tgoop.com/voi34/3495
Last Update:
حايحبوك بعدي الهلبا , حاترتاح معاهم , حاتعيش الحلو والمر وتقدر علي غيابي .. حاتقدر تتخطى ومرات حتى نكون على بالك وماتهتمش لأمري , حاتسمع إسمي من بينهم مش حاتسرح وتذكر التفاصيل والسنين اللي راهنت فيها الدنيا حتى نخليك مستريح .. مش حاتهمك الحياة اللي عايشتها , ومش حاتهتم للكلام اللي كل ليلة يخطر عليك .. مش حاتضايق لما يفوتوا عليك تورايخ كنا عايشين لذة تفاصيلهم ومراهنين الكل عايشين .. مدفونين في القلب , بعد وقت ..
حاتمشي وحاتبهت وحاتكون ليهم , حاتضايق وحاتبكي حاتتغير هلبا .. " كيف حالك "
أخترت نقولهالك , كلمة مستاحشة تمنيت نسمعهالك , كلمة ماتنسانيش تمنيت نعاودهالك" مرة وأثنين وثلاثة " .. تمنيت مانسامحكش وعلى الوعد مانعاتبكش .. تمنيت على فعل نخليلك عقاب ومواقف ماتشفعلكش .. القلب لما يحب مش حاينسى .. مش حايمشي .. مش حايتغير ..
في اللحظات والأيام والليالي خاطر وقاعد فيا .. بالرغم من كل شيء .. أنا قاعدة زي ما أني اللي كانت معاك .
BY الأنوار .
Share with your friend now:
tgoop.com/voi34/3495