ـ ـ

شفتچ اطيحين چم مره من جيتي
بياعلي گوه نهـــــــضتي ونتخيتي
ع الجمر تمـشين خويه ومادريتي
عينچ عله الگاع وبسكته بچيتي

وين طولچ خويه يالممشاچ هيبه
وصوتچ الكرار ليه مـــــن يجيبه
حافي والحومه جمر
هواي متغيره شكثر
ـ ـ ـ ـ ـ ـ ـ ـ ـ ـ

هادله متونچ اشــوفن حافي تمشين
من الخيم للتل طريقچ طوله خمسين
صعتي فوگه وانه اسمعچ من تنادين
راسچ مــــشيب نزلتي ودمعه بالعين

هيه هاي ألي اجت بالگوه تمشي
نزلتي موزينب تغير خويه كلشي
مشيبه وبعينچ نهر
هواي متغيره شكثر
ـ ـ ـ ـ ـ ـ ـ ـ ـ ـ

شفتچ المغرب وحيــده من بقيتي
لاخيم ويتاــــــــــم عندچ ونوليتي
ابعــــــباتچ كلهه لاذت من حويتي
ياهو حط ايده عله متنچ انحنيتي

لواجت ايد اليتامه فوگ المتون
تنحنين بساع ينزل دمع العيون
السوط بمتونچ حفر
هواي متغيره شكثر


علي مظلوم الجناحي

@Ali_aLgenaih

373 viewsedited  21:47

قناة الشاعر الحسيني علي مظلوم الجناحي

جلجل الليل  وتعبت الخيل 
وخمدت النار    وعتنيتك
ـ ـ ـ ـ ـ ـ ـ ـ ـ ـ ـ ـ

من نامت عيون الضوه والدنيه صــــــارت سكته
دورتك بعين الگلب يــــــــــــاخويه جاه وين انته
كل ساعه اعثر ولتفت كل ساعه ابــــــــن عابرته
طگ كلبي خويه لشوفتك شلون الاخو يعوف اخته 

گلبي مشلوع     تجري الدموع
عفت الزغار       واعتنيتك
ـ ـ ـ ـ ـ ـ ـ ـ ـ ـ ـ ـ

دليني ماعرف الدرب مـــــــاطبت اختك حومه
حرمه وغريبه وبــالحرب والليل صعبه علومه
اگعد وگومن لايفز خاف الحــــــــرس من نومه
هاي الجثث مـــــــــاتنسأل والليل ضم انجومه

انشد اعليك بهيده احاجيك 
گلبي محتار واعتنيتك
ـ ـ ـ ـ ـ ـ ـ ـ ـ ـ ـ ـ

الحومه متروسه جمـــــــــــر واختك تدور حافي
صح طفت نيران الخيم بـــــــس جمر ماطافي
مابيه صوت لصيحتك مـــــات الحجي ع شفافي
ومن ألتفت خويه انلجم السوط اكـــــل بجتافي

متني مطگوگ    جدمي محروگ
والرمل حار      وعتنيتك
ـ ـ ـ ـ ـ ـ ـ ـ ـ ـ ـ ـ

شميت عطرك ولتفت وحســـــــبالي يتراوالي 
دنگــت ع الگاع وشفت اصـــبع يخويه الغالي
بيه ريحت الخوه اشـــــــــــم هذا العطر للوالي
وصله لقميصك ميزت بحــــــــافر فرس وگبالي 

مسلب اهدوم مخضب دموم
سولف الصار واعتنيتك
ـ ـ ـ ـ ـ ـ ـ ـ ـ ـ ـ ـ

شلت اصبعك وبلا فكر كـل ظني اوصل جثتك
ولمن وصلت لمصرعك ريــــت العمه ولا شفتك
الخيل ماخلت اثر مــــــــــــــن كل كتر دايستك
مطبوگ صدرك ع الظهر مثـــــل المطر ناثرتك

بحافر الخيل     داستك حيل
هاي الاثار        وعتنيتك
ـ ـ ـ ـ ـ ـ ـ ـ ـ ـ ـ ـ

رت انه ابوسن منحرك بـس حرت وين المنحر
ماتنعرف جثتك بقت بـــــخيل وسيوف اموذر
لاظل صدر لاظل زند كــــــــل عظم بيك مكسر
وگمت انه ابوسن بــــالثره هناه منحرك اتذكر 

گلبي خلصان وجدمي تعبان
شلت الحجار وعتنيتك


علي مظلوم الجناحي
@Ali_aLgenaih

485 viewsedited  08:09

قناة الشاعر الحسيني علي مظلوم الجناحي

وداعت الله دمعي صله
خويه يـــــاعباس عنك رايحه
وعله الهزل راح اسوي الفاتحه
وداعت الله
ـ ـ ـ ـ ـ ـ ـ ـ ـ ـ ـ ـ ـ
يصعب عليه الحچي
راح اسولف بالبچي
دمعه دمعه بسره وستمع ليهن
والله لوتدري شجره
بختك ألي مـــخدره
ومن رحت عباس وياك ابتديهن

مدري شنهي بروحتك بالدنيه صار
ختنگت الريه واحس مات الخضار
عيوني وي طولك بقت وبگلبي نار
متت من رد الحـــسين وحيره حار

حسين اجالي ونه عالي
يلتفت كل ســـاع ويعاين وراه
حسيــن موعاده ابد يلزم گفاه
وداعت الله

ظهره مكسور الحسين
وحيد اصدله بلامعـين
وزلمه صار الشمر ودنه لخيامي
شاف اخيك منكسر
شگال لوتدري الشمر
حسين وحدك مابقه يمك محامي

مابقه بالحومه واحــــد يظل ينصرك
طاح اخيــــــك عالنهر وحزام ظهرك
اليوم كون اطيح وصعد فوگ صدرك
وفجع گلـــــوب الفوطم وحز نحرك

راح الحسين تنضر العين
طاح اخيك طاح من فوگ المهر
بگلبه المثـــلث وجه ليه الشمر
وداعت الله
ـ ـ ـ ـ ـ ـ ـ ـ ـ ـ ـ ـ ـ
حرت ألمن التفت
والله ساعته متت
ساعه لن بان الرمح ياخويه شفته
براسه راس وكل دم
صحت ياخويه بألم
هذا راس حسين بعيوني نضرته

حضرو خـــيل ويدوسون عله صدره
وغدت من دمه الحوافر خويه حمره
انطبگ صـــــدره اشوفن ويع ظهره
وانه مذهوله يـــــخويه بس انضره

الخيل بيه ادوس هيه
صدري مو صدره انفرش بالحافر
الخيل داسن صـدري يوم العاشر
وداعت الله
ـ ـ ـ ـ ـ ـ ـ ـ ـ ـ ـ ـ ـ
خويه والعسكر هجم
ونار شـــبت بالخيم
اطفي نار بـــــــالخيم نار بعباتي
اطفال تركض عالجمر
خيل وسـياط وسطر
وانه ماشفت الركض خويه بحياتي

خيالي يتحسر گبل شوفت خيالي
اركض ابين الزلم مـــاجه عله بالي
بحافر الخيل الظهـر داسو اطفالي
ينضرب بالسوط خويه الماله والي

متني بالطگ غادي ازرگ
الهوه يلجمني خويه مـــــن يهب
وبس يحركلي عباتي الدم يصب
وداعت الله
ـ ـ ـ ـ ـ ـ ـ ـ ـ ـ ـ ـ ـ
بتنه ليله عله الترب
وحشه مابين الغرب
بس حرم وطفـال ياخويه ويتامه
ماغفت ياخويه عين
كلمن بطوره الونين
ويمنه راس حسين دامي بلا عمامه

شلون ليله عله الترب ياخويه بتنه
ناس ماعدهم رحـــــــم وليه ولتنه
والله ياعباس لو حــــــاضر شفتنه
نستند ظـــــهر بظهـــر لمن عفتنه

ونه واهات ون غريبات
طفله تسكت ذيج تصرخ بالالم
هاي متني وذيچ مچويت جدم
وداعت الله
ـ ـ ـ ـ ـ ـ ـ ـ ـ ـ ـ ـ ـ
چنهه موليله گبر
بطول ايام العمر
والصبح جيبو الهزل بالناس ناده
واحنه اطفال وحرم
شلون نركب والزلم
انته تركبني چنت متعوده عاده

خويه أگلهن ركبــن يگللي وانتي
ودمعت السجاد نزلت وي دمعتي
رگبن النسوان بـس صعبه ركبتي
العليل بگيده صعـــــــدني بعبرتي

من عله النوگ گلبي محروگ
ودعــــيتك جثه مرمي عله الثره
رايحه بـس خويه اروح ميسره
وداعت الله


علي مظلوم الجناحي

@Ali_aLgenaih

389 viewsedited  21:56

قناة الشاعر الحسيني علي مظلوم الجناحي

ياحادي الضعون ريــــــــــض وتانيني
لوداع الحباب بــــــــس ساعه خليني
ترد بيه الاجناب
والله الگلب ذاب
ـ ـ ـ ـ ـ ـ ـ ـ ـ ـ ـ

يحادي ضعوني ريض تان احبـابي خل اودعهم
اريد انحب وهل دموع وسـواد عيوني اصبلهم
وشد بيدي ادوي اجروح وعن الياذيهم انشدهم
وشم مثل الطفل لمه اشم اهــــــــلي بمناحرهم

الغالي حسين ارد اشبــــــــــع بشمه
ماتمشي وياي روحي تــــــــظل يمه
تشم روحي الاخضاب
والله الگــــــلب ذاب
ـ ـ ـ ـ ـ ـ ـ ـ ـ ـ ـ

اليفارگ اهله يعرف يـــــــــوم لابد يرجع لأهله
شما سافر يروح بعيد شما حـــبل الوصل شحله
وكل غايب يرد اردود بأهـــــــــــله ينجمع شمله
ونه وداعي وداع الموت والبلحده صعب وصله

هذا اخر وداع ونـــــــــــــــضرله بعيني
بدموعي احاجيه بلـــــــــكت يحاجيني
الوسط اللحد غاب
والله الگــلب ذاب
ـ ـ ـ ـ ـ ـ ـ ـ ـ ـ ـ

عله جساد الاهل افتر مصـــــرع من بعد مصرع
وگلهم هم سمعتو بيوم زينـــــــــب للغرب تطلع
غريبه اشلون اظل وحدي يرافگني العده وارجع
ارد يهلي عداي وياي ونخه ومــــــــن ألي يفزع

انخه يعباس يالكافل وســـــــــــــــــأل
ترضاهه بحبال مجتوفه هم تقبــــــل
بلكي اسمع اجواب
والله الگلــب ذاب
ـ ـ ـ ـ ـ ـ ـ ـ ـ ـ ـ

الأخت خويه يبو فاضل تعتـــب لوهضم مرها
لون جار الزمن بيها اخوها بـــــــزود يحضرها
يجي ويوگف يدگ صدره وعن الماذيها يخبرها
شنو رايك يبو الغيره لــــون زينب حبل جرها

ماتدري الصار بزينــــــــــــب يبوالغيره
عدوانك شلون خلتـــــــــــــني بحيره
ياذاي ادري العتاب
والله الگــلب ذاب
ـ ـ ـ ـ ـ ـ ـ ـ ـ ـ ـ

ارد مسبيه وحدي شلــــــون وچتالك يرد وياي
بدرب شمات تسأل ويـــن كافل ضعنچ الحداي
عاف اخته كلام النــــــــاس اسمعهم بلا حماي
عله الشاطي حلاله النوم شگلهم يا بعد عيناي

شتعذر جواب شحـــــــــچي وشنو ردي
تفضحني الدموع لـــــــــو سألو بخدي
اقوه من الصواب
والله الگلب ذاب
ـ ـ ـ ـ ـ ـ ـ ـ ـ ـ ـ

لون امشي وعوفنكم منــو اليحضرني لوحشم
اذا بمتوني صوط عداي يضـربني ويسيل الدم
واذا ملچوم جرحي يريد منــكم يطلب المرهم
يجي لزينب يهد واحد يفزعــــــــلي وألي يهتم

ابغربتي شلون يهـــــــــــلي تعوفوني
امشي ويشمات وحـــــــــدي تخلوني
لو تحت التراب
والله الگلب ذاب



علي مظلوم الجناحي

@Ali_aLgenaih

362 viewsedited  21:51

قناة الشاعر الحسيني علي مظلوم الجناحي

اعتب گوه عليك
وعتابي ايأذيك
صحتك عباس وماتسمع
وينك يالكافل مـــاتفزع
اعتب گوه عليك
ـ ـ ـ ـ ـ ـ ـ ـ ـ ـ

تذكر چفك علي من لازمه
تذكر وچفي لچــفك سلمه
تذكر انه علــــــيك معلمه
تذكر زينب يتيمت فاطمه

تذكر من ناداك
بيه شگد وصاك
هاي الحره بيدك ودع
وينك يالكافل ماتفزع
ـ ـ ـ ـ ـ ـ ـ ـ ـ ـ

ترضاها ياخويه ياراعي الشيم
ترضاها زينب اخــيتك تنشتم
ترضاها تطلع ومـــــابين الزلم
ترضاها ماعدها والي ولاخيم

نادت يالـــكرار
من شبوهه النار
نار وحرگت حته الرضع
وينك يــالكافل ماتفزع
ـ ـ ـ ـ ـ ـ ـ ـ ـ ـ

يالكافل ياواعدت ويـــن الوعد
يالكافل ياخويه اصــيح وماترد
يالكافل ع التل اصيحك من بعد
يالكافل بالخيل داســــوه الورد

عني شلون اتروح
تخلي بگلبي النوح
بغيلبك شينشف المدمع
وينك يــالكافل ماتفزع
ـ ـ ـ ـ ـ ـ ـ ـ ـ ـ


ياوسفه اليحدي من تالي الشمر
ياوسفه مـن عگب عينك يالگمر
ياوسفه اجفوفي صـارتلي ستر
ياوسفه وانه الچـــنت ام الخدر

اسمع تحچي الناس
هاي اخت العباس
شمــات ودلالي تگطع
وينك يالكافل ماتفزع
ـ ـ ـ ـ ـ ـ ـ ـ ـ ـ

شحچيلك يــالوعه اسولف ياجرح
شحچيلك كل لحظه ياخويه انذبح
شحچيلك اتمنه مـــوتي بكل صبح
شحچيلك بعيوني مـــطبوع الرمح

رمــح الراسك بيه
امشي وعيني عليه
جسمي ولاجسمك يتوزع
وينك يــــالكافل ماتفزع
ـ ـ ـ ـ ـ ـ ـ ـ ـ ـ

من بعدك فروني بــــديار الغرب
من بعدك ونضرب لودمعي يصب
من بعدك بمجلس يبوفاضل اطب
من بعدك اعـــــداكم بفاطم تسب

زينب والنـــسوان
شلون اطب ديوان
للمذبوح الطب ماينفع
وينك يالكافل ماتفزع
ـ ـ ـ ـ ـ ـ ـ ـ ـ ـ

ياخويه الليل من يبدي ويچن
ياخويه احتار عــباس امتحن
ياخويه مـــــابين ايتام التون
ياخويه وجروح گلبي والمتن

بين ايتام وخوف
ريتك خويه تشوف
ويطر فجر النوح ويطلع
وينك يـــالكافل ماتفزع
اعتب گوه عليك

علي مظلوم الجناحي

@Ali_aLgenaih

405 viewsedited  21:53

قناة الشاعر الحسيني علي مظلوم الجناحي

معذور مايدري الگمر
لاويــن وداها الدهر
تبات بخرايب عگب الحبايب
زينب وحيده
ـ ـ ـ ـ ـ ـ ـ ـ ـ ـ ـ

مايدري عباس الگمر حال العقيـــــــــله
مهضومه والمدمع دمه گامت تسيــــــله
مجتوفه تصعد عالهزل ماعدها حيــــله
ماتحتمل فرگه الاهل كلش ثجيـــــــــله

وداها لاوين الوكت
مدمعها مابطل يكت
كل ظنهه خايب عگب الحبايب
ـ ـ ـ ـ ـ ـ ـ ـ ـ ـ ـ

متكلفه بيتام اصبحت بيد السبـــــوها
محتاره المن تلتفت لمن خـــــــــــــذوها
تربي الضعن لمن مـشه الحادي وحدوها
اطفال خاف من الهزل لو وگعــــــــــوها

مربيه عين عله الهزل
لايوگع بــغفله طفل
واليها غايب عگب الحبايب
ـ ـ ـ ـ ـ ـ ـ ـ ـ ـ ـ

ساعه العليل تناضر وساعه اليتــــــــامه
والصوط بيه من الضرب تارك عــــــــلامه
والشامت بعينه اسهام گام يتــــــــــرامه
وچلمه الـــــشامت بالگلب صوب سهامه
والخله ونتها تزيد لوم المـــــــــــــــــلامه

تلجمها تاذيها الناس
لوحچو بسم العباس
فوگ الترايب عگب الحبايب
ـ ـ ـ ـ ـ ـ ـ ـ ـ ـ ـ

شلون حاديه الضعن للكوفه جـــــــــــابه
وخلاها زينب والحرم وسط الخـــــــرابه
نادت ومدمعها يهل مثل السحــــــــــــابه
اليفكد اخوانه بشدد يكتل عــــــــــــذابه

مهيوبه چانت وام خدر
تاليها يـــــسبيها الشمر
وين الاطايب عگب الحبايب
ـ ـ ـ ـ ـ ـ ـ ـ ـ ـ ـ

زينب تشاهد من اجـــــت بدمع النواضر
بسراها لمن طالبت ذيج العشـــــــــــاير
وتشوفهن لمن مشن والگلب حـــــــــاير
وچل ليل وحدتها بهضم والحزن دايـــر

ظلت وحيده وتنتضر
بلكت عشيــــرتها تمر
والگلب ذايب عگب الحبايب
ـ ـ ـ ـ ـ ـ ـ ـ ـ ـ ـ

بالغربه لاحيل البقه والوجه ذابـــــــــل
وذيج الرسوم اتغيرت والدمع سايـــــل
تسألها عن زينب هنـــــــــد حگها تسايل
فر بيها دولاب الزمن والوكت مايـــــــل

ضيعت زينب مادرت
ذيچ الرسوم تغيـرت
شافت مصايب عگب الحبايب
ـ ـ ـ ـ ـ ـ ـ ـ ـ ـ ـ

للطاغي ودوه الضعن ودتها الايــــــــــام
وفرحان من طب الضعن ومعيد الشـــام
مجتوفه والمجلس نضر يانضرته اسهــام
وحسين راسه بالطشت وتصـــــدله بالام

ينـــــشده وزيد الالم
وين اخوتچ وين العلم
وين الگرايب عگب الحبايب
زينب وحيده


علي مظلوم الجناحي

@Ali_aLgenaih

498 viewsedited  23:06

قناة الشاعر الحسيني علي مظلوم الجناحي

عمي عباس راح ابطـل ماانوح
عمي عباس عيني رفت لاتروح
شوفـتك ماي وامان
والله موچلمت لسان
عمي عباس
ـ ـ ـ ـ ـ ـ ـ ـ ـ ـ ـ ـ

راح اسكتهم اخوتي عمــــي انطيلك وعد
العطش مــــــــحد يذكره الماي مانذكر ابد
شوفتك وسط المخيم شوفتك والله ضمد
لاتروح ارجوك عـــــمي خاف ماترجع بعد

عمي عباس گلبي لاچمني انعصر
عمي عباس خايفه مـــــــن النهر
خايـــفه غدر الزمان
والله موچلمت لسان
ـ ـ ـ ـ ـ ـ ـ ـ ـ ـ ـ ـ

رايتك وسط المخيم مـــــن ترف يعني الستر
ومن نشوف الرايه بيدك يعني مايوصل خطر
خل ظلام الليل يوحــــش عدنه بالخيمه گمر
وعدنه اســـــمك من گوله مانخاف ونستقر

عمي عباس طولك بوسط الخيم
عمي عباس هيبه وتخــافه الزلم
يهابك الانس ويجان
والله موچلمت لسان
ـ ـ ـ ـ ـ ـ ـ ـ ـ ـ ـ ـ

انه گلبي يگلي عمــــــــــي والله لاقدر كتب
بس تروح جفوف توگع وسهم بعيونك يطب
الماي مايوصل يعمــــي ونبقه بعدك ننتحب
عمي تكسر ظهر اخـــيك يبقه وحده بالغرب

عمي عباس گبال شماته يجيك
عمي عباس منكسر ظهره عليك
دمعته بفگدك تبان
والله موچلمت لسان
ـ ـ ـ ـ ـ ـ ـ ـ ـ ـ ـ ـ

بس تروح حسين بعــدك ينكسره ظهره تره
انته وحدك جــــيش يمه انته سبع الگنطره
ينولي وليه بغـــــــيابك ترضه ينحز منحره
ونار تحرگه خيـــامك وعمتي تبقه محيره

عمي عباس ألمن تصد تنقهر
عمي عباس للنجف صوب النهر
تنضرب وسط العيان
والله موچلمت لسان
ـ ـ ـ ـ ـ ـ ـ ـ ـ ـ ـ ـ

شلون لوجممو يعــــمي ونار بخيمنه تشب
وحـــــته ترجيه رقيه من أذنه تنـــــــسلب
ننجتف وحده لوحده بسوط عمتي تنضرب
انه اسألك عــمي تقبل زينبك وسط الغرب

عمي عباس والله زينب تنسبي
عمي عباس يحدي بيهه الاجنبي
نروح كل يوم لمكان
والله موچلمت لسان
عمي عباس

علي مظلوم الجناحي

@Ali_aLgenaih

525 viewsedited  23:07

قناة الشاعر الحسيني علي مظلوم الجناحي

واعتهــــــــم ماي اجيب
وعد محـــــبوب وحبيب
ورد ذابل بالخـــــــــــــيم
انه بـــــــعيوني السهم
وانته وحدك يالغريب
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

حسين خليني بمـــــــچاني خل اموتن عالنهر
لاتردني وعني گلهم هواي عــــــــــمكم يعتذر
تبده جوده وشوف عينه وعالنهر راسه انشطر
وانته شد حيلك يخـــــويه لاترد محني الظهر

طاح يـــــــــــم المشرعه
جفوفه گــــــول مگطعه
مــــــــــاي ماجاب وسلم
انه بعيـــــــــوني السهم
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

گلهم العباس عفـــــــــته دمه بعيونه ودمع
ماشرب والماي يمه بيـــــــــــكم يهم ومتنع
همه كل همه يجــــــيكم مايهمه جفه انگطع
من تبده الجود عــــمكم طاح بالحومه وگع

مايـــــــــهم گطع الزنود
يوصللــــــــكم همه جود
مــــــــــاي يوصل للحرم
انه بعـــــــــــيوني السهم
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

خويه سلملي ع سكنـــــــه وتعتذر منهه طلب
ماوفه وماوصل جوده الگال سهـله ومو صعب
گلهه سهم بعـــــينه ارحم ولايصد دمعچ يصب
تدري هيه شــــگد عزيزه ساكنه بوسط الگلب

طايح ونــــــزف الجراح
ومنچ يريـــــــــد السماح
سكنه يـــــــطلب بالاسم
انه بعــــــــــــيوني السهم
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

من ترد يحــسين وحدك بعين زينب من تصد
امسح ادمعوك يــــــــخويه وگلهه گفالج يرد
راح تعرف مـــــــن كلامك مبين بوجهك فگد
وين طايح لاتگلهه عليـــــــــــــه ماتصبر ابد

خاف تمــــــشي لجثتي
تــــــــزيد لوعه لوعتي
تـــصيح ياراعي العلم
انه بعيــــــــوني السهم
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

اخر انفاسه تگلهه وضــــــاع من عنده الكلام
لاجفوف وعيـنه راحت ومستحي يرد للخيام
اخر حچايه حچاهه وصــــــدره منبت للسهام
وده لوعه بگد معـــــــــزتچ وده يازينب سلام

يعتــــــــذر حدما غفه
خاف قــــــــصر ماوفه
عذره بالدم انرســــــم
انه بعـــــــــيوني السهم
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

صعبه افارگهه يــــــخويه احنه روحين بجسد
شلون اعوفنه وحــــــــــــيده شلون بيام الشدد
ابد ماجه ابالي مره عنهه امـــــــــــشي وابتعد
زينب اختي وزينب امي وزينب اعيوني التصد


گلت لودار الزمـــــــــان
ارد اردلها الحــــــــــنان
عــــــــون ماصيرن ألم
انه بعــــــــيوني السهم
وانته وحدك يالغريب

علي مظلوم الجناحي

@Ali_aLgenaih

526 viewsedited  23:11

قناة الشاعر الحسيني علي مظلوم الجناحي

من يگول الحره ذلت بالسبي
تبچي مكسورة گلب لاوالنبي
مااصدگ هالوضع
هيه بتمـن وقتنع
تبچي مكسورة گلب لاوالنبي
ـ ـ ـ ـ ـ ـ ـ ـ ـ ـ ـ

هاي زينب ياخلگ هـــــــاي العقيله
من يگول انكـــسرت وشنهو دليله
حاشه زينب تمشي مكسوره وذليله
وهيه حــــمل الدنيه لومالت تشيله

يم شماته شلـــون بالله تنكسر
وهيه من عدها اخذ درس الصبر
شلون شافوه الدمع
هيه بتمــــن وقتنع
ـ ـ ـ ـ ـ ـ ـ ـ ـ ـ ـ

زينب المفهوم للعــــــــــــز والاباء
وماتطيح ادموعها بــس بالدعاء
صوتها يسمعوه بس اهـــل السماء
شلون بين اجنـاب تبچي بكربلاء

هيه لورفعت اديهــــــــا للجليل
الگاع حدر اجدامهم والله تميل
الباري ألها يستمع
هيه بتمـن وقتنع
ـ ـ ـ ـ ـ ـ ـ ـ ـ ـ ـ

هاي من حيدر علي اخذت صفات
كالجبل وكـــــــت الشدد بالنايبات
ماتطخ الراس تعـــــرف يم شمات
وهيه بس للله تــــدنگ بالصلات

طاري اسمـها يخوف تهابه الزلم
حتلو طايح فـرض راعي العلم
ياجبل دنك خضع
هيه بتمن وقتنع
ـ ـ ـ ـ ـ ـ ـ ـ ـ ـ ـ

زينب بعلم وفهـــــــم منزل امام
وبالبلاغه چــن علي توزن الكلام
الصبر يمها يدنگ يــــــحني هام
ويامره گلي مثلها بهـــــل المقام

چان صبر ايبوب مـــضرب للمثل
ومن صبرها احتار ايوب وخجل
بالصبر ألها رجـع
هيه بتمن وقتنع
ـ ـ ـ ـ ـ ـ ـ ـ ـ ـ ـ

الله مايقبل لــــــون ذلت محال
هيه ستر الله وحجـــــاب الكمال
هاي زينب هوه يــاهو الگام گال
شلون چاه راحت سبيه وللجدال

هيه راحت موسبـــــيه لا ابد
راحت لعرش الطغات تهده هد
هدمت عرشه وگع
هيه بتـمن وقتنع
ـ ـ ـ ـ ـ ـ ـ ـ ـ ـ ـ

انه اريدن واحـــــــــد يگلي بدليل
زينب الحره مــــشت مشي الذليل
بالقصر وكفت مثل حامي الدخيل
براس مرفوع دخـــلت مو بالعويل

الاسير الذله بطبــــاعه تصير
كيد كيدك هاي موچلمت اسير
هاي موذل وركع
هيه بتمن وقتنع




علي مظلوم الجناحي

@Ali_aLgenaih

579 viewsedited  17:04

قناة الشاعر الحسيني علي مظلوم الجناحي

ماخاف المــــوت باجر لو يمر
ماخاف من ظلمه لاوحشت گبر
ماخاف اسمي انه خادم بالحشر
ماخاف
ـ ـ ـ ـ ـ ـ ـ ـ ـ ـ ـ ـ ـ ـ

لموتي ماحــسب وفكر خالي بالي ومطمئن
واثق ومتـــــيقن اني عليه محبوبي يحن
الوگف كل عمــــــري اليه سند بيام المحن
يعوفي بگبــــري ومماتي لاوحگه مااظن

هيهات ينساني ويدير النضر
هيهات يتركني وحدي بالگبر
هيهات حنين وگلبه ينكسر
ـ ـ ـ ـ ـ ـ ـ ـ ـ ـ ـ ـ ـ ـ

من يجيني الـموت باجر واخر انفاس ونبض
مايضيع الحچي منـــــــي ومااخاف ولااغض
عمري كله بأسمه ألهج وبـسمه مايثگل لفض
ابقه بحـــــروفه اردد لــــــمن روحي تنقبض



اهواه ســودني وياه العشگ
اهواه عاهــــته ابد مانفترگ
اهوه بطن امي واكتبله شعر
ـ ـ ـ ـ ـ ـ ـ ـ ـ ـ ـ ـ ـ ـ

لحدي موظــــــلمه ينور لحدي متروس بشمع
والدمع لحسين يضـــوي غاد يضويلي الدمع
وانه لجله رخيص دمعي جنت ابچيله وجزع
ومايضيج عليه لحــــــدي لحدي لللطمه وسع

وهناك بالگبر مجلس للذكر
وهناك مابطل بلطم الصدر
وهناك موظلمه يضولي الگبر
ـ ـ ـ ـ ـ ـ ـ ـ ـ ـ ـ ـ ـ ـ

من يجني الملك باچــــــر يگلي اكتب بالعجل
خادم اكتب بالصحيفه ولطمي ودموعي عمل
ولو يناشدني ع عـــمري بيش خلص ورتحل
بالمجالس عمري خلـــــص هاذه ردي للسأل

ماراح عمري انه خلصته لطم
ماراح وبروحي محترگه خيم
ماراح ولوبــــيدي اداين عمر
ـ ـ ـ ـ ـ ـ ـ ـ ـ ـ ـ ـ ـ ـ

ماتطوگني ذنوبي ع المــــــــــــتن ماكو ثگل
مااشيل اجبال لاچن راح اشـــيلن بس سهل
شايل ع متـــــوني عاده دوم زنجيل وطبل
ألطم ع حسين عمري مــــــن زغر وانه طفل

گضيت ايام عمــــــري بخدمته
گضيت دمعي عله اخته وعيلته
گضيت ايامي عاشــــور وصفر
ـ ـ ـ ـ ـ ـ ـ ـ ـ ـ ـ ـ ـ ـ

دوم احضر للمــــــــــجالس انه دوم مواضب
مستحب عد غيري يمـكن وانه أگولن واجب
ع الساراط يگود ايدي الضامي ظل ماشارب
ابيته جنت احضـر وجيله وغاد بيه يطالب

وحسين ماينسه يوفي بالوعد
وحسين بالحشر يوگفلك سند
وحسين بسمه انادي بالحشر



علي مظلوم الجناحي

@Ali_aLgenaih

637 viewsedited  17:53

قناة الشاعر الحسيني علي مظلوم الجناحي

بالعمر چم مــــــره متت
چم اخ چم بويه صحت
من علتـــــك لاما طبت
لفراگ الاحباب
ـ ـ ـ ـ ـ ـ ـ ـ ـ ـ

يعقوب من يوسف راح ظل يبجي ليل انهاره
ويدريبه موميت عدل بـس مايعرف اخباره
مولحت عـــــــــينه لفرگته دمعه بقه يتجاره
اشحال گلبك ســــــيدي وشگده جانت ناره

بعينك شفـــــت كل الاهل
فوگ الــــــثره ظلو وصل
الموت بيــــــــهم من نزل
ياعضم المصاب
ـ ـ ـ ـ ـ ـ ـ ـ ـ ـ

مطروح بفراش المرض وتسمـــع ألا من ناصر
اتسمعه وتلبي النده تنهضله بــــــــس ماكادر
وتشوفه من طرف الخيم مكسور گلب وخاطر
ومن رجع من يم النــهر والراس ابيض صاير

محنــــــي رجع جنه هلال
ويده ع خاصـــــرته ومال
گبالع العده المدمع ســـال
وبگلبه الصواب
ـ ـ ـ ـ ـ ـ ـ ـ ـ ـ


عبدالله شفته مــــــن رجع شابگ بنحره النبله
وحسين ضماه واجه حـــــــــدر العبايه يحمله
هالمنظر بعينك شفت مولاي بـــس شيحمله
وحال امه لمن شافته مدهوشه تبجي تصدله

ست اشهر وچنه الصبح
لمه يرد بــــــس مذبح
وباچر يحـــطونه برمح
ومخضب خضاب
ـ ـ ـ ـ ـ ـ ـ ـ ـ ـ

حسين طاح ع الثره بعـــــــــينك تشوفه تنضره
من كل كتر طعنه انطعن والشـمر صاعد صدره
خنجر تشوفه بيمنته ومـــــــــن الگفه حز نحره
والراس حطه ع الرمح وخيـل اعوجيه تنطره

صدره على ظــهره انطبگ
انفرش بالـحومه انسحگ
وصيوانه بالنار احتـــــرگ
غطاه التراب
ـ ـ ـ ـ ـ ـ ـ ـ ـ ـ

من حرگو عليك الخــــــيم ويتام داسو بالخيل
وبسوط ضربو عمـــــــتك تنهض وماعندك حيل
واختك رقيه تــــسلبت ومن الاذن دمها يسيل
وليلت الوحشه سيــــــدي شلون خلصت الليل

محد غفه جــــفنه وغمض
بس جثث متروسه الارض
روس اهلــك گبالك عرض
مابين الاجناب
ـ ـ ـ ـ ـ ـ ـ ـ ـ ـ

من صبح عليك الصــــبح وجابوها نوگ الهزل
والحبل جتف عمــــــتك وعينك تشوف وتهمل
مجتوفه اديك ورگبـــتك والجامعه تهد تكتل
والدرب بـــــــــعده بأوله ديوان باجر محفل

بمجلس تطــب باچر زلم
وحيـدر علي هم ينشتم
طول الدرب تشبع هضم
بت داحي الباب



علي مظلوم الجناحي

@Ali_aLgenaih

531 viewsedited  06:40

HTML Embed Code:
<iframe width="100%" src="https://www.tgoop.com/buyppe/web?embed=1" title="Telegram Web" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>