قلوبنا ماهي بـحي الله .. قلوب
‏قلوبنا إن عافت مشكلتها مشكله .

ولا لي بالبشر غاية .. ولا لي بالثرى أوتاد
‏خفوقي حُر وأتبع ما يعزّ النفس و أرضيها .

يقول خالد عبدالرحمن :
لا تهملني بمزاجك و ترجع لي بمزاج
‏ أنا لا عفت وصلك ترى ما أعجبك .

القلوب ان ماوفت لـ احبابها ماهي قلوب
‏ و العشره اللي ماترد الروح مانسعى لها

يا كثر ما نعطي .. ولا ننتظر رد
‏وننسى عطايانا .. ليا من عطينا

‏قلوبنا ما تعرف الحقد والصد
‏ونطيب فـاللي .. ما يطيبون فينا

‏ونحبّ لكن فـالمحبه.. لنا حد !
‏لا وصلّت حدّ الكرامة .. مشينا

‏وان ضاقت الأيام .. نوقف لها ند
‏نضحك لها من قبل تضحك علينا

من نوى صدّي .. فـ أنا جمرة غضى
‏ومن نوى وصلي .. فـ أنا مايٍ زلال

‏" يجهلني القاع .. ما تجهلني القمه "

صغار الجمايل في عيون الكبار .. كبار
‏وكبار الجمايل في الرديّين .. مجحوده

‏ياليتها لاتهاوت "صَادق"ظنوُنـي
‏مـاتجرف اللي عليه الظن والقيمة .

‏من شاف طلّتها ليا استسلم النور
‏ من يقنعه .. بـ ان القمر فالمجرّه ؟

‏"على شانك رفيقي يا رفيقي ما عليّ خلاف
‏تعاندني الليالي و ألمحك جنبي وأعاندها"

‏" ذكرتك ؟ من متى عني فزع لك طاري النسيان
‏ نسيتك ؟ لا وربّ اللي خلق سبعٍ . . بـ أراضيها "

من وصايا خلف بن هذال :
‏أحذر عدوك دبّة العمر .. مره
‏وأخذ الحذر من " صاحبك عشر مرات ".

‏" شيٍ تخافه من عقوبه و تنكيل
‏وشيٍ تعافه من كرامه و شيمه "

ياما خسرت أحلام عُمر وأماني
‏لكن ولا جرّبت طعم الهزيمه

‏أنا الزمان اللي يعيشه زماني
‏وأنا الجديد وكل فرصه قديمه

‏وأنا المكان اللي يناسب مكاني
‏وأنا الطموح وكل منّوه عظيمه.

يقول سفر الدغيلبي :
‏رميت الهقاوي في رحابك ورحت وجيت
‏ وضيّعت معك سنين من زهرة سنيني .

حب خشم الليالي السود والنايبات
‏يوم عرّت وجيه .. وطوّحت بأقنعه

أحسب إن الغلا يمحى بكثر الشدّ و الترحال
‏و أثر لك في وسط صدري حنينٍ يلغي دروبي