tgoop.com/um_ali313/20444
Last Update:
قصيده للحسين عليه السلام
من ديوان #مواجع_الطف_الجزء_الأول
(توجعني الطفوف)
توجعني الطفوف وكل نواحيها
امن اذكر خال ويلادي انذبح بيها
الظل عاري عله الغبره
الخيل الرضرضن صدره
توجعني الطفوف وكل نواحيها
•───✧◐◐◐✧───•
توجعني الطفوف وحيل اذتني
بيها تذبحو كلهم خوال ابنـي
وراس حسين فوك ارماح عذبني
اصد لنور وجهه وكلبي يوجعني
راسه ابحضني احطنه
بعباتي اليوم الفنه
شفافه مفطره وتراب غاطيها
توجعني الطفوف وكل نواحيها
•───✧◐◐◐✧───•
مواجع كربله ماتنسي كثـره
شفت خيولهم يم الولي عشره
هدن فرد هده ورضرضن صدره
ريت وياي حظرت امي الزهره
تشوف اوليدها اشلونه
الدم يابس عله عيونه
هذا عزيزها اعله الغبره تاليها
توجعني الطفوف وكل نواحيها
•───✧◐◐◐✧───•
الأكثر والأشد من سلبو اهدومـه
وظل مطروح اخيي بوسطة الحومه
وبس عظام صارت چثته ملمومه
وطحنوهن طحن بالخيل ياكومه
بكعب الخيل داسوهن
ضلوعه مايلـموهن
وسجاد اعله ابوه العين عاميها
توجعني الطفوف وكل نواحيها
•───✧◐◐◐✧───•
اخيي يالأعـز عندي من اولادي
خليته طريح بصحرة الوادي
وراسه وياي بيده ماخذه الحادي
كلسه يدير وجهه وينظر شسادي
طول الدرب ويانه
مخلينه على الزانـه
ومن تبچي اليتامه ينظر اعليها
توجعني الطفوف وكل نواحيها
•───✧◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
https://www.tgoop.com/um_ali313
BY الشاعرة والمله ام علي الإماره
Share with your friend now:
tgoop.com/um_ali313/20444