tgoop.com/shahadd1999/76
Last Update:
#احساس_مشترك
للشاعرات
#فاطمة_هاشم_الحسيني
#شهد_حسن
القصيدة "ندبة صاحب الزمان عج(للمهدي اليسولف)
للمهدي اليسولف همه مايندم
ينساها الجروح المنها يتألم
❋・────━【313】━────・❋
للمهدي اليسولف حسرته وهمه
يحس الخير اجبل والفرح يمه
صاحب فزعه ماعاف الندب بسمه
تحسه اشكد قريب اوياه تتكلم
❋・────━【313】━────・❋
تحجي وياه صوت بكَلبك ايسمعه
ابن حيدر حشاه اليندبه يرجعه
يشبه للرسول هواي من طبعه
اسولفله وحلم كَدامي يتهدم
❋・────━【313】━────・❋
اسولف ليه عن حالي وكبر همي
احن اعليه اكثر من هلي وامي
صح بعيد بس عايش احس يمي
اسولف عن جروحي وكلها تتلملم
❋・────━【313】━────・❋
ماشايفته ابفديوم ابد عيني
لجن حاضر احس يمي ويواسيني
امل روحي الحنين وزهرة اسنيني
الدوم اوياه يحجي الهمه مايهتم
❋・────━【313】━────・❋
تعبان اشكثر دمعاتي تحجيلة
وين الكَاه يناس بلهفتي امشيلة
من دنياي بيه شعملت اشكيله
عشت متعوب اخافن سيدي اتحلم
❋・────━【313】━────・❋
عشت متعوب واتعب من يمر ليلي
قهر دنياي يا مولاي هد حيلي
واتوسل واحلفك بالنبي ادعيلي
مااسولفلك انت بحاليتي أعلم
تمت بحمد الله
#فاطمة_هاشم_الحسيني
#الشاعرة_شهد_طيف
https://www.tgoop.com/shahadd1999
BY الشاعرة شهد طَيف
Share with your friend now:
tgoop.com/shahadd1999/76