tgoop.com/wuhob/2936
Last Update:
نار…تشب بيه الحزن دنيه وصرت بيهه
نار…تسايرني العمر كله وأداريهه
امي رضعتني مجلس اقرايه
وجمر خيمه
@@@@@@@@@@@@@@@
بجيت أبأول صياري
نذر مطلوب الك ثاري
عله المذبوح واويلي
بإذاني يأذن القاري
ابوي مهدله متونه
اشوف الدمعه بعيونه
ابدموع عيونه يرسملي
طفل ضامي يذبحونه
يعصرني ضل حيل الالم
أبريجي أحس طعم السهم
أعليمن أحن محد فهم
آه…تشب بيه وتعذبني وتهد روحي
آه…الك عندي بكبر خيمه يمذبوحي
وآنه بكماطي جانت أمنيتي
مجلس نقيمه
@@@@@@@@@@@@
ومشه بيه العمر حسره
يساكي جروحي الخضره
ويجر إذني ويعت بيهه
وأعاني الجويه والسطره
تعيش البابا بلساني
دموعي امرافكه أجفاني
ابوي اشكد احب عطره
انام بصدره تلكاني
وأغفه وأفز شايف حلم
جن حرمه مابين الزلم
اطفال بعبايتهه تلم
ليل…صهيل اسمع شفت يمهه وزلم تنهب
ليل…يتيهني وتصد عيني خيم تلهب
ضلمه وتدور تسأل الوادي
عله إيتيمه
@@@@@@@@@@@@
وكبرت اويه الجرح خنجر
يحني جفوفي دم احمر
شباب او واهس الزفه
يعايشني جرح أخضر
أكاسر دمعتي بونه
إذا أشتم عطر حنه
تدنك مستحه جروحي
إذا جاسم أذكرنه
أغصانه توهه أمورده
مذبوحه وتنكط نده
عالذاري امه تشاهده
وين…صبغ حنتك أشو جفك دمه معفر
وين…عطر خدك يمعشوك الورد الاحمر
طابعه بعيني جثة القاسم
وسط هيمه
@@@@@@@@@@@@
وبعد بيه جرح يكبر
عله أخدود الثره معفر
أمن أذكره إيبس لساني
يذكرني بعلي الاكبر
ترن إبأذني جلماته
العطش نايم عله إلهاته
تشابك وي ابوه يبجي
وكسر خاطر أخياته
طاحو مثل طيح الورك
حط حلكه بلسانه أختنك
من كثر ما يابس شرك
ذاب…قلب عمته ودليل امه وبجت سكنه
ذاب…مثل شمعة عرس جاسم عله الحنه
صوره عايشهه مشابك ودمعه
وعطش غيمه
@@@@@@@@@@@@
أعله جرف الشط احط روحي
وغازل مايه بجروحي
من بعد الغريب حسين
أكلهه يانفس نوحي
أتذكر كمر طافي
يم جرف النهر غافي
أمنيدي الماي أشمرنه
وما أحطه عله أشفافي
جم صوره بعيوني انجفن
جف اويه جف تشابكن
رايه اويه جربه أتشككن
طاح…عمد خيمه بوسط روحي وكسر ضهري
طاح…كفيل أخته وكطع بيهه الهوه اليسري
ياعسن عيني بالسهم تطفه
وأحس ضيمه
@@@@@@@@@@@@
وهيم اويه الذبح مره
أبمخيلتي اثنعش طبره
أغمض عيوني وتخيل
خيل أملثمه عشره
شريد انسه وشريد أذكر
حجر لو نبله لو خنصر
لو راس برمح عالي
لو خيل بصدر تكسر
لو زينب وطفله وحبل
والسوط وشماتت نذل
أحاه يا طاري الهزل
ضاع…عله الناكه العمر كله ومشه الحادي
ضاع…خدر زينب عله التله وجرف وادي
صاحت أدخيلك خويه حاجيني
يبو الشيمه
@wuhob
BY الشاعر حسين باهض الحلفي
Share with your friend now:
tgoop.com/wuhob/2936