tgoop.com/rdeaa/39373
Last Update:
بالعبره صــــــــاحك صوتنه
باجر نـــــــــــــــرد لبيوتنه
اعذرنه عن تقصيرنه يبن الزجيه
ــــــــــــــــــــــــــــــــــــــــــــــــــــــــــــــــــــــ
باجر انفـــــــــــــلش جوادرنه ونرد
ال اخ باجر تــــــــــاخذ الروح وترد
باجر ابوجه الخدم يحسين اشوف
الدمعه ركضت خيل فوك الخد تهد
جادرنه من انوكعه
تترس كلبنه الدمعه
ونختنك من جلمت احنه الهاي هيه
اعذرنه عن تقصيرنه يبن الزجيه
ــــــــــــــــــــــــــــــــــــــــــــــــــــــــــــــــــــــ
باجر انرد ريـــــــت باجر لا يطر
نرد لهلنه باجـــــــــر بمدمع جمر
مثل كسرت ضهرك كبال الكفيل
هيج باجر مــــن نرد بينه الكسر
ياريت مـــــــــــاردينه
سامحنه يابو اسكينه
وياك قصرنه يبو اجفوف السخيه
اعذرنه عن تقصيرنه يبن الزجيه
ــــــــــــــــــــــــــــــــــــــــــــــــــــــــــــــــــــــ
اصخام جدرك تارس الخادم بياض
الخدمتك نـــركض يبو الاكبر ركاض
ازغــــــــــار وكبار الخدم كلها تكول
نخدم وماعــــدنه بالخدمه اعتراض
يالساحكاتك عشره
نبصم لك بالعشره
وياك نبقى احنه لحد يوم المنيه
اعذرنه عن تقصيرنه يبن الزجيه
ــــــــــــــــــــــــــــــــــــــــــــــــــــــــــــــــــــــ
نتعب اشـــــما نتعب براحه نحس
مانــــــوفيك احنه لو نفدي النفس
بالشمس نوكف نخدمك ياحسين
اسوتا جي باقي جسمك بالشمس
المفروض يابو الاكبر
لجلك نضحي المنحر
ياهو مثلك من اجلنه منطي اخيه
اعذرنه عن تقصيرنه يبن الزجيه
ــــــــــــــــــــــــــــــــــــــــــــــــــــــــــــــــــــــ
بنص كلبنه حسين فاتحتك تصير
وموش هين بينه لاجـــرحك جبير
انت ساترنه رغــــــم هدمك سليب
ياملك ومسوي كـــــــل خادم أمير
يحسين يابو اجروحنه
فاتحتك بنص روحنه
ودمعه صرنالك على الراحه سبيه
اعذرنه عن تقصيرنه يبن الزجيه
ــــــــــــــــــــــــــــــــــــــــــــــــــــــــــــــــــــــ
بربعينك عشنه نجـــــــمات بسماك
عشنه احله ايـــــام يحسين وغلاك
الخدم كلها محزمه وبسمك تصيح
نخدمك احنه ونخــــــم الزاير الاجاك
يالماكو احن من كلبك
خلـــــينه دوم ابكربك
اشغلنه بيك حسين كل صبح ومسيه
اعذرنه عـــــــن تقصيرنه يبن الزجيه
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
BY الرادود الحسيني ملاهيثم اللامي قصائد وألحان خادم الزهراء ع🎤
Share with your friend now:
tgoop.com/rdeaa/39373