tgoop.com/qwerrtt76/12043
Last Update:
راح اروي هلمره على.....قصة شبه من كربلا
راح اروي كالآتي
بدرآ على الجسر انرمى....معذور يا مولى اذا
ماتكفي دمعاتي
☆•☆•☆•☆•☆•☆•☆•☆•☆•☆•☆•☆
راح ابدي من دمعه والم من ضلم من لوعه وسجن
كلما يمر بيه الحزن اتخيل اقيود ومتن
يانهر كلي اشصبرك موجك ركد لا ماأضن
وبن الصميده اعله الجسر بلا غسل وبلا دفن
كثر المصايب والمحن .... همومي عليه اتواردن
زادت جراحاتي
علكاظم اعيوني عمن......مو كافي بسك يازمن
تختار ساداتي
راح اروي كالآتي
☆•☆•☆•☆•☆•☆•☆•☆•☆•☆•☆•☆•☆
للشيعه شاع الهم خبر حان الفرج الابن الطهر
استبشرو يوم الوعد والشيعه ضلت تنتظر
وبفرحه كلها اتنطرت وصحابه مشبوحه النضر
بس الخبر الهم اجه والينه ياوسفه انغدر
شروي بعد اتحيرت........ياضلم مثلك ماشفت
تعجز رواياتي
الفرحه مولا اتحولت......بالقهر وسفه اتبدلت
مخنوكه آهاتي
راح اروي كالآتي
☆•☆•☆•☆•☆•☆•☆•☆•☆•☆•☆•☆•☆•☆
مايكفي لو ينصب عزه ولجلك يضحي ابمهجته
كلش قليل اعله الجفن لو دم يبدل دمعته
الكلب من حزنه انفطر شحجي وشفسر لوعته
لمصابك لبس حته الكمر اسود وغابت كمرته
لو انطي من عمري عمر........كلش قليله واعتذر
الكم مواساتي
كون الكلب مايستقر......دكاته تلطم علصدر
ماتكفي لطماتي
راح اروي كالآتي
☆•☆•☆•☆•☆•☆•☆•☆•☆•☆•☆•☆•☆•☆
يارحمة الله وحجته شلون السجن مايعترض
ويعارض الطاغي والك يفتح ابوابه وينتفض
شلون وقبل بي تنغدر ساكت اشلون ومارفض
يالطولك ايلوح الشمس تحويك كلي يا ارض
من اذكر اشلون العده.....ابطاموره خلو وحده
تذبحني حسراتي
مامن صحابي اليسنده....شروي بعد يامفرده
تاهت عباراتي
راح اروي كالآتي
☆•☆•☆•☆•☆•☆•☆•☆•☆•☆•☆•☆•☆•☆
كلبي على فكدك نزف جرح الفكد كلش صعب
ابن السلاله الطاهره ابسم انقتل بيد الغرب
من اذكر الصار وجره يتوجر ابنار الكلب
راح اكعد وانصب عزه ونثر ادموعي اعله الدرب
يالكاظم اقبل دمعتي..... حزني وعزائي ولوعتي
وسجلي عبراتي
حبكم يضل كل غايتي........ يالزهره خادم منيتي
اسجليني مولاتي
☆•☆•☆•☆•☆•☆•☆•☆•☆•☆•☆•☆•☆•☆
#شاعرة_اهل_البيت(ام حوراء البركاوي)
#لااجيز_حذف_اسم_الشاعره
#نسألكم_الدعاء
BY مسيرة العشق الحسيني لخادمة الزهراء(ع) أم حوراء البركاوي
Share with your friend now:
tgoop.com/qwerrtt76/12043