tgoop.com/sleepstory/31396
Last Update:
«اليقين في الإجابة»
كنت جايبه لبنتي حلق من فترة، كنت بحب شكلها فيه جدا..
فردة من الحلق ضاعت ودورت عليها كتير وأنا بردد الدعاء المعتاد " اللهم يا جامع الناس ليوم لا ريب فيه اجمع بيني وبين ضالتي "
المهم إني بردو ملقتوش ونسيتو خلاص..
يقوم يحصل موقف غريب، بل من أغرب المواقف اللي حصلت معايا في حياتي على الإطلاق...
وهو أن سلفتي كانت مربية بط، باعت جزء منو... كام بطه ودبحت لبيتها اللي دبحتوا واتبقي بطتين بالضبط وكانت المفروض بردوا رايحه تبيعهم وهيا في طريقها قالت تقترح عليا لو أنا عاوزة..
المهم انو مكنش على بالي أصلا وأخدت وحدة وخلاص...ثم أتفاجأ وأنا بنظفها إن حلق بنتي اللي ضايع في حويصلة البطة اللي أنا أخدتها تحديدا..
اللي ربنا أراد أنها تكون من نصيبي أنا...
بقيت أبص للحلق وانا بضحك باستغراب واندهاش ومشاعر مش قادرة أحددها ومفيش على لساني غير " سبحان الله العظيم"...
الحقيقة أنا عمري ما دعيت الدعاء ده وأنا جوايا ذرة شك اني مش هلاقي حاجتي اللي ضايعه مني...
دايما بدعيه وأنا كلي يقين إني كده كده هلاقيها...
وقتها بس زاد إيماني وتصديقي بإن اليقين في الدعاء = حتمية الإجابة
مهما بلغت بساطة أو عظمة الشئ اللي بتطلبوه اطلبوه وإنتو موقنين بالإجابة
" وما ذلك على الله بعزيز "
﴿حَتَّى إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَنْ نَشَاءُ وَلَا يُرَدُّ بَأْسُنَا عَنِ الْقَوْمِ الْمُجْرِمِينَ﴾
بعد أشدّ الأوقاتِ ظُلمة يبزغُ الفجر، وحينَ تشتد الكربات يقتربُ الفرج، وحينَ يتملكُ النفوس اليأس من شدة العسر يَمُنّ اللهُ على المؤمنين بالنصر.
🤲🏻 اللهم ثبت إخواننا في سوريا وأيدهم بنصرك ومُن علي إخواننا في فلسطين بالنصر والفرج
BY قصة ما قبل النوم 💙
Share with your friend now:
tgoop.com/sleepstory/31396