🖥 ရန်ကုန် တပတ်တာ အခြေအနေ

ယခု ရက်သတ္တပတ် [September 29 - October 5, 2025] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၇ ခု ခွဲ၍ ဖော်ပြထားသည်။

▪️မြို့ပြပြောက်ကျား စစ်ဆင်ရေးများ

· ယခု သီတင်းပတ်ထဲ ဗုံးပေါက်ကွဲမှုဖြစ်စဉ် ၃ ခု ရှိခဲ့ကြောင်း မြို့ပြပြောက်ကျားအဖွဲ့များ၏ သတင်းထုတ်ပြန်ချက်များမှ သိရှိရသည်။
· စက်တင်ဘာ ၂၉ ရက် ည ၁၀ နာရီခန့်တွင် ဗဟန်းမြိုနယ်၊ ကမ္ဘာအေးဘုရားလမ်းပေါ်ရှိ ဗဟန်းရဲစခန်းကို ပစ်မှတ်ထား၍ Operation Flame, အနောက်ပိုင်းခရိုင်ပကဖ၊ ကြည့်မြင်တိုင် ပကဖ နှင့် လသာပကဖတိုမှ လက်ပစ်ဗုံးများဖြင့် တိုက်ခိုက်ခဲ့ကြောင်း သိရသည်။
· စက်တင်ဘာ ၃၀ ရက်နေ့ ည ၉ နာရီ ၄၅ မိနစ်ခန့်တွင် တောင်ဥက္ကလာမြို့နယ်၊ ၁၀ ရပ်ကွက်ရုံးရှိ ရဲနှင့် ပျူများကို ပစ်မှတ်ထား၍ မြို့ပြကြွက်အဖွဲ့မှ လက်ပစ်ဗုံး ၂ လုံး၊ ပြင်းအားမြင့် လက်ပစ်မိုင်း ၂ လုံးဖြင့် ပစ်ခတ်ခဲ့သည်ဟု ဖော်ပြထားသည်။
· စက်တင်ဘာ ၃၀ ရက်နေ့ ည ၁၁ နာရီခန့်တွင် မြောက်ဥက္ကလာမြို့နယ်တွင်းရှိ ရွှေပေါက္ကံမြို့သစ် ၂၂ ရပ်ကွက်ရုံးထဲကို ပစ်မှတ်ထား၍ Yangon Army နဲ့ အနောက်ပိုင်းခရိုင် ပကဖတို့မှ ပြင်းအားမြင့်မိုင်း ၁ လုံး ၊ လက်ပစ်ဗုံး ၂ လုံးဖြင့် တိုက်ခိုက်ခဲ့သည်ဟု ဆိုသည်။

▪️အဖမ်းအဆီးဖြစ်စဉ်များ

· ယခု ရက်သတ္တပတ်ထဲ မတရား ဖမ်းဆီးခံခဲ့ရသူတို့အနက် မြို့နယ် ၅ မြို့နယ်တို့မှ လူ ၁၈ ဦး၏ ဖြစ်စဉ်ကို သိရှိလိုက်ရသည်။
· စမ်းချောင်း၊ မြောက်ဥက္ကလာ၊ မင်္ဂလာတောင်ညွန့်၊ မရမ်းကုန်းနှင့် တောင်ဒဂုံမြို့နယ်တို့၌ ဖမ်းဆီးခံခဲ့ကြရခြင်းဖြစ်သည်။
· ရမ်းသမ်းဖမ်းဆီးခံရသူ ၆ ဦးနှင့် စစ်ဆေးပြီး ဖမ်းဆီးခံရသူ ၁၂ ဦးတို့ ပါဝင်သည်။
· ရမ်းသမ်းဖမ်းဆီးခံရသူ ၆ ဦးမှာ လမ်းမပေါ်တွင် ဆွဲခံရခြင်းဖြစ်သည်။
· စစ်ဆေးပြီး ဖမ်းခံရသူများမှာ လမ်းမပေါ်သွားလာစဉ် စစ်ဆေးခံရပြီး ဖမ်းခံရသူ ၄ ဦးနှင့် ဧည့်စစ်ဝင်စဉ် ဖမ်းခံရသူ ၈ ဦးတို့ဖြစ်သည်။

▪️စစ်တပ်နှင့် ပျူလူမိုက်အဖွဲ့များပေါင်းပြီး အနုကြမ်းစီး

· သန်လျင်မြို့နယ်၊ အောင်ချမ်းသာရပ်ကွက်၊ အေးသစ္စာဘက်၌ အောက်တိုဘာလ ၁ ရက်နေ့တွင် အကြမ်းဖက် တပ်သားများနှင့် ပျူလူမိုက်အဖွဲ့များ ပူးပေါင်းကာ နေအိမ် ၁ အိမ်ထဲ အနုကြမ်းစီး ဓားပြတိုက်သွားကြောင်း Thanlyin Media ချန်နယ်မှ သိရှိရသည်။
· အိမ်စီးကား ၄ စီးဖြင့် လမ်းထဲ ဝင်ရောက်ကာ သေနတ်များ ဓားများကိုင်ဆောင်၍ အိမ်ထဲဝင် ဓားပြတိုက်သွားကြခြင်းဖြစ်သည်။ ၎င်းအဖွဲ့များထဲ စစ်တပ်မှ တပ်ကြပ် ၂ ယောက်၊ အပေအတေလူမိုက် မြင့်ခိုင် နှင့် ပျူစောထီး ကျော်ကြီးတို့အဖွဲ့ ပါသည်။ အိမ်ရှင်မိသားဓုကို ရိုက်နှက်ပြီး ကျပ်သိန်းတစ်ရာကျော် လုယူသွားကြောင်း သိရသည်။

▪️တက္ကသိုလ် ဆရာများနှင့် ကျောင်းသားများကို စစ်သင်တန်းပေး

· တက္ကသိုလ်လေ့ကျင့်ရေးတပ်ဖွဲ့ဝင် ဆရာ၊ ဆရာမနဲ့ ကျောင်းသားများကို စစ်သင်တန်းပေးနေကြောင်း အကြမ်းဖက်စစ်ကော်မရှင်က အောက်တိုဘာ ၁ ရက်နေ့တွင် သတင်းထုတ်ပြန်ထားတယ်။
· မှော်ဘီမြို့ နယ်မြေခံသင်တန်းကြောင်း၌ အောက်တိုဘာ ၁ ရက်နေ့တွင် သင်တန်းစတင်ခဲ့သည်ဟု ဆိုသည်။

▪️အုပ်ကြီးများ အလုပ်ဖြုတ်ခံရ

· လာဘ်စားသည့်ကိစ္စ၊ စစ်မှုထမ်းကိစ္စနှင့် မူးယစ်ဆေးကိစ္စများဖြင့် သန်လျင်၊ ဒဂုံဆိပ်ကမ်းနှင့် ခရမ်းမြို့နယ်ရှိ ရပ်ကွက်အုပ်ချုပ်ရေးမှူးအချို့ကို ယခုအပတ်ထဲ စကမ မှ ဖမ်းဆီးပြီး အလုပ်ဖြုတ်လိုက်ကြောင်း သိရှိရသည်။
· သန်လျင်မြို့နယ်တွင် မြို့ဟောင်းအရှေ့ရပ်ကွက်နှင့် အောင်ချမ်းသာရပ်ကွက်၊ ခရမ်းမြို့နယ်တွင် ၁ ရပ်ကွက်နှင့် ၃ ရပ်ကွက်၊ ဒဂုံဆိပ်ကမ်းမြို့နယ်တွင် ၈၈ ရပ်ကွက် အုပ်ချုပ်ရေးမှူးများကို ရာထူးမှ ဖြုတ်လိုက်သည်ဟု သိရသည်။

▪️မဲစာရင်းများ စကမ UEC ကြေညာ

· စက်တင်ဘာ ၃၀ ရက်နေ့မှစ၍ ရပ်ကွက် ကျေးရွာများ၌ မဲစာရင်းများစတင်ကပ်ထားမည်ဖြစ်ကြောင်း အကြမ်းဖက်စစ်ကော်မရှင်၏ UEC မှ ကြေညာပြီးနောက် ရပ်ကွက်ရုံးများတွင် စာရင်းများကပ်ထားကြသည်။
· အောက်တိုဘာလ ၁၃ ရက်နေ့ထိ ကပ်ထားမည်ဟု ဆိုသည်။
· ထို့နောက် အမှားပြင်ဆင်ပြီး နိုဝင်ဘာလတွင် ပြန်လည်ကြေညာမည်ဟု ဖော်ပြထားသည်။

▪️ဧည့်စစ်လူရှာဖြစ်စဉ်များ

· ယခု သီတင်းပတ်အတွင်း ဧည့်စစ်လူရှာဖြစ်စဉ်များအနက် မြို့နယ် ၅ မြို့နယ်မှ ဖြစ်စဉ် ၅ ခုကို သိရှိခဲ့ရသည်။
· ဗဟန်း၊ သာကေတ၊ ကြည့်မြင်တိုင်၊ စမ်းချောင်းနှင့် သာကေတမြို့နယ်တို့၌ ဖြစ်သည်။

06 Oct 2025
#RangoonScoutNetwork #YGN_weekly

🖥 DAILY HIGHLIGHTS (09 OCT 2025)

🔴 စစ်ရေးထူးခြားသတင်းများ

လေးကေ့ကော်မြို့သစ်က နယ်မြေအချို့ကို စစ်ကောင်စီတပ် သိမ်းပိုက် – DVB

ကချင်ပြည်နယ်ရှိ စစ်တပ် ကာကင်းစခန်းတချို့ကို KIA ပူးပေါင်းတပ်ဖွဲ့က သိမ်းပိုက် – DVB

စစ်တပ်က တိုက်လေယာဉ်အစား စက်တပ်လေထီးနှင့် Gyroplane ပိုသုံးလာ – DVB
•
🌎 နိုင်ငံခြားရေးထူးခြားသတင်းများ

မလေးရှားနိုင်ငံခြားရေးဝန်ကြီး မြန်မာကို နေ့ချင်းပြန် ခရီးလာ – BBC

မလေးရှား နိုင်ငံခြားရေးဝန်ကြီးနဲ့ မြန်မာစစ်ကော်မရှင် ဥက္ကဌ တွေ့ဆုံ – THN
•
💸 စီးပွားရေးထူးခြားသတင်းများ

မြန်မာပြည်တွင်း ဒေါ်လာနှင့် ရွှေဈေး ပြန်တက်လာ – DVB
•
👎 ရွေးကောက်ပွဲ

တပ်ကနေ ကိုယ်စားလှယ်အချို့တောင်းခဲ့ပေမဲ့ မရခဲ့ဘူးလို့ ဒေါ်သက်သက်ခိုင်ပြော – BBC

နိုင်ငံရေးလောကသို့ NLD ပါတီ ပြန်လာခွင့်မရှိနိုင်တော့ဟု ကြံ့ဖွတ် ခင်ရီ ပြော – KT

ရွေးကောက်ပွဲ မလေးရှားက စောင့်ကြည့်လေ့လာရေးအဖွဲ့များ စေလွှတ်မည်ဟုဆို – DVB
•
➕ အခြားထူးခြားသတင်းများ

အကျဉ်းကျခံ နိုင်ငံ့ခေါင်းဆောင် ၂ ဦးကို အဂတိလိုက်စားသူဟု ဒေါ်သက်သက်ခိုင် စွပ်စွဲ – DVB

စစ်ကောင်စီထံ အချက်အလက်များ လွှဲပြောင်းပေးမှုကြောင့် တယ်လီနောကို တရားစွဲမည် – DVB

FIFA က လူမှုအကျိုးပြုလုပ်ငန်းကော်မတီ ဥက္ကဋ္ဌအဖြစ် ဦးဇော်ဇော်ကို ခန့် – THN

#RangoonScoutNetwork