tgoop.com/uriysleptsov/3090
Last Update:
Бүгүн – Россияҕа урбаанньыт күнэ
Бэйэ дьыалатын тэринэн, тыа хаһаайыстыбатын, атыы-эргиэн, туризм эйгэтигэр дьоҥҥо-сэргэҕэ табыгастаах өҥөнү оҥорон үлэ үөһүгэр сылдьар үтүө-үлэһит дьоммутун, улууспут урбаанньыттарын, бүгүҥҥү идэлээх бырааһынньыккытынан итиитик-истиҥник эҕэрдэлиибин!
Бу судургута суох салааҕа үлэлиир-хамныыр, улууспут бюджетын хаҥатыыга үгүс урбаанньыт кылаатын киллэрэр, дьоһун соруктары быһаарарга көмөлөһөр. Улууһу табаарынан уонна араас өҥөнөн хааччыйаллар, общественнай уонна аһымал бырайыактарга көхтөөхтүк кытталлар, саҥа үлэ миэстэтин таһаараллар.
Эһиги дьиҥнээх суолталаах уонна эппиэттээх үлэҕитинэн дьарыктанаҕыт, экономическай кыахтары кэҥэтиигэ уонна социальнай туруктаах буолууну хааччыйыыга, улуус нэһилиэнньэтин олоҕун таһымын үрдэтиигэ дьоһун кылааты киллэрэҕит. Түгэнинэн туһанан, эһиэхэ күн аайы бигэ дохуоттаах буоларгытыгар, саҥа саҕалааһыннаргыт барыстаах буолалларыгар баҕарабын. Эһиэхэ туруктаах сайдыыны уонна туруктаах буолууну, саамай хорсун идеялары уонна үп-харчы этэҥҥэ буолуутун баҕарабын!
https://www.tgoop.com/uriysleptsov
BY Юрий Слепцов. Главные новости Намского улуса
Share with your friend now:
tgoop.com/uriysleptsov/3090