tgoop.com/sgcc_uzb/10132
Last Update:
#Эътироф #ЁшларКуни #ДавлатМукофоти #КелажакБунёдкори #ЁшЛидерлар
Ўзбекистон Республикаси Президентининг "Ёшлар куни муносабати билан юртимизнинг фаол ва ташаббускор ёш авлод вакилларидан бир гуруҳини мукофотлаш тўғрисида"ги Фармонига асосан, юртимизнинг бир гуруҳ фидойи ёшлари давлат мукофотлари билан тақдирландилар.
Ушбу юксак эътирофга лойиқлар қаторида мажмуамизнинг Ишончлиликни бошқариш хизмати Лойиҳалар офиси гуруҳи мутахассиси Жалилов Абдикаримбек Абдихалил ўғли ҳам борлиги биз учун янада қувонарли ҳол бўлди. Абдикаримбек Жалилов ёшлар учун намуна бўлувчи меҳнат фаолияти ва ташаббускорлиги эвазига "Келажак бунёдкори" медали билан тақдирланди.
Абдикаримбек Жалиловни ушбу муваффақият ва мукофот билан "Шўртан газ кимё мажмуаси" МЧЖнинг кўп минг сонли меҳнат жамоаси номидан чин қалбдан муборакбод этамиз!
Ҳурматли Абдикаримбек Абдихалил ўғли!
Ёшлигингизга хос шижоат, билим ва ташаббусингиз билан янада катта марраларни забт этишингизга ишонамиз. Фаолиятингизда доим юқори натижаларга эришиб, эл-юрт ишончини оқлаган ҳолда юртимиз тараққиётига муносиб ҳисса қўшишингизга тилакдошмиз. Омад, баркамоллик ва юксак зафарлар ҳамроҳингиз бўлсин!
Ҳурмат билан,
“Шўртан газ кимё мажмуаси” жамоаси
👇Бизни кузатинг
🌐 web-sayt |
