tgoop.com/sirsir888/10617
Last Update:
لو فتشنا عن الاسباب الحقيقية البيخلي الناس تقتنع بكلام ما دون غيره اعتقد هتتفاجئ الناس ممكن تقتنع بكلام لمجرد انه اتقال بشكل كويس ، او اتقال من شخص عنده شعبية حتى لو اسباب الشعبية بعيدة عن موضوع الكلام، زي انو راجل طيب وبيعمل اعمال خير فالناس تقتنع بكلامه في الطب او السياسة مثلا
لو في حادث عربية بين اتنين نسوان واحدة محجبة ولبسها طويل والتانية لبسها قصير وخاته ميك اب كتير الناس هتصدق رواية المحجبة مهما كانت غير مقنعة، لو راجل فقير اشتكى من راجل غني فالراجل الغني حتمًا غلطان وظالم وابن كلب من قبل ما تعرف الحصل شنو اصلاً .
لكن مافي سبب يقنع الناس ويكتسح كل ما سبق من اسباب قد انك تقول اللي هم عايزين يسمعوا، معظم الناس م عايزة تفهم حاجة، هم مقتنعين انهم فاهمين ومستنيين يسمعوا بس عشان يصنفوك، لو قلت اللي على هواهم فانت صادق عبقري وشريف واكيد هتدخل الجنة، لو قلت العكس فعليك لعنات الله المتتالية
فعشان تقنع لازم تكون بتقدر تجاوب علي اكبر قدر من النقد،في عالم بينقرض فيهو العقل النقدي الناس العندها رأي حقيقي قبل ما حيقولو اي كلمة حيلاقو نفسهم بين مصيرين، اما كذاب مقبول او صادق منبوذ
فلو اي مرشح في العالم في الانتخابات قال نحنا حنتعب عشان ننجح هو قال الحقيقه بس حيخسر
الشعبوية عملاق متوحش وكلما كان المجتمع اكثر جهلاً كلما كان العملاق اكثر توحشاً.
@Mo_Abass
BY Al-Sirdab - الــسِّــرداب
Share with your friend now:
tgoop.com/sirsir888/10617