tgoop.com/qwerrtt76/19066
Last Update:
قصيده لأم البنين ع
جلّه من سواج ياســـــــبحانه
صرتي باب بلطفه من بيبانه
🤍🤍🤍🤍
ها يأم عباس ياباب السمه
جلج الباري يمهجت فاطمه
اليكصدج عطشان ينساه الضمه
واليدك بابج ثبت عنوانه
✍🏻خادمة الموعود الغزي
🤍🤍🤍🤍ــــــــــــــــــــــــــــــــــــــــ
اليدگ بابج تنطينه المراد
تنگضي حاجاته لوجانت شداد
اشكثر علاچ خالق العباد
بيج يم عباس كل رجوانه
✍🏻 ام مرتضى الخزرجي
🤍🤍🤍ــــــــــــــــــــــــــــــــــــــــ
ثابت العنوان ظل تاريخ ألچ
ربنه رحمه للعباد منزلچ
ونعم منچ يحره ومن هلچ
والتندبچ راجعه فرحانه
إم حيدر العبادي ناصريه
🤍🤍🤍ــــــــــــــــــــــــــــــــــــــــ
الگصد بابج فلا يرجع ابد
انتي للشيعه وسيله وسند
الج جاه من الله الواحداحد
ربنه نتوسل الج خلانه
✍🏻ام سجاد الشهيد
🤍🤍🤍🤍ــــــــــــــــــــــــــــــــــــــــ
حره وختارج علي سيد البشر
صرتي باب الحاجه الج عز وقدر
منو مثلچ جابت انجوم وگمر
من نسل حيدر علي عدنانه
✍️ *أم حوراء البركاوي
🤍🤍🤍🤍ــــــــــــــــــــــــــــــــــــــــ
باب للحاجات صرتي والكرم
واليدگ بابچ ولامره ندم
اريد منچ حاجتي وبيچ العشم
اعليچ اقسم بالبطل واخوانه
✍🏻ام مهدي الفرطوسيه
ــــــــــــــــــــــــــــــــــــــــ
انتي نور ومنجبل اعله الوفه
يا جليلة منزله والعارفـــــه
بنينج الضحيتي لبن المصطفه
والفخر بسمج يشيد اركانه
✍🏻نبضي حسين
ــــــــــــــــــــــــــــــــــــــــ
تمت باقلام رابطة الجفوف السخيه
ـــــــــــــــــــــــــــــــــــــــــــــــــــــــــــــــ
انشر تؤجر📌
https://www.tgoop.com/alkalm313
BY مسيرة العشق الحسيني لخادمة الزهراء(ع) أم حوراء البركاوي
Share with your friend now:
tgoop.com/qwerrtt76/19066