tgoop.com/wuhob/1251
Last Update:
أيخاويني دمع السهر➖بجاني ضلم الدهر
مات نصيبي➖شال حبيبي➖حبيب لا يجيب
🔸🔹➖🔸🔹➖🔸🔹➖🔸🔹➖🔸🔹➖🔸🔹
هرش گلبي أنكطع والفرگه تاذيني
يافگد أم حسن نار وتجويني
ألم صبري وأحن ومصابي يحنيني
كسرني الهم صفيت أمحدبه أسنيني
يلجمني حته الهوه➖راحت ليالي الضوه
شيب خذاني➖ أفراگ عماني➖ حبيب لا يجيب
🔸🔹➖🔸🔹➖🔸🔹➖🔸🔹➖🔸🔹➖🔸🔹
أنه أمبجي الشمس والدنيه تحت امري
تشابگني الثريه خلصت عمري
الخلائق كلهه طوعي وتنحني القدري
وهسه أمحدب أمشي ومنحني ضهري
بعيوني يجري الدمع➖بسمار خشبه وضلع
ناح دليلي➖ راح خليلي➖ حبيب لا يجيب
🔸🔹➖🔸🔹➖🔸🔹➖🔸🔹➖🔸🔹➖🔸🔹
أمد روحي أعله المغيسل وغسلهه
گبل ماي الغسل بدموعي أبللهه
يم حسين گعدي أرجوج أگللهه
ماينطيني گلبي إيديج أسبلهه
بيديهه چويه وجرح➖طگاگه لا تنفتح
نار جوتهه ➖جروح شفتهه ➖حبيب لا يجيب
🔸🔹➖🔸🔹➖🔸🔹➖🔸🔹➖🔸🔹➖🔸🔹
صحت بهداي صبي الماي يافضه
عله الزهره أبدليلي النار تتلضه
حبيبه عمري من تتأذه ما أرضى
تدرين أبعمر ضلع الطهر رضه
بين الرفس والعصر ➖ من عدهه كسرو صدر
حيل دفعها ➖صاح ضلعها ➖حبيب لا يجيب
🔸🔹➖🔸🔹➖🔸🔹➖🔸🔹➖🔸🔹➖🔸🔹
الزهره أشبيهه جفهه أتغطي بي خدهه
الميت يسبل إيده إبموته ويمدهه
صاحت فضه هيجي الزهره وسدهه
تره عين الزجيه السطر ماردهه
مارادتك تنكسر ➖بالزهره كسر وسطر
مال عليهه ➖باس أديهه➖ حبيب لا يجيب
🔸🔹➖🔸🔹➖🔸🔹➖🔸🔹➖🔸🔹➖🔸🔹
عجيب أشلون گلبي أنطاني أجفنهه
ميته الزهره بس والله استمع ونهه
شايلهه أعله صدري وحيل حاضنهه
أعاين بيهه وبجي شلون أدفنهه
مايرضى نبض الگلب ➖فوگاها أهيل الترب
آه مصابي➖ زاد عذابي ➖حبيب لا يجيب
🔸🔹➖🔸🔹➖🔸🔹➖🔸🔹➖🔸🔹➖🔸🔹
https://www.tgoop.com/joinchat-AAAAAEHJ4Wlk6W_fs_hgyQ
BY الشاعر حسين باهض الحلفي
Share with your friend now:
tgoop.com/wuhob/1251