tgoop.com/wuhob/3241
Last Update:
تملك الدنيا وغريب
يا أحن وآجمل حبيب
……………..
هايمه روحي بغرامك - ويسوه يا جرح الهيام
ونذرت عمري الخدمتك - بيك بس يحله الكلام
دمعه وبمجلس عزائك - ياكبر بختي أمن آطيح
يا سبب علت وجودي - حسين بسمك دوم أصيح
دنيه _ ومابيهه أسمك خراب
دنيه _ لو ما وجودك سراب
دنيه _ تارسهه جرحك عذاب - دنيه
أنته لجروحي طبيب
يا أحن وآجمل غريب
……………..
كلشي بالدنيه هملته - الموطنك آنه أنتميت
ضايع وروحي أبمتاها - ألكه روحي لو بجيت
كلشي يخلص ماله قيمه - أنته بس معنه الخلود
أنته سر الله المكرم - أنته مفتاح الوجود
سكته _ الدنيا بس صوتك أذان
سكته _ جرحك وينزف حنان
سكته _ كلهه بس أنته الأمان - سكته
لليطلبك تستجيب
يا أحن واجمل حبيب
………………
أنضيع وتلمنه حروفك - والمجالس والدموع
المابجت عينه الغربتك - لا يسولف عالضلوع
أبعينك أتخلي اليخدمك - ياحسين أشكد حنين
من تملني الناس كلهه - أتمدلي كلبك والأدين
روحي _ من تطش مرجعها ليك
روحي _ أعله الله معتمده وعليك
روحي _ رايد أتعرفها بيك - روحي
أو أعرف إشيعني السليب
يا أحن واجمل حبيب
………………..
أبحر أبعماق طفك - ونكسر بيك وأهيم
وتنتهض بيه جراحي - أبذبح الحسين العظيم
أشما أصدلك ألكه حافر - واصل أبصدرك بعيد
وألتفت والكه خناجر - باشطه أتحز بالوريد
صدرك _ جانت أتحضنه البتول
صدرك _ صار ملعب للخيول
صدرك _ الاعوجيه بي تجول - صدرك
ونضر الشيبك خضيب
يا أحن واجمل حبيب
……………….
كلشي بيه إيصيح أحبك - الله خالقني الهواك
جمره من أخيام زينب - كلبي محروك أبعزاك
مايموت اللي يحبك - عايش الميت عليك
أبخيمة المجلس أشوفك - أنسه كلشي وأعتنيك
دمعه _ كلي بعتابك هويت
دمعه _ أعليك دلتني وأجيت
دمعه _ ما توفي أشما بجيت - دمعه
تارس الدنيه نحيب
يا أحن واجمل حبيب
………………
حسين باهض الحلفي
BY الشاعر حسين باهض الحلفي
Share with your friend now:
tgoop.com/wuhob/3241