نعــرف نحل حبـالها لا تلـــوت
‏ونقودها قود الرسن للعسايف

‏" حييت يا ساعي الذِّكرى ، عليك السلام
‏لا انفضّ سمّار ليلي طاب معك السَمَر "

‏تربينا على العفّه ولا نقرب المنقود
‏ونملك نفوسٍ ماتربت على الذّله.

‏على انّه عندي لكرهك كثير أسباب مدري ليه
‏تخيرت أني أحبّك ولا ادري وش هي أسبابي ؟

تخايلتك مثل برقٍ رفيفه يرهب السارين
‏ تحدرتك مثل قلبٍ ، غرق في غبة جراحه "

‏"أما تجي صافي مثل ما عَهدناك
‏ولا الجفى دربه وسِيع . . وتِدلّه"
‏- ختام الكلام .

‏"لو إنه ما بقى عندي بهالدنيا يا كود أهواك
‏لا أقول إني خذيت اللي خذيت ولا بقى باقي"

بيني وبين المقام السهل حالة نفور
‏أدوّر الحاجة اللي تستحـق جْهَدي

أنا الله خلقني سوات السيف ابو حدين
‏صديقٍ للصدوق وعلةٍ للي يعاديني .

فارقه عن جميع الناس و الفرق كايد
‏مثل فرق النجوم الباقيه .. و الثريـّا

‏" أقدّر من يقدّرني ويلقاني مثل ما ألقاه
‏وأجلّس كل نفسٍ فالمكان اللي يناسبها ".

‏" أنا العميق البسيط اللي يثير الجدل
‏ و أنا الكتوم الذهين اللي على نيتي "

‏"كلّما يمّمت وجهك قبلة النور ومشيت
‏قالت الأرض وأهلها والله اللي مرحبا "

‏" هي مرّة وحدة تمر المحبّة بمثلي "
‏- كما يقول نايف صقر .

‏انا الله خلقني ما اقبل الذّل والتهميش
لو اخسر طموح العمُر واغلب علاقاتي.

مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لا تقرب اللي يجيك الشك من صوبها