tgoop.com/wnetips/3005
Last Update:
- معاك ربع ساعة فاضية دلوقت؟ أه!! طب ما تمارس فيها إنجلش وإتكلم..
- هتكلم مع نفسي يعني؟
- آه بالظبط.. عن طريق JAM: Just A Minute هتتكلم و تطور كلماتك ونطقك كمان لوحدك...
- إزاي؟
- افتح التسجيل في تليفونك و قف قدامك المرايا.. ابدأ إتكلم في أي موضوع (بدون تحضير) صحابك.. مشكلة مريت بيها.. عملت اي النهاردا.. خططك لبكرا.. أي حاجة.. لمدة دقيقة واحدة بس.. المهم متعدش الكلام و متسكتش كتير..
- وبعد كدا؟
#englishtips #AhmedNasser
- خلصت الدقيقة؟ اكيد كنت عاوز تقول اكتر من كلمة و تعبير ف النص ومخك واقف مش جايبهم.. روح دور عليهم google them و اكتبهم في نوت بوك الإنجلش بتاعتك.. و اكتب عليهم جمل و اسمع نطقهم... وأديك زودت حصيلتك
- وبعد كدا؟
- إسمع نفسك بقا و شوف النطق وراجع الكلمات اللي شاكك فيها ع قاموس.. و حاول تشوف هل الجرامر كان مظبوط ولا لأ.. خلصت؟ إرجع سجل لنفسك تاني و حاول تستخدم الكلمات اللي لسا مذاكرها.. خلصت؟ إعملها تالت وكل مرة هتكون أحسن...
إعمل الموضوع دا كل يوم.. كل ساعتين تلاتة.. و انت في المواصلات.. وانت بتاكل.. وانت بتاخد دش (مش شرط تسجل لنفسك كل مرة)
مش قادر تاخد كورس دلوقت.. مش مشكلة.. المشكلة بجد إنك متبدأش تشتغل علي نفسك...
مفيش وقت والإنجلش مبقاش رفاهية.. دوس وإسعي وربنا هيوفقك بإذنه.. وأنا معاك سواء من طلابنا ولا لأ في أي وقت تحتاجنا 💙
أحمد ناصر English Tips - Ahmed Nasser
Ahmed Bin Nasser
#متخليش_ألـenglish_يوقّفك
🌿 دي قناتنا ع تليجرام
https://www.tgoop.com/wnetips
🌿 نسيت اقولك إنه الافلام خاصة animation لها دور كبير اووووي في تحسين حصيلتك
و تآني الفيديو دا فيه زتونة ال speaking
https://fb.watch/gwYofTsHNi/
أما لو بتحب القراءة فأبدأ ب comic books و هتلاقيها ع قناتنا ب تليجرام
و لو إنت من النوع إللي مش بيعرف يذاكر لوحده يبقا محتاج تاخد كورس ينظملك الدنيا آكتر و بتابعك.. و لو عاوز تعرف تفاصيل كورساتنا ابعتلنا 🌿💙
BY English Tips - Ahmed Nasser
Share with your friend now:
tgoop.com/wnetips/3005