tgoop.com/um_ali313/20627
Last Update:
السلام عليكم
اليوم لكيت فديو منتشر لملا هية ومطرب منزله اغنية ولكيت التعليقات كلها كاتبه جا والحسين جا وزينب جا والعباس بقيت افكر اكول ليش هيج وصل الحال إلى ان اذكرت الله ذاكر بالقرآن شلون الإنسان بأيدة يطلع من ملة محمد ص
اكو آية بالقرآن بسورة البقرة تقول:
بسم الله الرحمن الرحيم( الله ولي الذين آمنوا يخرجهم من الظلمات إلى النور
👇
والذين كفروا أولياؤهم الطاغوت يخرجونهم من النور إلى الظلمات )
شلون تعرف انت مطرود وانت ممسوخ
من سوء العاقبة / خو احنه كلنه مقصرين مذنبين مو معصومين لكن نحاول قدر الإمكان نلزم جادة الطريق .
يعني شاهدنا ملالي الطشه
اول مابدأ طريق انحرافهن من الخط الحسيني بدأ بنشر الأصوات
بعدين صور بعدين نزلن قصائد مع رواديد بعدين كامن ينشرن مجالسهن بعدين كامو يدكون اصواتهن بالمواكب بعدين كامو يدكون اصواتهن بالملاهي
إلى ان وصل الحل ...
ملا تنزل اغنية مع مطرب وتكول اني ملا ؟؟؟!!!!!!! طبعاً والي ينتقدهن لأجل الحسين ع يكولن غيره وحسد نعمة وتنتقدونه وهذا دليل نجاحنا يا نجاح هذا ؟؟؟؟ يا غيرة يا حسد !!!!
المثلجن ينبجي عليهن مو ينحسدن
الشيوخ الساده العلماء الدنيا كلها تحجي وتنصح وماجابت نتيجة فالويل الويل من رد (آل محمد ص) راح يكون عسير
ولو برأيي بعد ماكو أسوء من هيج رد انو تصيرن مهزلة لأمة محمد ص
لكن بالفعل ان لم تستحي فأفعل ماشئت
ساعد الله قلب صاحب الزمان عج
#مريم_الصدر
BY الشاعرة والمله ام علي الإماره
Share with your friend now:
tgoop.com/um_ali313/20627