tgoop.com/wuhob/2419
Last Update:
عيون العده➖لا توصل أخيام الاميره
يم النهر ➖هز بيرقك بخت العشيره
عجل يايو فاضل➖سيفك ما يجامل
💢🔷🔶💢🔷🔶💢🔷🔶💢🔷🔶💢🔷🔶💢
طوح بالعلم➖مو يم الخيم➖يم الشريعه➖والعلم يتاني
يبن أم الوفه➖سيفك عاصفه➖ثار الوديعه➖يلهج أبلساني
ثار عندك من زمن➖نار ضلع أم الحسن➖حاكمهم يعباس
فوت➖لحدود النهر➖مَوت➖راويهم حمر➖منهم وگطع الراس
من ضربتك➖خل يصرج السيف بجماجم
أنصب محكمه➖قاضي القضاة أنته وتحاكم
تحكم من تقاتل➖سيفك ما يجامل
💢🔷🔶💢🔷🔶💢🔷🔶💢🔷🔶💢🔷🔶💢
بِز عين الشمس➖وگطع كل نفس➖ومسح جبينك➖بالعلم يكافل
كض طرف اللوه➖خي يبوس الهوه➖ونكثه بيمينك➖تشرد الفصايل
صيف گلبك يصطلي➖سيف عندك من علي➖بيمينك يمغوار
سير➖لجروف النهر➖غير➖وگطع كل نحر➖لخيام زينب أندار
يابوالفضل➖عزل مضيف الدله والكرامه
ساعة حرب➖بالحومه سيفك يعلن أنتقامه
خطارك يسايل ➖سيفك ما يجامل
💢🔷🔶💢🔷🔶💢🔷🔶💢🔷🔶💢🔷🔶💢
گض سرج الفرس➖ولضهره ندس➖بيمينه سيفه➖وزينب تنضره
عالشگره أعتله➖ياهو إيزعله➖أيجيس أعله كيفه➖وجفيته خضره
شال➖جوده ورايته➖مال➖تعب مهرته➖عملاق الرجوله
خيل ➖گوه أعله الضهر➖أتشيل➖عباس الگمر➖ويتعب ذلوله
متنومسه➖ويه الگمر عاشت عمرها
متونسه➖من يعتلي الكافل ضهرها
من أحله الاصايل ➖سيفك ما يجامل
💢🔷🔶💢🔷🔶💢🔷🔶💢🔷🔶💢🔷🔶💢
صاح أتدللي➖يوديعه علي➖هاي العساكر➖إله أگصي بيهه
الخاطر نخوتج➖أوداعة شيلتج➖وخدر الحراير➖أكطع إديهه➖
صاح➖والجيش أنكسر➖راح يم شاطي النهر➖گطاع المناحر
وين➖ياناس المفر➖عين➖عباس الگمر➖صيادة عساكر
موت الزلم➖عجل عليهم والنهر سبيله
يم الخيم➖ضل باله عد خدر العقيله
أبمتنه الجربه شايل ➖سيفك ما يجامل
💢🔷🔶💢🔷🔶💢🔷🔶💢🔷🔶💢🔷🔶💢
عباس الاسم➖حيدر بالرسم➖وبذوالفقاره وهيبته ومشيته
أشر بصبعه➖طاحو أربعه➖قوه وجساره➖والحرب سجيته
صاح➖غرك چم شمر➖طاح➖من عدهم عشر➖ياسيفه ولمعته
ناس➖صعدت عالنخل➖جاس➖بيهه أبن الفحل➖ما ثنه أبطبرته
بالمعركه➖ما سل سيفه لا تعب يمينه
أيموت اليجي➖الشاف الگمر وتخزره عينه
ياحلو الشمايل ➖سيفك ما يجامل
💢🔷🔶💢🔷🔶💢🔷🔶💢🔷🔶💢🔷🔶💢
صوّل ورتجز➖وگص إيد البرز➖إيلوح يمنته--ويسطره أعله عينه
أشما فارس نزل➖وبالحومه أرتجل➖إينزل ركبته--إيكص راسه ويهينه
لاح➖عالشگره الگمر➖صاح➖جاوين المفر➖يولاد الدعيه
ماي➖تعطش عيلتي➖هاي➖مو من شيمتي➖عطشانه رقيه
إي والخدر➖إي والعشت عمري الأجلهه
جيوش الكفر➖إبسيفي إله أگطع نسلهه
جاوين المراجل ➖سيفك ما يجامل
💢🔷🔶💢🔷🔶💢🔷🔶💢🔷🔶💢🔷🔶💢
حسين باهض الحلفي
BY الشاعر حسين باهض الحلفي
Share with your friend now:
tgoop.com/wuhob/2419