tgoop.com/soliqnews/15677
Last Update:
#EHF #QQS
Elektron hisobvaraq-fakturalarni oʻz vaqtida toʻldirish shart
EHF tovarlar joʻnatilgan (topshirilgan) yoki xizmatlar koʻrsatilgan kalendar sanada rasmiylashtirilishi shart.
👉 VMQ-489-son 14.08.2020
Quyidagilar realizatsiya qilinganda EHF kalendar oyining oxirgi kuni bilan bir marta rasmiylashtiriladi va shu oy davomida yetkazib berilgan tovarlar (ko‘rsatilgan xizmatlar)ning umumiy hajmi uchun keyingi oyning 10-kuniga qadar taqdim etiladi:
⚡️elektr energiyasi, shuningdek, ijara (foydalanish)ga berilgan obyektlar bo‘yicha elektr energiya xarajatlarini qoplab berish;
☀️issiqlik energiyasi, jumladan, isitish xizmatlari hamda isitishga bog‘liq xarajatlarni qoplab berish;
💦suv, shu bilan birga sovuq va issiq suv, ijara (foydalanish)ga berilgan obyektlar bo‘yicha suv ta’minoti xarajatlarini qoplab berish;
🔥gaz, jumladan, tabiiy gaz, gaz ta’minoti xizmatlari, shuningdek ijara (foydalanish)ga berilgan obyektlar bo‘yicha ushbu xizmatlar uchun xarajatlarni qoplab berish;
🏠kommunal, xususan, chiqindilarni tashish, kanalizatsiya, ko‘p kvartirali turar va noturar obyektlarni saqlash xizmatlari hamda ular bo’yicha qilingan xarajatlarni qoplab berish;
📞 aloqa xizmatlari, jumladan, simli va simsiz telekommunikatsiya sohasidagi operatorlar xizmatlari, internet tarmog'idagi simli va simsiz telekommunikatsiya xizmatlari, shahar telefon aloqa xizmatlari, kabel orqali iste'molchilar orasida dasturlarni tarqatish, mobil aloqa va shu kabi boshqa xizmatlar;
🚉temir yoʻlda tashish - temir yo'lda yo'lovchi va yuklarni tashish;
🚚transport-ekspeditorlik xizmatlari;
🏗quvurlar tizimi orqali yuklarni tashishga doir xizmatlar.
👉Bunda qaysi MXIKlardan foydalaniladi?
📈 Agar realizatsiya qilingan mahsulot qiymati o‘zgarsa...
Qonunchilikka muvofiq, realizatsiya qilinayotgan tovarlar qiymati yoki miqdori oʻzgarganda qoʻshimcha yoki tuzatilgan EHF taqdim etish mumkin.
Shu bilan birga, ilgari taqdim etgan soliq hisobotida hisoblab chiqarilgan soliq summasi oʻzgarganda soliq hisobotiga zarur tuzatishlar kiritilishi va aniqlashtirilgan hisobot taqdim etilishi shart.
❗️Soliq toʻlovchilarga qonunchilik talablariga rioya qilgan holda soliq hisobotlarini to‘g‘ri yuritish tavsiya etiladi. Aks holda qonunchilik hujjatlariga asosan belgilangan tartibda javobgarlik choralari ko‘rilishini eslatib oʻtamiz.
💯EHFlarni belgilangan muddatlarda rasmiylashtirganlik uchun tadbirkorlik subyektlariga barqarorlik reytingida 10 ball beriladi.
Тelegram |Facebook |Youtube| Instagram |X| Threads
BY Soliq xizmati xabarlari - Rasmiy kanal
Share with your friend now:
tgoop.com/soliqnews/15677