tgoop.com/yazaynae/15681
Last Update:
نعي للامام الحسين عليه السلام
❥❥ـــــــــــــ❁❂❁ـــــــــــــ❥❥
خـال الولـد جيـت وندهتــه
وما يدري عالـو بيـها اخيتــه
الغروب اجـانه وكلها سكتــه
❥❥ـــــــــــــ❁❂❁ـــــــــــــ❥❥
ذبــاح اخوي شويــه بهـداي
من الضهر ما شارب المــاي
خلي العـزيــز يكــوم ويــاي
❥❥ـــــــــــــ❁❂❁ـــــــــــــ❥❥
كـون العـمر يحسين ينــباع
ولا خلي طولك تارس الكـاع
يابـو المحـنه وحلـو الاطباع
❥❥ـــــــــــــ❁❂❁ـــــــــــــ❥❥
طبـعك حـلو وتشيمت بيـه
وخال الولد حلـوه محاجيه
كون الحسين بروحي اخليه
❥❥ـــــــــــــ❁❂❁ـــــــــــــ❥❥
جبت العبايه وبيــها افييـك
خاف شمس تجوي معانيك
جا بيش اشيلنـك واداويـك
❥❥ـــــــــــــ❁❂❁ـــــــــــــ❥❥
اكضي الليالي شلون بشلون
خوال ابني اريدنهم يكعدون
عـن حال اخيـتهم يشندون
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿
https://www.tgoop.com/yazaynae
BY ديوان اسيره الطفوف للشاعره العلويه ام كنان الهاشمي
Share with your friend now:
tgoop.com/yazaynae/15681