tgoop.com/yazaynae/15701
Last Update:
قصـيده للسيده فاطمه الزهراء ع
❥❥ـــــــــــــ❁❂❁ـــــــــــــ❥❥
اريد اعاتب البسمار ضلوع ام حسن طكاهه
خله فاطمه عالكاع وكــســر الضـلـع اذاهه
تلوج الليل راح الحيل يازينـب دلحــكـيــهه
❥❥ـــــــــــــ❁❂❁ـــــــــــــ❥❥
تلوج امن الوجع والعين سـهـرانه
ما تكدر تصلـي الليـل وجــعـانـه
يم حسـيـن ليش الروح خلصانـه
تاذي روح كسر مجروح يازينـب دلحـكـيـهه
ماخله العتـب بلــباب وليش الباب بجاهه
❥❥ـــــــــــــ❁❂❁ـــــــــــــ❥❥
اريد اعتـب وازيد الـــروح ونــات
شلون ام لحسن تسكن مضلمات
ياحيدر علــيــها اقــره المعوذات
حيلـج راح محسن طاح يازينـب دلحـكـيـهه
تمنيت النبي موجود محد اجـه وحــاجاهه
❥❥ـــــــــــــ❁❂❁ـــــــــــــ❥❥
صار ابليل دفنـج يم الحـســيـن
ام كلثوم صاحــت ويـن ترديــن
يا شمعه نزلنه انطفت يالـبـيــن
ريضي بهون لا يبـجـون يازينـب دلحــكـيـهه
منهو شيعج كولـــي ويـاهو الـراح ويـاهــه
❥❥ـــــــــــــ❁❂❁ـــــــــــــ❥❥
يـازينب دلحكي امــج وروحــي
وراسج عالنعش كـعدي ونوحي
يمه خلافجن زادت اجــروحــي
لا تمـشـيـن ولا ترحــين يازينـب دلحــكـيهه
ليله الوحـدج تبقـين عليـج البيـن حنـاهــه
❥❥ـــــــــــــ❁❂❁ـــــــــــــ❥❥
محنيه مشت وضلوع مكسـوره
لو يندار عمري اليوم انـــه دوره
مو بس السمه والارض مفطوره
امشي وياج يــل ردنــاج يازينـب دلحــكـيـهه
المــــوت اعليـج واعـلــٰه حـسـيـن وازاهـه
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿
https://www.tgoop.com/yazaynae
BY ديوان اسيره الطفوف للشاعره العلويه ام كنان الهاشمي
Share with your friend now:
tgoop.com/yazaynae/15701