tgoop.com/rewaya1/84321
Last Update:
شوفتها وحاطه في بالها ان يبي يطلقها عشان عزه💔
يوم عرس جلال :-💔
ايمان:خدت ولدها ومشت لي حوش اهل جلال لانمعندهاش وين تمشي وفي نفس الوقت متبيش تقعد في الحوش مش قادره تتحمل فكرة ان جلال مع وحده تانيه كان شعور يمووووت 💔
موده:متوتره ومش عارفه كيف تتصرف مع ايميان في موقف زي هاذا خدت التالفون وتصلت
محمد:قلبه فز من مكانه لما قري اسم ماريا تتصل بيه في تالفونه ❤️...الو
ماريا:اهلين محمد
محمد:اهلا ...كم مره نتصل مترديش
ماريا:تجاهلة كلامه...تقدر تحي تروح بيا؟؟عندي شوية حجات بناخدهم وفي كم شغل لازم نديره في الحوش
محمد:اي اكيد وتي روحك شوي ونوصل فيك
ماريا:تمام
محمد:سكر الخط وحس ان صوتها بس رد فيه الروح❤️
___
موده؛الو
بسمه:هلا موده
موده:كيفك شن الاخبار
بسمه:تمام بخير ...كيف حال ايمان قاعده عندكم ولا💔🥺
موده:اي وهاذا باش مكلماتك ...بالله عليك تعالي مش عارفه كيف نتصرف ولا شنو نقوللها واجعتني بنموت
بسمه:ياروحي عليها...وتشوف لي زياد...الله يعطيهم سحقه الرجاله يارب ان شاء الله النماذج هاذي ويلي يخونو في نساوينهم يجيهم السرطان يهنتش لحمهم بي الشويه وما تطلع روحهم لين لين يعرفو ربي واحد
زياد:بلع ريقه ....يالطيف
موده:اااه به شنو تقدري تجى توا؟ع الاقل لين ياخدها النوم
زياد:لاااااا
بسمه:بنمشي
زياد:مفيش طلوع
موده:واااااك تي خيره زياد عليك
بسمه:وين نعلم مفهمتش شن جايه الايام هيا
موده:بالله عليك شوفيه وتعالي
بسمه:به ان شاء الله
موده:هي سلام
بسمه:سكرت الخط....علاش منمشيش؟نواسيها المرا ع الخرا يلي مدايره خوك
زياد:بسمه شدي لسانك واسكتي ومدخلك في حد
بسمه:افففف...سرحت شويه واذكرت قصة ايمان مع زياد ....اللحضات يلي قبل شويه بسمه صخفت فيها على ايمان ونست انها كانت على علاقه مع زياد علاق وصلت لدرجة الفراش!!!!!....هاذي طيبه منها ولا غباء؟
___
موده:نكلم عفران زعمه؟اففف ياربي ساعدني في ها الليله هيا ...خشت لي الدار
ايمان:تغطي في ولدها
موده:رقد ياروحط محلاه
ايمان:تمسح في دموعها...اي لعب هلبا اليوم
موده:بتوتر..نديرلك قهوا معاي نشربو؟
ايمان:لالا صحيتي ...موده انا ماشيه شويه احوش زياد وجايه
موده:استغربت...ليش؟
ايمان:تلبس في حجابها...في كم حاجه ونجي مش معطله
موده:اوكي براحتك😕
__
طول الطريق مفيش حد تكلم !!
صوت قلب ماريا كان عالي ❤️نفس دقات قلب محمد بزبط !!
كل واحد كان مستاحش التاني لدرجه كبيررره بس مفيش حد بدي بلكلام مكان في شي غير شوية نضرات من تحت لتحت ...نزلت ماريا نحت عبايتها ووشاحها ..قامت شعرها وخشت للحمام ...حطت كم حاجه في الغساله وطبيت تشغل فيها ...وقفت واول ما تلفتت كان محمد وراها بزبط❤️
طق طق طق
بسمه:نفتح ولا حتى هوا ممنوع
زياد:يلعب في ببجي وضحك...قولي منو قبل كان ذكر بنوض انا
بسمه:منووو
زياد:يارب بنت الزون بيوصل
ايمان:انا
زياد وبسمه مركزوش ع الصوت ...ناضت بسمه فتحت الباب ونصدمت لما شافت ايمان😨
بسمه:اهلا ايمان تفضلي
ايمان:ابتسمت ...زايد فضلك
بسمه:سكرت الباب وخشت هيا وايمان لصاله
زياد:قعمز لما شاف ايمان خاشه وكان مستغرب؟!
بسمه:ساكته
ايمان:بعد اذنك بسمه ...في كم حاجه لو تسمحيلي نبي نحكي فيها مع زياد
بسمه:اكيد خودي راحتك
زياد:حط تالفونه جنبه ونزل عيونه...شنو يلي بنحكو فيه؟
بسمه؛طلعت من بحداهم لاكن وقفت تتسمع
ايمان:...يتبع
اسفه لانها قصيره بس اضطريت نوقف هنايا مزال حلقتين همتكم في التفاعل بكرا الاربعاء يتأرشف القروب معش تقدري اديري حتى لايك
خلي لايك ع الحلقه واضمني وجودك معانا في التصفيات😘❤️❤️
BY روايه في ثلاث ايام
Share with your friend now:
tgoop.com/rewaya1/84321