tgoop.com/wsamkh/669
Last Update:
🔻زرعنا وحصدنا🔻
خير امن الحسين النوح .. هالسنه نعمه المحصول
تمطر مجالسنا ادمــــوع .. وذوله يعزبـــون لـذول
ـــــــــــــــــــــــــــــــــــــــــــــــ
حصدنا وزرعنا ونـــزل خيرك علينــــــه
تعبنا ولطمنا وعلـــى دربك مشينــــــــه
كرامه الخدامه التعب چفـــك يعينـــــه
عجيبه و غريبه عطش كل شي وروينه
فلاح دمعاتك صـــــــار .. عن النجم شمرة كـــون
نحرك كتب فوگ الگاع .. طيبني صوت اليبچون
ـــــــــــــــــــــــــــــــــــــــــــــــ
نشوفه ونطوفه حضـورك بالمجــــالس
حدادك سوادك مثل لـــون النــــــوارس
حنينك يقينك على الخـــــدام حــارس
اليخدمك يهمك تحسبه احساب عابس
يحله العزا العطرك بيه ..بالمستهل شمينـــــــاه
ماحاچي كلمه الرادود .. والمجلس يصيح الله
ـــــــــــــــــــــــــــــــــــــــــــــــ
يسافر يهاجر اذا نـــــــاوي محــــــرم
يلمنه ويطشنه دمع فوگ المخيــــــم
النواضر تناطر تريد اتصــــب الك دم
النوايا سبايا مثل خدر التهــــــــــــدم
رايح محرم شبســــــاع .. خافن شفت بينا اقصور
شوية وبچي عدنا هواي ..شيصير لو عشر اشهور
ـــــــــــــــــــــــــــــــــــــــــــــــ
النوايب مواكب رسمهن چف عضيدك
النوايح صوايح اصلهن من وريـــــدك
خضابك جوابك حنين بطــــور شيبك
هضمنه وذبحنه يمحبس خنصر ايدك
سولفنه وياك بطـور .. يطفي خيم محترگات
وسوالفك بيهن ماي .. ما وصــــل للمسبيات
ـــــــــــــــــــــــــــــــــــــــــــــــ
نكلمك نفهمك ولا نحتـــــــتاج اشاره
عبرتك دمعتك على ايمينــه ويـساره
لحگته وشبگته وشفت دمه ايتجاره
الكفلهه اشتگلهه اذا رادت اخـــــباره
هسه انت ضهرك مكسور ..الله اليعينك مـــولاي
كلهه تنادي بـــــلا صوت ..خل يرد ويعوف الماي
ـــــــــــــــــــــــــــــــــــــــــــــــ
عهدنا و وعدنا فلا لحضــــــــه تغير
اليضدنه عرفنه جنـــودك يابو الاكبـر
ضياغم صوارم الدهر بينه تحيـــــر
الهوية القضية مناحر تفدي منحـــر
يحلم الگال ايتعبون .. وينسون طاري المذبوح
بأول شطر جاوبناه .. خير امن الحسيـن النوح
ـــــــــــــــــــــــــــــــــــــــــــــــ
لخادمكم الشاعر وسام الغراوي
BY الشاعر الحسيني وسام خيون الغراوي
Share with your friend now:
tgoop.com/wsamkh/669