Выблядкі знішчылі прыгожы гістарычны будынак па Віленскай вуліцы, 37 у гістарычным цэнтры Гродна і пабудавалі на яго месцы чумадан без архітэктуры і густу, інтэр'еры якога ўвабралі ўсе штампы з Пінтэрэста. Хіба толькі ландшафтны дызайнер не філоніў на праекце. Расійскія турысты будуць у захапленні!

І беспрынцыпны Анлайнер, як і раней, кінуўся вылізваць лахматыя месцы «прыгожым і паспяховым» уладальнікам The Cult, нармалізуючы тое, што яны зрабілі, замест таго, каб аддаць іх астракізму і бічаванню. Рэдакцыйная палітыка — ніякай крытыкі нават у бок самых адмарожаных забудоўшчыкаў, бо іначай тыя не прыйдуць да іх з рэкламай і калабарацыямі. Грошы не пахнуць, але хіба можна гэта назваць журналістыкай? Хутчэй ганьбай.

У твітары прыдумалі метад як вылічыць «тожабеларусаў», якім насраць на ўсе маральныя і нацыянальныя аспекты за выключэннем уласнага ўзбагачэння і камфорту — паглядзець як чалавек запісвае сваё імя лацінкай. Калі беларускае напісанне, якое ў большасці нават у пашпарце прапісанае, выпраўляецца на рускае ці польскае, то значыць перад вамі «тожабеларус». Працуе бездакорна. Вось і ўласніца The Cult Ірына Званко валодае брэндам Zvonkomadewithlove. Розніца ў адну літару і ментальная прорва са свядомымі беларусамі.

#Гродна #гістарычнаязабудова #знішчэнне #дэградацыя
https://realt.onliner.by/2025/04/10/the-cult

Літоўскі паэт і перакладчык, прафесар Ельскага ўніверсітэта і адзін з самых вядомых інтэлектуалаў Літвы Томас Вянцлава выказаўся ў гутарцы з LRT супраць зняцця мемарыяльных дошак некаторым дзеячам расійскай культуры ў Вільні, у тым ліку акцёру Васілю Качалаву, які паходзіць з віленскіх беларусаў.

Асуджаючы зняцце дошкі ў гонар Дастаеўскага, Вянцлава таксама нагадаў, што раней была знята шыльда з дома, дзе нарадзіўся адзін з вядучых артыстаў МХТ і вучань Станіслаўскага.

«Па-мойму, гэта таксама памылка. Качалаў ніяк не датычны да злачынстваў савецкай улады ці Расійскай імперыі. Гэта проста буйны, сусветна прызнаны акцёр. І тое, што ён нарадзіўся ў Вільні, робіць нам толькі гонар», — адзначыў ён.

Нагадаем, што сапраўднае прозвішча Васіля Іванавіча Качалава — Шверу­бо­ві­ч. Ён нарадзіўся ў Вільні ў сям’і беларускага праваслаўнага святара мясцовай Мі­ко­льс­кай цар­квы Івана Шверу­бо­ві­ча, на­шчад­ка ста­ро­га шля­хец­ка­га ро­ду.

Навучаўся ў 1-й Ві­лен­скай гім­на­зіі раз­ам з будучым беларуска-літоўскім кампазітарам Кан­стан­ці­нам Гал­коў­скім і рэвалюцыянерам Фе­лік­сам Дзяр­жын­скім. Як адзна­ча­юць кры­ні­цы, ажно да пе­ра­езду ў Пі­цер ён раз­маў­ляў па-рус­ку з вы­раз­ным бела­рус­кім акцэн­там.

Расійскі пісьменнік і нобелеўскі лаўрэат Іван Бу­нін у «Чыс­тым панядзелку», вы­праў­ля­ючы ге­ро­яў апо­ве­ду на «ка­пус­нік» у МХТ і су­ты­ка­ючы іх з зор­кай — Ка­ча­ла­вым, маляваў артыста з «пасмай ягоных беларускіх валасоў», якія звісалі на лоб.

Імем беларуса названа віленская гімназія, а на доме ў Вільні па Вялікай вуліцы, 14 (Didžioji gatvė, 14), побач з Мікольскай царквой, дзе ён правёў свае дзіцячыя гады, за савецкім часам была ўстаноўлена мармуровая памятная шыльда з надпісамі па-літоўску і па-руску.

Літоўская Камісія гістарычнай памяці Вільні «пасля ацэнкі дзейнасці асоб, якім яны былі прысвечаны ў савецкі час» ў ліпені 2023 года прапанавала цалкам прыбраць шыльду Васілю Качалаву.

Гэтая навіна была праігнаравана беларускім грамадствам, таму што беларусы нават не ведаюць пра існаванне гэтага свайго славутага земляка.

Шыльда размешчана ў цяжкадаступным месцы, з двара, уваход у які абмежаны зачыненымі на замок металічнымі веснічкамі. Але ў прасвет паміж домам № 14 і Мікольскай царквой можна заўважыць, што шыльда пакуль яшчэ вісіць на сцяне дома.

#Вільня #Вялікая #беларусы #помнікі

Пра развод лахоў

Калісьці ў 1990-2000-я гады беларусаў з «найлепшай савецкай адукацыяй» як лахоў разводзілі дзве махлярскія арганізацыі — Амерыканскі біяграфічны інстытут і Міжнародны біяграфічны цэнтр. Наіўныя акадэмікі і заслужаныя дзеячы верылі, што іх хочуць прызначыць «Людзьмі года» і ўключыць у адмысловыя даведнікі. Але спачатку трэба заплаціць грошыкі гэтым арганізацыям. Трэба прызнаць, што абедзьве арганізацыі спраўна гэтыя стосы імёнаў публікавалі, але гэта літаральна «папяровыя медалі».

Зато які гонар для людзей — амерыканцы прызналі! Вы не паверыце, але дагэтуль у афіцыйных біяграфіях нашых дактароў і акадэмікаў фігуруюць гэтыя фэйкавыя тытулы. Яны за столькі гадоў нават не здагадаліся пра тое, што іх развялі на грошы!

І вось з той жа оперы большасць архітэктурных узнагарод, якія беларускія праекціроўшчыкі атрымліваюць за мяжой.

Праект грамадскага будынка па Вялікай Траецкай вуліцы, 25 у цэнтры Гродна атрымаў залатую ўзнагароду Arch Design Award 2025 у намінацыі архітэктурнага дызайну.

Гучыць дорага, багата і прэстыжна! Заходзім на сайт ўзнагароды ў раздзел пераможцаў 2025 года:
134 праекты, якія атрымалі золата
115 праектаў, якія атрымалі срэбра
41 праект, які атрымаў бронзу!

Як гэта працуе? Каб падаць заяўку, трэба прайсці рэгістрацыю. Абмінуць гэта немагчыма, бо ў час рэгістрацыі вы атрымліваеце ARCH-ID, без якога немагчыма даслаць свой праект. І вось у час рэгістрацыі вы фактычна плаціце за сваё золата, срэбра ці бронзу.

Ранняя рэгістрацыя з чэрвеня па кастрынік каштуе 200 еўра, стандартная - з кастрычніка па студзень каштуе 300 еўра, позняя - са студзеня па люты - каштуе 400 еўра, і апошняя - з лютага па сакавік - 500 еўра. Падазраю, што чым больш грошай заплаціш, тым вышэйшае месца атрымае ваш праект. Непрызавых месцаў у гэтай гульні не бывае, бо іначай удзельнікі могуць спытаць кантору, а на што пайшлі іхнія грошы.

Сімвалічна, што ўзнагроду прысуджаюць 1 красавіка — ў міжнародны дзень дурняў.

Для праектнай арганізацыі гэтыя грошы капейкі, а пасля можна будзе прачытаць пра сваю «заслужаную» ўзнагароду ў мясцовай раёнцы і пазначыць на сайце, атрымаць прэстыж і павагу! Але мы будзем ведаць, што гэта фуфел за грошы.

Ніколі не сумняваўся, што гарадзенцы ўмеюць зарабляць грошы. Аддзел маркетынгу «Інтэлсток Інжынірынгу» спрацаваў выдатна!

#Гродна

https://vgr.by/2025/04/10/proekt-zdaniya-v-czentre-grodno-poluchil-zolotuyu-nagradu-v-arhitekture/

У выніку ўдару па гістарычным цэнтры Сумаў моцна пашкоджаны афіцыйны помнік архітэктуры Украіны, будынак акруговага суда, які быў пабудаваны ў 1914 — 1917 гг. (Петрапаўлаўская, 57) і ў якім цяпер размяшчаецца Навучальна-навуковы інстытут бізнес-тэхналогій СумДУ. У квартале на скрыжаванні Петрапаўлаўскай і Акадэмічнай вуліцы знаходзяцца толькі жылыя дамы, культурныя і адукацыйныя ўстановы і гістарычныя помнікі, як сядзіба Суханавых-Сумоўскіх 1895 года пабудовы (на трэцім здымку за згарэлым аўтобусам) насупаць будынка былога акруговага суда.

#Сумы #вайна

Праект Геафізічнай абсерваторыі каля Мінска (цяпер у раёне станцыі метро «Маскоўская»), распрацаваны Іванам Валадзько ў 1929 годзе. Як бачна, комплексу там не ўтварылася, замест паўцыркульнага ў плане будынка пабудавалі больш просты.

З фондаў БДАНТД

#праекты #Мінск #савецкаяспадчына