💒ዓምደ ሃይማኖት✝️

Forwarded from አቡነ ሺኖዳ ሣልሳዊ ✝

♦✨ የሕማማቷ ሰሉስ ✨♦

♦በማቴዎስ ወንጌል ፳፩፥፳፰፤ ፳፭፥፵፮፤ ማርቆስ ወንጌል ፲፪፥፲፪፤ ፲፫፥፴፯፤ በሉቃስ ወንጌል ፳፥፱፤ ፳፩፥፴፰ የሚገኙ የመጽሐፍ ቅዱስ ክፍሎች በዕለተ ሰሉስ የሚነገሩ ትምህርቶችን ይዘዋል።

✨ ይህ ዕለት የጥያቄ ቀን በመባል ይታወቃል። በዕለተ ሰኑይ ባደረገው አንጽሖተ ቤተ መቅደስ ፈሪሳውያን ቀርበው "ከቤተ ሌዊ ሆነህ ክህነትን ምክንያት አድርገህ፣ ከቤተ ይሁዳ ሆነህ ንግሥናን ምክንያት አድርገህ እንዳይባል ከሁለቱም ወገን አይደለህም ማስተማርህ፣ ተአምር ማድረግህ፣ ቤተ መቅደስ ማጽዳትህ በየትኛው ሥልጣንህ ነው ብለው ስለጠየቁት የጥያቄ ቀን ይባላል። ፈሪሳውያንን ጌታችንን ከገሊላ ወገን ይመስላቸው ነበር እንጂ ከቤተ ይሁዳ መሆኑን አያውቁም ነበር። (ዮሐ. ፯፥፭) ስለዚህ የቤተ መቅደስን ሥርዓት ማስጠበቅ የሌዋውያን የካህናቱ ሥልጣን ነው፣ የሀገርን ሥርዓት ማስጠበቅ ደግሞ የነገደ ይሁዳ የነገሥታቱ ሥልጣን ነው። አንተ ከነዚህ ወገን ሆነህ ተቀብተህ ስትሾም አላየንምና በየትኛው ሥልጣን ነው ይህን የምታደርግ ብለው ጠይቀውታል። (ማቴ. ፳፩፥፳፫-፳፯፣ ማር. ፲፩፥፳፪-፴፫/ ሉቃ. ፳፥፲፰) "በማን ሥልጣን እነዚህን ታደርጋለህ? ይህንስ ሥልጣን የሰጠህ ማነው?" የሚል ነበር። ይህ ጥያቄ ጌታችን ሰኞ ዕለት ሁለት ነገሮችን ማከናወኑን ተከትሎ የተነሣ ጥያቄ ነው። ይኸውም ጌታችን ሲያደርጋቸው የነበሩ ተአምራትና ድንቅ ድንቅ ሥራዎች የካህናት አለቆችን ስላስቀኗቸው ጌታችንን ከሮማ መንግሥት ባለ ሥልጣናት ጋር ለማጋጨት የቀየሱት ስልት ነው። ጌታችን በቤተ መቅደስ የነበሩትን ነጋዴዎችን አባሯል፤ መደባቸውን ገለባብጧል። ነጋዴን ማባረርና መደብን ማስለቀቅ መንግሥታዊ ሥራ ነው። ጌታችን "በራሴ ሥልጣን" ቢላቸው ፀረ መንግሥት አቋም አለው በማለት ከሮማ መንግሥት ዘንድ ለማሳጣት ነበር ዕቅዳቸው።
፡
ጌታችን ግን የፈሪሳውያንን ጠማማ አሳብ ስለሚያውቅ "የዮሐንስ ጥምቀት ከየት ነው? ከሰማይ ነው ወይስ ከምድር?" ሲል ጠይቋቸዋል። ጌታችን ፈሪሳውያን ላቀረቡለት ጥያቄ ቀጥተኛ ምላሽ አልሰጠም። ምክንያቱም ጥያቄው ለከሳሾቹ ዓላማ መሳካት አመቺ ሁኔታን ስለሚፈጥር ጥያቄውን በጥያቄ መልሶላቸዋል። እነርሱም "ከሰማይ ነው" ቢሉት "ለምን አላመናችሁበትም?" እንዳይላቸው፤ "ከሰው ነው" ቢሉት ደግሞ ሕዝቡ ዮሐንስን እንደ አባት ይፈሩት፣ እንደ መምህር ያከብሩት ነበርና ሕዝቡ እንዳይጣሏቸው ስለፈሩ "ከወዴት እንደ ሆነ አናውቅም" ብለው መለሱለት። እርሱም "እኔም በማን ሥልጣን እነዚህን እንደማደርግ አልነግራችሁም" አላቸው። ይህን ጥያቄ መጠየቃቸውም እርሱ የሚያደርጋቸውን ተግባራት ሁሉ በራሱ ሥልጣን እንዲያደርግ አጥተውት አልነበረም፤ ልቡናቸው በክፋትና በጥርጥር ስለተሞላ ነበር እንጂ።
፡
ዛሬም ቢሆን መልካም ሥራን በሠራን ጊዜ ከልዩ ልዩ ወገኖች የሚመጡ ፈተናዎች ለመልካም ሥራችን እንቅፋት ሊሆኑ እንደሚችሉ መገንዘብ አለብን። ብዙ ወገኖች "ለቅን አሳባችን ለምን ሰዎች ክፉ ነገር ይመልሱልናል?" በማለት ሲጠይቁ ይሰማል። ለቅን አሳባችን ከዓለም ዘንድ ተቃራኒ ነገር እንደሚጠብቀን ለመረዳት "ዓለም የሚወደው የገዛ ወገኑን ነው" የሚለውን የጌታችንን ትምህርት ልብ ይሏል። በዘመናችን አሳልፈው ሊሰጡን የሚፈልጉ ሰዎች ፈታኝ ጥያቄ እንደሚያቀርቡልንም ከወዲሁ ልንገነዘብ ይገባል።
፡
እንደዚሁም በዚህ ዕለት ጌታችን ረጅም ትምህርት በማስተማሩ "የትምህርት ቀን" ይባላል። ቀድሞ እንዳልነው የሃይማኖትን ምሥጢር ለማወቅ የሚሹትን፣ ደክመው የበደሉትን፣ ከፍቅረ እግዚአብሔር የራቁትን ትኩረት በመስጠት ሊረዱት በሚቻላቸው ትምህርት ማስረዳት ይገባልና። ይህንን ሊያስተምር አርአያ ሊሆነን ነው። ክርስቲያን የሆነ ሁሉ ከሥጋዊ ነገር ርቆ በዚህ ሰሞን የሃይማኖት ትምህርት ሲማር፣ ሲጠይቅ መሰንበቱ መጽሐፋዊ ሥርዓት ነው። በማቴ. ፳፩፥፳፰፣ ፳፭፥፵፮፣ ማር. ፲፪፥፪፣ ምዕ ፲፫፥፴፯፣ ሉቃ.፳፥፱፣ ፳፩፥፴፰

#መምህር_ክብሮም_ካሳ


#አቡነ_ሺኖዳ_ሣልሳዊ

@popeshenoudaa
@popeshenoudaa
@popeshenoudaa

www.tgoop.com/yadengillej/1514

3.33K viewsApr 15, 2020 at 05:11

♦✨ የሕማማቷ ሰሉስ ✨♦

♦በማቴዎስ ወንጌል ፳፩፥፳፰፤ ፳፭፥፵፮፤ ማርቆስ ወንጌል ፲፪፥፲፪፤ ፲፫፥፴፯፤ በሉቃስ ወንጌል ፳፥፱፤ ፳፩፥፴፰ የሚገኙ የመጽሐፍ ቅዱስ ክፍሎች በዕለተ ሰሉስ የሚነገሩ ትምህርቶችን ይዘዋል።

✨ ይህ ዕለት የጥያቄ ቀን በመባል ይታወቃል። በዕለተ ሰኑይ ባደረገው አንጽሖተ ቤተ መቅደስ ፈሪሳውያን ቀርበው "ከቤተ ሌዊ ሆነህ ክህነትን ምክንያት አድርገህ፣ ከቤተ ይሁዳ ሆነህ ንግሥናን ምክንያት አድርገህ እንዳይባል ከሁለቱም ወገን አይደለህም ማስተማርህ፣ ተአምር ማድረግህ፣ ቤተ መቅደስ ማጽዳትህ በየትኛው ሥልጣንህ ነው ብለው ስለጠየቁት የጥያቄ ቀን ይባላል። ፈሪሳውያንን ጌታችንን ከገሊላ ወገን ይመስላቸው ነበር እንጂ ከቤተ ይሁዳ መሆኑን አያውቁም ነበር። (ዮሐ. ፯፥፭) ስለዚህ የቤተ መቅደስን ሥርዓት ማስጠበቅ የሌዋውያን የካህናቱ ሥልጣን ነው፣ የሀገርን ሥርዓት ማስጠበቅ ደግሞ የነገደ ይሁዳ የነገሥታቱ ሥልጣን ነው። አንተ ከነዚህ ወገን ሆነህ ተቀብተህ ስትሾም አላየንምና በየትኛው ሥልጣን ነው ይህን የምታደርግ ብለው ጠይቀውታል። (ማቴ. ፳፩፥፳፫-፳፯፣ ማር. ፲፩፥፳፪-፴፫/ ሉቃ. ፳፥፲፰) "በማን ሥልጣን እነዚህን ታደርጋለህ? ይህንስ ሥልጣን የሰጠህ ማነው?" የሚል ነበር። ይህ ጥያቄ ጌታችን ሰኞ ዕለት ሁለት ነገሮችን ማከናወኑን ተከትሎ የተነሣ ጥያቄ ነው። ይኸውም ጌታችን ሲያደርጋቸው የነበሩ ተአምራትና ድንቅ ድንቅ ሥራዎች የካህናት አለቆችን ስላስቀኗቸው ጌታችንን ከሮማ መንግሥት ባለ ሥልጣናት ጋር ለማጋጨት የቀየሱት ስልት ነው። ጌታችን በቤተ መቅደስ የነበሩትን ነጋዴዎችን አባሯል፤ መደባቸውን ገለባብጧል። ነጋዴን ማባረርና መደብን ማስለቀቅ መንግሥታዊ ሥራ ነው። ጌታችን "በራሴ ሥልጣን" ቢላቸው ፀረ መንግሥት አቋም አለው በማለት ከሮማ መንግሥት ዘንድ ለማሳጣት ነበር ዕቅዳቸው።
፡
ጌታችን ግን የፈሪሳውያንን ጠማማ አሳብ ስለሚያውቅ "የዮሐንስ ጥምቀት ከየት ነው? ከሰማይ ነው ወይስ ከምድር?" ሲል ጠይቋቸዋል። ጌታችን ፈሪሳውያን ላቀረቡለት ጥያቄ ቀጥተኛ ምላሽ አልሰጠም። ምክንያቱም ጥያቄው ለከሳሾቹ ዓላማ መሳካት አመቺ ሁኔታን ስለሚፈጥር ጥያቄውን በጥያቄ መልሶላቸዋል። እነርሱም "ከሰማይ ነው" ቢሉት "ለምን አላመናችሁበትም?" እንዳይላቸው፤ "ከሰው ነው" ቢሉት ደግሞ ሕዝቡ ዮሐንስን እንደ አባት ይፈሩት፣ እንደ መምህር ያከብሩት ነበርና ሕዝቡ እንዳይጣሏቸው ስለፈሩ "ከወዴት እንደ ሆነ አናውቅም" ብለው መለሱለት። እርሱም "እኔም በማን ሥልጣን እነዚህን እንደማደርግ አልነግራችሁም" አላቸው። ይህን ጥያቄ መጠየቃቸውም እርሱ የሚያደርጋቸውን ተግባራት ሁሉ በራሱ ሥልጣን እንዲያደርግ አጥተውት አልነበረም፤ ልቡናቸው በክፋትና በጥርጥር ስለተሞላ ነበር እንጂ።
፡
ዛሬም ቢሆን መልካም ሥራን በሠራን ጊዜ ከልዩ ልዩ ወገኖች የሚመጡ ፈተናዎች ለመልካም ሥራችን እንቅፋት ሊሆኑ እንደሚችሉ መገንዘብ አለብን። ብዙ ወገኖች "ለቅን አሳባችን ለምን ሰዎች ክፉ ነገር ይመልሱልናል?" በማለት ሲጠይቁ ይሰማል። ለቅን አሳባችን ከዓለም ዘንድ ተቃራኒ ነገር እንደሚጠብቀን ለመረዳት "ዓለም የሚወደው የገዛ ወገኑን ነው" የሚለውን የጌታችንን ትምህርት ልብ ይሏል። በዘመናችን አሳልፈው ሊሰጡን የሚፈልጉ ሰዎች ፈታኝ ጥያቄ እንደሚያቀርቡልንም ከወዲሁ ልንገነዘብ ይገባል።
፡
እንደዚሁም በዚህ ዕለት ጌታችን ረጅም ትምህርት በማስተማሩ "የትምህርት ቀን" ይባላል። ቀድሞ እንዳልነው የሃይማኖትን ምሥጢር ለማወቅ የሚሹትን፣ ደክመው የበደሉትን፣ ከፍቅረ እግዚአብሔር የራቁትን ትኩረት በመስጠት ሊረዱት በሚቻላቸው ትምህርት ማስረዳት ይገባልና። ይህንን ሊያስተምር አርአያ ሊሆነን ነው። ክርስቲያን የሆነ ሁሉ ከሥጋዊ ነገር ርቆ በዚህ ሰሞን የሃይማኖት ትምህርት ሲማር፣ ሲጠይቅ መሰንበቱ መጽሐፋዊ ሥርዓት ነው። በማቴ. ፳፩፥፳፰፣ ፳፭፥፵፮፣ ማር. ፲፪፥፪፣ ምዕ ፲፫፥፴፯፣ ሉቃ.፳፥፱፣ ፳፩፥፴፰

#መምህር_ክብሮም_ካሳ


#አቡነ_ሺኖዳ_ሣልሳዊ

@popeshenoudaa
@popeshenoudaa
@popeshenoudaa

BY 💒ዓምደ ሃይማኖት✝️