tgoop.com/wuhob/2113
Last Update:
أنام إيفز نبض كلبي إذا يسمع تراتيل الفجر
أفزوقره عله جروحي ولاتهده بقرائين الصبر
أبمعاناتي أنتضر---كطع كلبي الهجر
@@@@@@@@@@@@@@@@
شفت دمعه اعله عينك--تعبر عن حنينك--بس جروح
تسامرنه سويه--وتصد عينك عليه--وين اروح
نبض كلبك اسمعه--أحس بي بويه ينعه--وجن ينوح
كسير أو وجهك اصفر--عجب لونك تغير--يالسموح
أحس بويه اليتم خيم عله عيوني كبل طرة الصبح
وأحس ينزل على راسك بعد سيف الغدر يترك جرح
فديتك بالعمر---كطع كلبي الهجر
@@@@@@@@@@@@@@@@
يسلطان الحرايب--يفراس الكتايب--كلبي مات
سهر ليلك كضيته--سحورك ما كليته--وكته فات
عله النجمه التلالي--تصد عينك يغالي--إبلا ثبات
مثل حال اليضيع--صرت جنك تودع--بالحياة
عله الباب اوكفت حاير رفض تطلع تعلك مأزرك
الأوز صاحن فرد صيحه أعرفت كصده يريد إيأخرك
يعرفن بالامر---كطع كلبي الهجر
@@@@@@@@@@@@@@@@
رحت والدنيه راحت--وراك جروحي صاحت--يالحنين
اكعدت عالباب اناطر--وبقيت ابهمي اكابر--والانين
أحط إيدي اعله ضلعي--وأصيح بجاري دمعي--انته وين
أبيتم حد ما تجيني--وصب وي دمعي عيني--وأبجي عين
أصب دمعي ونضر عيني عله فراكك ونزلهن سوه
يموت ابصدري ويعسر وحس تخنكني نسمات الهوه
أكرهت نسمه التمر---كطع كلبي الهجر
@@@@@@@@@@@@@@@@
أذآنك صوته أجاني--متت لاكن حياني--هالاذان
ترانيمك واذانك--تحسسني بحنانك--والأمان
تكبر وآنه اكبر--نغم صوتك يسير--بالحنان
إطمأن كلبي اعله صوتك--بعد عن فكري موتك--وضعي هان
برد كلبي وبكيت انطر اشوكت طولك يفك ريج الصبح
وكحل ناضري بشوفك وكر عيني ابضوه الوجه السمح
شوكت عيني تكر---كطع كلبي الهجر
@@@@@@@@@@@@@@@@
بعد مر الثواني--أسمعت لن صوت اجاني--بس غريب
أنطبر حيدر ينادي--أوهوه بسيف المرادي--ياعجيب
أنهدم ركن الهدايه--وكع سيد البرايه--أبدم خضيب
علي يتوجه بيده--كلف جرح الصميده--مايطيب
اطلعت اعثر وجر حيلي وتجرني النايبه وحيلي انهدم
أحس ابراسي سم سيفك نفس جرحك أحس نفس الألم
أحس سيف الغدر--كطع كلبي الهجر
@@@@@@@@@@@@@@@@
يمن يشهدله خيبر--يتجولك يحيدر--مدري ليش
يمن جفك يعادل--الف وكثر مقاتل--وحده جيش
يكفال اليتامه--اشعجب حمره العمامه--أمخضبه بيش
يريت الموت اجاني--ولاشوفك تعاني--أولا أعيش
يتجولك اخياني وجرح راسك كلف ماله دوه
تشيل أبخطوتك كوه وأحس حيلك يبعد أهلي التوه
كسر ما ينجبر--كطع كلبي الهجر
@@@@@@@@@@@@
حسين باهض الحلفي
BY الشاعر حسين باهض الحلفي
Share with your friend now:
tgoop.com/wuhob/2113