tgoop.com/saayyat/27123
Last Update:
رائد ( ظل كلبي يدك حيل وما اعرف شكول)
رائد .. اي زينب انه رائد كليلي شلونج انتي زينه ( واصوته مبحوح ومخنوك )
لا مو زينه بليكاك ليش عفتني هذا وعدك الي ( ظليت ابجي ماتمالك ع نفسي)
رائد .. صدكيني الوكت بعدني عنج و ماردت اربطج وياي ردتج تشوفين حياتج
ياحياة هاي التكول عنها ها ياحياة ولك يوميه اموت الف موته بلياك وتكلي شوفي حياتج
رائد ... حقج انه غدرت بيج وعفتج واخلفت بوعدي الج بس والله بعدني احبج والله ليلي ما انامه بس افكر بيج انه ظلمت زينب هواي ظلمتج
رائد احلفلي بعدك تحبني وما ناسيني
رائد ... والله احبج ولاخر يوم بعمري اظل احبج .. احجيلي انتي شخبارج
ماعندي اخبار
رائد .. يعني ما ازوجتي
اكيد ما ازوج لان بعدني ع ذمتك
رائد ... شلون بعدج ع ذمتي مو طلكتج انه
مو انه جنت حامل منك وما يصير يتنفذ امر الطلاق
رائد ... شنو حامل مني
اي حامل وصار عدنه بنيه وسميتها مريم
رائد ... لا لامامعقوله انتي جاي تحجين صدك
والله شبيك
رائد ... اذا صدك خليني اسمع صوتها للطفله
خليت حلك مريم ع التلفون وجانت تناغي
رائد .. حبيبي زينب انه اسعد انسان ع وجه الارض من باجر ارجعج الي اجي للعراق عسما اعرف اموت اخذج واطلع
ههه لا اسم الله عليك بس شلون تجي ومرتك
رائد .. طلكتها لمرتي اي طلكتها ما تحملت اعيش وياها بعد
بعد ما طلعنا اللجوء ورحنا لامريكا طلكتها وراحت عاشت ويه اهلها بغير ولايه واخذت ولدي وياها
وانه ظليت لوحدي عايش واهلي قريبين علي بين فتره وفتره اروح الهم بس زينب حياتى صعبه بلياج هواي حاولت اتصل بيج وكلما اريد اتصل واكول احجي وياج اتراجع واكول اكيد هسه زينب زوجت وشافت حياتها
ما يوم مر علي اذا موانتي بالي وكلما اذكرج اخذ الف حسره بقلبي
وبعدها انقطع الاتصال طبعا دموعي جانت تسيل وانه ما حاسه بنفسي وحجيت لامي ولخواني ع الموضوع وكلولي عادي رجعيله احسن
خوالي ماقبلوه ارجع وسبب رفضهم مهدي
وطبعا بقيت ع اتصال برائد جانت وقت النقالات الطابوكه والصرصور والكتكات
اخر شي حجيت ويه مهدي وكتله
مهدي والله انته الف وحده تتمناك زلمه والنعم منك والله لوما الظروف والله جان انه بنفسي اجيتكً وكتلك ازوجني بس انه وضعي صعب يعني ازوج ٣ صعبه علي كلش
جان ساكت واخر شي كلي الله يوفقج
رائد جان ع اتصال بيه وكلي راح ادز عليج اقاربي الي جابلج ورقة الطلاق تنطيه ورقة الطلاق عقد الزواج وشهادة ولاده مريم
اجه وانطيته الاوراق وكمل الاجرائات وسوالي عقد زواج مصدق من المحكمه وجنسيه لمريم
وكمل كل الاجرائات لم الشمل واتصل بخواني وتفق ياخذني من سوريا
ورحت انه وجهالي وامي ومرتضى سوريا ولكينه رائد ينتظرنا بالمطار
من شفت رائد ااوف شعوري بذيج اللحظه ماتوصفها كلمات
لوما اهلي جان ركضت عليه حضنته حيل وبجيت بحظنا لحد ما ارتاح
سلم علينه واخذ مريومه جان عمره سنه بوقتها وظل يبوس بيها ويشبكها وفرحته مبينه من عيونه
واخذنا رائد للفندق جان حاجزنا غرفه وصلنا خلينه جنطنا بالفندق ورحنا للسيده زينب زرنا
وبعدها تعشينا ورجعنا للفندق
واجه يمنه لغرفتنا وظل يسولف وظل يتعذر من امي ومرتضى وتشكر منهم ويلاعب مريومه ما مصدك كانما اول مره يصير اب
وجان جايب هدايا لمريم وحسن
بعدين كلهم يله انه استرخص منكم اخذ مريتي واروح
انه استحيت من اهلي وجهي صار احمر
امي كلتلي عوفي الجهال نايمين يمي ورحو يم زوجج
ااوف يا ذيج الليله رجعتنا لليالي الحلوى الي عشناه بدون خوف نمت بحظنه مثل الطفل النايم بحظن امه
ضلينا كم يوم بسوريا واجه يوم السفر ودعت امي ومرتضي وبجيت عليهم
لازم الفرحه ما تكمل هلمره راح ابعد عن امي واخواني
رحنا لامريكا وعشت احلى ايام بدون خوف زوجي صارالي ملكي وحدي
ومرت الايام وانه اعيش احلى ايام عمري بين زوجي حبيبي وابني وبناتي مريم وديما
كبرت وكبرو اطفالي حسن عمره ١٩ سنه طالب كليه ولاعب كره قدم في نادي رياضي ومريم عمرها ١٣ سنه طالبه مدرسه ثانويه
وديما ١٠ سنوات
انه فتحت صالون حلاقه ووكملت حلمي الي جنت احلمه
رائد اصبحً عمره ٥٠ سنه وصار كاتب مقلات لاحد الصحف العراقيه
وهذه هي قصة حياتي .... #النهايه
BY سايت قناة آڨـــ♡ـــيٌــ♡ـــنً┋Ⱥᴠỉⴄ
Share with your friend now:
tgoop.com/saayyat/27123