tgoop.com/um1966ahmed/1611
Last Update:
بسم الله الرحمن الرحيم
قصيده لام البنين عليه السلام
وزن الفائزي
((أنين الغربه))
أم البنين الطاهره جتهه المنيه
رادت وداع الاربعه ابهاي المسيه
☆☆☆☆☆☆☆☆☆☆
رادت ولدها الاربعه وياهم حسين
يمها ينشفون الدمع سايل من العين
هاي الجليله الطاهره ضحت بالبنين
ماظل ولد يحمل جنازتهه الوفيه
☆☆☆☆☆☆☆☆☆
أتمنت يحظرون الولد يمهه الحنينه
أبشوفتهم أتغمض جفن تغفه الحزينه
كاتلهه فركاهم كلبها أجهر ونينه
ظلو ضحايه كل كتر بالغاضريه
☆☆☆☆☆☆☆☆☆
اتمنت يجوها للنعش همه اليشيلون
تنظر على طول الدرب وتخيب الظنون
محرومه شوفتهم ولا هادت هالعيون
كطعت الظنه وايست منهم الجيه
☆☆☆☆☆☆☆☆
رسمت معاني وعاطفه بين الاخوه
صبت بحور العاطفه وعباس رّوّه
وصت كمرها لختك انته تصير تجوه
كونك توافي يالبطل لأبن الزجيه
☆☆☆☆☆☆☆☆☆☆☆
توصي ييمه لأبن ابوك أفديله لزنود
افديله يوليدي النظر ياراعي الجود
اوزينب ييمه لا تخلي دمعه بخدود
بعدك ييمه تشبع اهموم وأذيه
☆☆☆☆☆☆☆☆☆
ماراحم اوياها الدهر ماخله البدور
ماتت كلبهه منهظم نيرانه مجمور
مثل الزجيه لاصحن لاكبه لا سور
اهل الدمع لام الوفه وأنصب العزيه
☆☆☆☆☆☆☆☆
تمت بعون الله تعالى✍خادمة الزهراء عليها السلام
ام اسعد الشمريhttps://www.tgoop.com/um1966ahmed
BY آهات الطفوف للشاعره ام اسعد
Share with your friend now:
tgoop.com/um1966ahmed/1611