tgoop.com/rewaya1/84324
Last Update:
والله؟زي شنو
موده:يابنات م.....
غفران:خلينا موده....اي انتي ضيعتي فرحة جلال ومخليتيشي يحس انه متزوج وزياد يناري يلي اشبح شنو يحس اتجاهك ويشوف فيك مرت خوه توا
ايمان:ضحكت بوجع...والله!؟توا طلعو هما يلي مضلومين
غفران:ياماما انتي عشتي في المانيا م...
ايمان:نفجرت فيها....خلااااااااص عاد ياسر
عشتي في المانيا حصلتي راجل بعد يلي درتيه انتي عارفه شعور شخص يبدا عنده اهل ورافضينه؟؟؟انتي عارفه شعور لما تكوني في الغرفه ويلي معاك في نفس الحوش مش طايقك؟؟؟
يلي صار كان علط من زياد وانا غلطت اكتر لما ممنعتاش وحاطه قي بالي انه رح ياخدني عمري كان 18السنه بس عقل مراهقه
وجلال يلي كاسر خاطرك هاذا اهو تزوج وفرح وتو ترجعله شبابه وتفرحه
اما زياد لا يحس بي مشاعر اتجاهي ولا شي مرتاح مع مرته وواضح عليهم ربي يهنيهم ...من يلي كلاها ع راسه في الاخير؟
انا وبس💔...وعادي الله غالب راضيه بكل شي يجي من ربي
غفران:وجعتها ايمان💔....قعدت ساكته وبس
ايمان:خذت كلينكس وطلعت من المطبخ لي دارها طول
جلال:خذي ولده ولحقها ومريم تشوفله من بعيد
جلال:شن اخبارك
ايمان:اطلع في حوايجها من الدولاب...تمام الحمد الله
جلال:شنو امتى بتروحى توا ولا في الليل؟
ايمان:شبحتله...لا مش مروحه خوذ راحتك انت وعروستك انا قاعده هنايا نساعد موده في تحضيرات عرسها
جلال:كيف؟متبيش تروحى لعرس موده؟
ايمان:اي مرتاحه هنايا وموده تستفيد مني وانت تاخد راحتك
جلال:بس انا مش مضايق منك
ايمان:انا بنضايق 💔
جلال:خذي نفس...بس انتى لازم تاخدي عليه الوضع هاذا لعند امتى بتقعدي هنايا؟
ايمان:يكمل عرس موده ويصير خير ...خذت حوايجها وخشت للحمام ادوش
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
زياد:فتح عيونه شاف بسمه متكيه ع السرير وساكته ابتسملها...صباح الخير
بسمه:صباح النور
زياد:ضربها ع خدها بشويه...وخيرك تقولي فيها بلا نيه هكي
بسمه:زياد بالله مش وقتك بنطربق ع الصبح
زياد:قعمز...تي خيرك؟
بسمه:فديت فديت وربي من نفس الروتين كل يوم ديري فطور ديري غدي ديري عشي طلوع لا كله لا
زياد:نزل من السرير...اليوم الفطور عليا توب شيف
بسمه:🤦🏻♀️الصبر يارب
زياد:خش لاحمام غسل وجها وطلع للمطبخ بعد قريب نصف ساعه من العناد وبسمه منزلتش من سريرها ناداها اخيرا
زياد:سمسمه الفطووور جاهز
بسمه:ع اساس اسم دلع يعني سمسمه
زياد:وهاذا طبق الدحى المقلي مع صلصة الجبن بسمه:اي صلصه؟وهيا جبنة شرايح سايحه
زياد:ضربها ع راسها كولي واسكتى من زيك محصله راجل يديرلك الفطور
بسمه:اي يبارك فيك😂
زياد:احححح يابلح
بسمه:شنو؟
زياد:عض فمه...لا شي غير عندي نيه 🔥
بسمه:في شنو؟
زياد:في عصير ...وناض من الطاوله وهوا يضحك
اما بسمه خدودها حمررر فاهماته يلقح!!
___
#تسريع_في_الاحداث
في عرس موده❤️
الاوضاع عند ماريا ومحمد متغيرتش!..ماريا قاعده مدايره حدود بينها وبين محمد
اما محمد كل مايبي يتقرب منها يدكر حبيبها ويوخر !
بسمه وزياد زي القطوس والفار كل يوم مشاكل اتم بي ضحك بسمه على تصرفات زياد التافها 😂
وبالبان صاحبه قاااالب الدنيا عليه ومش محصله حتى تالفوناته سكرهم اختفاء تااااام
اما ايمان قعدت في حوش اهل جلال تعاون في موده وغفران ولما يجي جلال يشوف ولده ولا اهله متطلعش نهاائي
وغفران بدت تحن على ايمان شويه ❤️
زي اي عرس ليبي ..من بداية الاسبوع بدت الزحمه متع العيله وكل واحد خاش جايب معاه شناطي تقول مسافرين للهند😂
ركبت خيمه كبيررررررره وخيمه لي الرجاله برا!
طلعا خيمةالرجاله معبيه بي صحاب زياد يلي مدرسين من قبل العرس بي3ايام كل يوم فرقه وهياجه زي المهبله 😂
ومحمد في عالم تااااني مهموم 💔
وجلال يلي يقنع في روحه انه وضعه عادي بس في الحقيقه مان مش مرتاح مع مرته الجديده💔
كان فيها شي ناقص موجود عند ايمان ومش موجود عندها!!
___
اول يوم في العرس من صباحات ربي بعد الفطور المنضرمه والعه وكل نساوين العيله قعمزو ع البصل 😂
شويه من البنات على باكو الحلويات والباقي يوتي في الخيمه ويستف في الكراسي وايمان وغفران لاهيين في بتات موده يرتبو فيه ❤️
اما بسمه وماريا مستلمين المطبخ في كل شي!
دارو غدي كبيررر وعزمو عليه رجالا ونساوين وبعد الغدي مدايرين سهريه كبيرررره بي الزمزامات
من لما اذن المغرب وكل واحد ماسك شعره ووجها وهاذي تبدل وهاذي تمكيج وهاذي ادور في شخشير لحمه😂
وهاذي تختار في اكسسوارها وهاذي تفكر كيف تطلع احلا من سلفتها 🤷🏻♀️
بدو المعازيم يوصلو وكانت اولهم مرت جلال جايه لابسه صدره وحاسبه روحها مزيها حد !
اما ايمان قفطان عادي ومكياج شبه مفيش
ماريا زيها لابسه قفطان قصير خفيف ولامه شعرها ومكياج خفيف لين خلاص كأنها مش عروسه
اما بسمه يلي كانت مكسره الدنيا بي قفطانها 🤤ومكياجها وشعرها يلي نازل لتحت ضهرها
___
وصلو الزمزامات وولعت السهريه 🔥🔥🔥
BY روايه في ثلاث ايام
Share with your friend now:
tgoop.com/rewaya1/84324