tgoop.com/rewaya1/84327
Last Update:
#جريمتي_الثانيه16
لايك يابنات عشان التصفيات قبل الارشفه لايك بسس لان بكرا الاخيره
زياد:ركب سيارته...اااه راسي بيتفجر بنرقد
بسمه:....
زياد:شبح لي بسمه مستغرب من صوت البكى يلي يطلع منها...خيرك؟
بسمه:تمسح في دموعها...مخيرني شي
زياد:تي ادوى خيرك من كلمك
بسمه:شي قلت خلاص
زياد:ولع السياره وطلع بدون ميزيد معاها ولا كلمه !
__
ايمان:نزلت من السياره ومتوتره عارفه ان في شي رح يصير بينها وبين جلال!!...معاملة جلال ليها وحنيته يلي مريتهاش من قبل خلتها تحس ان اليوم رح تصير لقطه بينهم🙈
جلال:فتحلها الباب وخشت ايمان لي غرفتها طول ...نحت عبايتها ووشاحها وطلعت كلينكس معطر ...كيف جايه بتمسح المكياج لكن بسرعة مسك يدها جلال ❤️🤤
جلال:علاش بتمسحي خليه
ايمان:بتوتر...خخ خلاص كملت الحفله وانا مش متعوده عليه
جلال:ابتسملها...بس حلو هلبا طالع عليك
ايمان:احمرت خدودها...شكرا🙈❤️
جلال:خذي نفس عميق...امتى ناويه ترجعي الحوش ؟
ايمان:اءء م. ممزال يعني حوشة العرسه وامك بروحها
جلال:ابتسملها....كأنك بديتي بنت امي مش كنتها
ايمان:ضحكت...اي من كتر ما احتكيت بيهم..بعدين هيا كويسه هلبا وتستاهل كل خير
جلال:وحتى انتي ع فكره
ايمان:نزلت عيونها
جلال:شنو رايك تباتي جنبي اليوم؟وبكرا نرجعك حوش اهلي
ايمان:اءءء قيس !..م
جلال:كلمت محمد روح بيه
ايمان:سكتت
جلال:قرب منها...ممكن لان اول مره تبتعدي عليا هلبا هكى حسيت اني مستاحشك بجد!
ايمان:ابتسمت بدون ما تحكى
جلال:حط يده علي شعرها بهدوء❤️ومسح على خدها بحنيه
ايمان:حاسه نفسها بيغمى عليها!...جلال معش مسها من اخر مره قبل ما تحمل بي قيس
جلال:قرب منها بزياده
ايمان:سكرت عيونها وهيا حاسه ان جلال رح يبوسها
جلال:وصل لعند فمها وقطع عليهم صوت الباب
طق طق طق طق
ايمان:بعدت من عليه...
جلال:تنرفز ...سيبها وطلع فتح الباب
مريم:مسيبني في نص الصاله وجاي مروح بي الهانم التانيه؟
جلال:مش روحتي مع العيله انتي
مريم:وكادبه عليك زياده😡...خشت وهيا تكشخ وتعيط .....ياكذاااااابه مووووتي محروقه اي تبيه يروح بيك باش تستفردي بيه ولاااا لاكن ولاااا عمرك تاخديه مني اصلا تزوجنى لانك مش مرااا ولا محسستيه انه متزوج م،.....
جلال:بصوت عالي...مرررررريم
ايمان:عيونها دموع...خودها واطلع جلال
جلال:يشوف لي مريم بنضرات تخوووف خداها من يدها وطلعها برا الحوش
اما ايمان:سكرت الباب وانهااااااارت بي البكى💔
—————————
محمد:فتح بابا الحوش ...خشت ماريا وماسكه قيس ولد جلال
ماريا:نحت العبايه ....تعالا حبيبي انحيلك كندرتك
قيس:قرب منها وبدت ماريا تنحيله
محمد:يتفرج عليها وساكت
قيس:انتي عروسه؟
ماريا:ضحكت ...لالا
قيس:يأشر علي فمه...انتى مدايره احمر هنايا
حلوه هلبا انتى عروسه
محمد:اي والله مكذبتش يا ولد خوي
ماريا:اختفت الضحكه من على وجها وطلعت لي الدار تغير في ملابسها....مسحت مكياجها ولبست بجامه خفيفه وطلعت
محمد:بخصوص يلي شفتيه مبكري عزه كانت تبي ....
ماريا:عزه كانت تبيني في مشكله عزه سيارتها واقفه عزه تبي دواء عزه عزه عزه ...مدخليش فيها ولا تهمنى اصلاااارغم ان عندها خوت!!!
ملياش اي علاقه فيكم انتم الزوز في النهايه انا غريبه وانتم يلي اقارب
محمد:الحق فيا جاي نبررلك يلي صار لازم تفهمى اني ولد ناس مش قليل اصل متزوج وقلبي مع غير مرتي
ماريا:ابتسمت بوجع...يعنى انا قليلة اصل!؟💔
محمد:خذي نفس عميق...انا كل قصدي مش م....
ماريا:شافت لي قيس...خلاص يكفي قدام الولد
يلي يطلع منك عادي ...تعشيت قيس،؟
قيس:اي ...يحك في عيونه
انا نبي انني
ماريا:خذاته في حضها وخشت بيه لي الدار ❤️
محمد:قعمز ع الصالون ماسك راسع بيديه ومتوتر من الوضع يلي قاعد يتعقد اكتر واكتر بينهم!
____
جلال:بصوت عااالى...كلامى واااااااضح سكرى فمك ومعش تتهجمي عليها بى ولا كلمه!!خير ماتشوفي منى شي مايعجبك
مريم:تبكى...مدامك تحبها ليش متزوجني هاااا؟
جلال:تنرفز ونزل لي شقة ايمان ...خش يدور عليها وكانت ايمان مسكره على نفسها غرفة النوم
طق طق طق
جلال:ايمان؟ايمان اسف ع يلي صار لو سمحتي اقتحى
ايماااان ردي علياا؟؟؟انتي بخير!!!!
افتحى الدار نتفاهمو ع الاقل متقعديش هكى
ايمان:راقده على سريرها مسكره عيونها وتبكى بصوورت واطي💔
_
بسمه:واقفه ع المرايا تمسح في دموعها
زياد:ربع يديه...بتحكيلي خيرك ولا ندير العار
بسمه:عيونها منفوخات...مخيرني شي
زياد:بنبرة تهديد...تندمي ره!!
بسمه:خذت نفس عميق....هكي من لما كنت بنت كل ما نروح من حفله نقعد نبكي
يعني طلعك البنت من حوش بوها واعره ...بدات كان طلع راجلها خرااا كيف بدير بعدين
زياد:ضحك.....حليلي الحساسه
بسمه:ااااه ان شاء الله يطلع نصيبها كويس مش زي خوها
زياد:ضحك ضحكته الصفرا...عندها3خوت مش رح نعتبر الكلام عليا🙂
بسمه:عطاته بضهر اطلع في حوايجها ...وضحكت
زياد:قعمز ع السرير ويدوي بخبث...علاش بتغيري خليك هكي نتفرج عليك
بسمه:خذت حوايجها
BY روايه في ثلاث ايام
Share with your friend now:
tgoop.com/rewaya1/84327