tgoop.com/xadichauz/20224
Last Update:
Mo‘minlarning onalari
Taqvoning cho‘qqisi ularda edi,
Jannat mujdasini olgan rayhonlar
Go‘zal ahloqi ila nurlangan yuzi,
Muborak chashmadan suv ichgan gullar.
Ilk da’vat paytida bo‘lib qalqona
Islom uchun qildi molin nisora
Vafonichi qo‘ying, bo‘lgan parvona
Bu ummat quyoshi Xadicha ona.
Zakovatda yetolmas hech bir muslima
Qur’on uni oqlagan pokiza lola
Zavjidan hadislar qilgan rivoya
Habibimiz Humayrosi Oisha ona.
Umarning adlidan olib namuna
Ikki olam sarvariga bo‘ldi rafiqa
Oliy himmat sohibasi sayyida ona
Asri saodatning gulisiz Hafsa.
Tahajjudni hech ham qilmadi kanda
Ummu Habibadir, asl ismi Ramla
Taqvosi ham yuksak, parhezkor juda
Rasulimga bo‘lgan siddiqa zavja
Sadaqa qilishga intilgan doim
Har xayr ishlarda bo‘lardi qoim
Zaynab bintu Jahshdek bo‘lolsak qani,
U uchun bir oyat qildi Xudoyim.
Allohim unda berdi baraka
Asir ozod bo‘ldi, axir u sabab
Go‘zal husni ila bo‘lgan afifa
Qavm sayyidisiz siz Juvayriya.
Siz bizga bo‘ldingiz yo‘lchi yulduzlar
Ey mo‘minlar onasi, sahobiyyalar
Ehtirom siz uchun har kun, har onlar
Muborak chashmadan suv ichgan gullar.
She’r muallifi: ta’lim muassasasi talabasi Akbarova Zilola
Mas'ul ustoz:Azizova Feruza
#talabalar_ijodi
🔗 www.tgoop.com/xadichauz - diniy-ma'rifiy kanal!
Telegram 🕊| Instagram📱
Facebook📱| Youtube 📺
BY Xadichauz
Share with your friend now:
tgoop.com/xadichauz/20224