tgoop.com/rewaya1/84323
Last Update:
حمد:رقدت جنبها وتغطى
ماريا:عطاته بضهر
محمد:تطلعي بكرا؟
ماريا:عشان شنو؟
محمد:اشري الحاجات يلي ناقصينك لي عرس موده
ماريا:مزال وقت
محمد:وين مزال وقت العرس بداية الشهر يعني الاسبوع الجاي لا يلي بعده وانتم البنات مواضيعكم هلبا
ماريا:تنهدت...مخاطري في شي ولا نبي شي...بنحضر العرس عشان موده بس منبيش نصدمها بخبر طلاقنا وتتفركس العيله كلها
حرام اختك طيوبه وتستاهل
محمد:براحتك
ماريا:سكرت عيونها وبسرعه مانزلت منها الدمعه ...كانت تتمنى يحضنها ويقلها انا جنبك متخافيش ❤️مش رح يصير لا طلاق ولا شي
ممكن التصرف زي هاذا من محمد ينسيها وجع فيصل وموته فجآه لكن!!!!!!.....مادار شى غير انه رقد وبس
_
زياد:فتح باب الدار....نحى التيشرت متعه وتلوح ع السرير بلعرض
بسمه:طلعت من الحمام تجفف في شعرها واول ماشفاته حطت يديها في نصفها....شنو؟
زياد:شن هوا يلي شنو،؟..حوشي ونرقد وين مانبي
بسمه:خدت نفس عميق بدون ماترد عليه ..مشطت شعرها ودارت كريمة ترطيب ليديها وخذت غطاء وطلعت من الدار...سكرت ضي الصاله ورقدت ع الصالون ...
زياد:رقد جنبها...اااه محلا رقدت الصالون تخليك تحس انك هكي منتعش
بسمه:قعمزت وعاقده حواجبها
زياد:يشوف لي منضرها كيف متكنطيه ونازله خصله من شعرها ...شنو؟حتى الصالون ليا!!وحر فيه
بسمه:سيباته وناضت لي غرفة الضيوف ..قاعده تساوي في مكان ترقد فيه وسمعت صوت زياد
زياد:الله الله لما نرقد هنايا نحس في روحي هكي ضيف وحاجه كبيره
بسمه:ساكته وبتتفجرر
زياد:البني ادم لازم مره مره يرقد في مكان الضيف ويحس انه غريب لان الدنيا فانيه والسيف مثل الوقت ان لم تقطعه يكمل
بسمه:خذت مخدتها وناضت للمطبخ قعمزت ع الارض ومربعه يديها
زياد:ياكل في فراوله....النوم جنب المؤكولات يحسسك انك ....
بسمه:خلاااااص عاد بنرقد ياسر
زياد:ياكل وبي استفزاز....وارقدي من شادك
بسمه:اوووووف....وناضت لي غرفة النوم رقدت ع السرير
زياد:رقد جنبها....سمعتى ان عرس موده قريب ولا
بسمه:اي ربي يهنيها ..ويطلع نصيبها خير من نصيبي
زياد:ضربها ع يدها...معش اطولي لسانك
بسمه:ناضت قعمزت وقامت صبعها بتهديد....اقسسم بالله مزال تمد عليا يدك الما نطلع ونسيب الحوش
زياد:ماسك ضحكته...وين تبي تمشي؟
بسمه:مدخلكش وين نمشي لاكن رد بالك زياد
زياد:كنتي تعجبي فيا وانتي هاديه لاكن توا عجبتيني اكتر وانتي لسانك طويل
بسمه:مريت منه شي قاعد لساني
زياد:عطيني نشوفه وندوقه🤤
بسمه:لوحت عليه المخده....دراااه ...وعطاته بضهر ورقدت
زياد:ضحك وكان مستمع داخله في كل مره يكنطي فيها
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم⛅️⛅️⛅️
ع سفرة الفطور:-
غفران:السلام عليكم
شيخه:وعليكم السلام
غفران:صباح الخيرات شن حالكم اليوم
موده:الحمد الله تعالي افطري معانا
غفران:هاك عمتي امي دارت سفنز ع الصبح قتلي ارفعيلهم يذوقو
شيخه:سلمك جيابه
غفران:سلمك
ايمان:قعمز جنبهم...كيف حالك غفران
غفران:قلبت وجها...من ربي بخير
ايمان:قعمزت تفطل وتوكل في ولدها ...كان الجو هدوء مفيش غير صوت غفران تضحك وتهدرز مع موده لين خش جلال هوا وعروسته 💔
شيخه :شافت لي موده وايمان بصدمه💔
ايمان:فمها مفتوح من الصدمه نشبحله هوا وعروسته كيف خاشين ويديهم في بعض 💔
جلال:سحب يده من عروسته...صباح الخير امي
شيخه:بتوتر صباح النور
مريم:سلمت على شيخه وباست يدها...كيف الحال عمتي
شيخه:الحمد الله بخير
مريم:كيف الحال حماتي الصغيره هههههه
موده:بتعابير وجه واضح عليها التقزز...اهلين
مريم:سلمت عليها هيا وغفران ووصلت في ايمان يلي قاعده تشبح لي جلال بعيون تلمع من الدموع
مريم:كيف الحال ضرتي
ايمان:ابتسمت بصدمه...الحمد الله تمام
موده:تفضلو قعمزو ...فطرتو؟
مريم:نحت وشاحها وطابعا صبغه ومكياج وحنه🤦🏻♀️...اي فطرنا من بكري برا طبعا
غفران:حاجه والله كعك مالح
موده:نخصت غفران...صحتين امالا نديرلكم قهوا...نوضي غفران نوضي
غفران:ناضت معاهم وايمان منزله راسها وتوكل في ولدها
جلال:تعال بابا❤️
قيس:ماسك في يد امه ...انلا
جلال:تعالا خيرك
قيس:معاك غوله نبيش
غفران:واقفه في باب الصاله طلقتها ضحكه...ههههه ملائكه سبحان الله
موده:جبدتها من يدها ودخلتها المطبخ
ايمان:مسكت ولدها وحطاته في حجر جلال....عيب حبيبي خليك مع بابا
قيس:ساكت وقاعد يشوف لي مرت بوه مش فاهم
ايمان:سيبتهم وخشت للمطبخ !...
موده:ايمان...انتي بخير؟!
ايمان:تغسل في يديها ...اي الحمد الله ❤️
غفران:نسحاب روحي بنفرح لما يتزوج راجلك لاكن مرته مخشتليش راس جديات
ايمان:جت بتطلع ومتردش عليها زي العاده !...لاكن رجعتلها
غفران ليش تكرهيني؟!
غفران:لا منكرهكش لكن هكي مش متقبلاتك
ايمان:علاش؟شنو الغلط يلي درته حسب رايك
غفران:مصحك هاذا كله وتقولي شنو درت؟
موده:صلو ع النبي بالله عليكم
غفران:انتي ضيعتي هلبا حجات في عيلتنا
ايمان:ربعت يديها...لا
BY روايه في ثلاث ايام
Share with your friend now:
tgoop.com/rewaya1/84323