( وَظَنُّوا أَنْ لَا مَلْجَأَ مِنَ اللَّهِ إِلَّا إِلَيْهِ )
#التوبة_118

عندما تصل إلى مرحلة شعورك
أنه لا أحد لحزنك إلا الله
‏هي لحظة ميلاد الفرج

( إِنَّ اللَّهَ عَلَىٰ كُلِّ شَيْءٍ قَدِيرٌ )
#البقرة_20

مهما كانت أمانيك عظيمة ومهما حسبت أنها مستحيلة ومهما ظننت أنك لن تبلغها فتذكّر هو علي هين

بَعد الاستِقامة يأتي الابْتلاء
بعد ما نوَيت توقف سماع الأغاني والموسيقى هتطلع لك الأغاني التي كنت تحبها بكل مكان
بعدما نويت تتصدق بمبلغ معين كل أسبوع هتجيك ضائقة مالية بعد ما نويت تبتعد عن النميمة والغيبة هيجيك قريب لك يشكي لك من فلان ويتكلم عنه بسوء
وهذه لأن بعد الاستقامة يأتي الابتلاء لقوله تعالى :
( أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ @ وَلَقَدْ فَتَنَّا الَّذِينَ مِنْ قَبْلِهِمْ ۖ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ )
#العنكبوت_2_3
وبعدها جاء الجواب من الله سبحانه وتعالى :
(وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ)
#العنكبوت_69
فالمسألة مَسألة وعيْ وصَبر وثِقة بالله ويَقين ومُجاهدَة النَّفس

( ثُمَّ السَّبِيلَ يَسَّرَهُ )
#عبس_20

الأصل في كل دروب الحياة هو اليسر
أما العسر فطارئ وسيرحل
الدمعه التي جرحت ملامحك سيبرؤها الله
القلب المنكسر سيجبره الجبار
الطريق المسدود سيفتحه الفتاح

( وَيَنْصُرُونَ اللَّهَ وَرَسُولَهُ ۚ أُولَٰئِكَ هُمُ الصَّادِقُونَ )
#الحشر_8

أكثِر من دعاء أن يجعلك الله من الصادقين فالصدقُ هو أصل الإيمان والعمل
ولو توفّرتْ لديك كُل وسيلة على الأمر
فلن تناله إلا بصدق الطلب
ولن يؤيدك الله فيه إلا بصدقك واحتسابك

( وَقَالَ رَبُّكُمُ ادْعُونِي أَسْتَجِبْ لَكُمْ ۚ)
#غافر_60

والله ما من عبد يتعلق بالله فيخيب في تعلقه أبدًا أبدا
وما من إنسان يلهمه الله أن ‎يدعوه في كربه إلا كان موفقًا مجابًا

﴿ كَلَّا إِذَا دُكَّتِ الْأَرْضُ دَكًّا دَكًّا﴾
[ الفجر: 21]
بأداء خاشع تطرب له القلوب و الآذان يتلو على مسامعكم الشيخ | جمال يوسف حفظه الله
#من_نوادر_المحراب
#سماعا_طيبا
#انشر_تؤجر

تلاوة ماتعة من صلاة العشاء اليوم للشيخ | حسن خاطر
ما تيسر من سورة يونس
#سماعا_طيبا
#انشر_تؤجر
#اللهم_بلغنا_رمضان

الليلة الأولى تراويح 1446ه‍ من الجامع الكبير بههيا
الشيخ | حسن خاطر حفظه الله
برواية ورش عن نافع من طريق الأزرق
#سماعا_طيبا
#انشر_تؤجر

أواخر سورة مريم برواية ورش عن نافع
تلاوة بديعة للشيخ | حسن خاطر حفظه الله
#من_تراويح_الليلة_الرابعة
#سماعا_طيبا
#انشر_تؤجر

تلاوة طيبة لما تيسر من سورة البقرة من مسجد الحديثة للشيخ | طه جلال حفظه الله
#من_تراويح_الليلة_الرابعة_رمضان_1446ه‍
#سماعا_طيبا
#انشر_تؤجر

تلاوة عذبة لفواتح سورة المؤمنون للشيخ حسن خاطر حفظه الله من تراويح رمضان 1446ه‍
برواية ورش عن نافع من طريق الأزرق
#سماعا_طيبا
#انشر_تؤجر

استمع لتعريف سيدنا إبراهيم بربه عز وجل

*البعث*
في اللغة العربية حاجة اسمها مفعول مطلق وده بتحطه علشان تزود تأكيد على الفعل وتبين كثرته وتنوعه مثلا يعني بالعامية زي الفرق بين .. انا لعبت و انا لعبت لعب
المهم ان المفعول المطلق شرطه انه يكون من نفس وزن الفعل

وفي البلاغة يقولك انك تقدر تقول جملتين بجملة واحدة بس لو استخدمت فعل ومعاه مفعول مطلق مش من نفس وزنه مثال في القرآن
"واذكر اسم ربك وتبتَّل إليه تبتِيلا"
الفعل تبتل مفعوله المطلق تبتُّلًا .. تبتل تبتلا=انقطع اليه انقطاعا
بس هنا ربنا قال تبتيلا من فعل تاني واللي هو بتِّل
بتَّل تبتيلا= قطَّع تقطيعا
ولما تضم الفعلين يظهر معنى الجملة
انقطع إلى ربك انقطاعا عن طريق تقطيع العلائق بغيره تقطيعا يعني اقطع باللي بيشغلك عن ربنا بكده تنقطع لربنا

دي مقدمة للموضوع الأساسي وهو الفيديو ده لآية تانية في القرآن
سورة نوح "والله أنبتكم من الأرض نباتا"
أنبت مفعولها المطلق إنباتا
ونبت مفعولها المطلق نباتا
تاخد معنين ربنا خلقكم من الأرض بمعنى ان سيدنا آدم من الارض وانتم فرع منه فانتم كمان من الارض
والمعنى التاني ان ربنا أنبت لكم نبات من الارض وحذف اللام زي مثلا وإذا كالوهم أو وزنوهم .. كالوا لهم ، وزنوا لهم

لحد هنا كويس ..
إيه علاقة ده بالفيديو؟
ربنا جمع الانسان والنبات في آية ثم وقف كلام عن النبات ده وقلب على الانسان في الآية اللي وراها لما قال "ثم يعيدكم فيها ويخرجكم إخراجا"

انت خدت لقطة عن بدايتك وبداية النبات مش هكملك اللي بيحصل أنت عارفه النبات هيكبر هيطلع بذور والبذور دي هترجع الأرض وهتطلع نبات جديد بعد زوال النبات الأول

ربنا مقالناش ده انت اللي مفروض توصله ولما توصله هيبقى سهل عليك تعرف انك لما تدفن في الارض هتطلع من جديد زي ما انت شبه النبات في بدايتك فأنت شبهه في النهاية "ثم يعيدكم فيها ويخرجكم إخراجا"

كيف نصبر على أقدار الله المؤلمة؟

كلمتين سمعتهم في الصبر للدكتور مهاب السعيد

ولأن كلنا لا نخلو من امور نحتاج فيها الصبر فقولت اشاركهم

الكلام بيبدأ ب

هل ما أُصبت به من مكروه كان ظلم ليك؟

هل لو واحد اتصاب بالشلل هل اتحرم من حاجة كانت حق له
ولا وصل لنهاية وأقصى نقطة في الfree trial (التجربة المجانية) لشيء كان واخده من الاول بدون مقابل؟

لو لقيت واحد أعرج بيصعب عليك، هاجي اقولك ليه صعب عليك؟

هل صعب عليك علشان مبيعرفش يمشي ولا علشان انت واللي حواليه بيعرفوا يمشوا؟

والاجابة هي التانية صعب عليك علشان احنا حواليه بنعرف نمشي
والا لو كلنا عندنا عَرَج عمر ما كان حد هيشاور عليه ويقول ياعيني لان كلنا عُرج
فانت بتقيم الالم والمصيبة على أي أساس
ده الراجل ده مبيخلفش ياعيني طب ياعيني ليه؟ علشان احنا بنخلف
علشان في ذهننا ده أوبشن كان ممكن يحصله بس محصلش فبنعتبره حرمان
فالافتراض اللي بيقول الشخص المصاب ده انسان زي ما احنا انسان وبالتالي كان المفروض يتمتع بما نتمتع به نحن البشر
فبالتالي لما شيء ميتمتعش به هنوصفه بالحرمان
واحدة تأخر بها سن الزواج فزعلانه بافتراض ان حقها في الزواج كان دلوقت او قبل كده زي ماللي حواليها اتجوزا !

فالأقدار قد لا تكون مؤلمة بقدر انها زعل اننا مخدناش نفس الفضل اللي ربنا اعطاه لغيرنا

بمعنى اخر:
خلينا نتفكر في قدرة لو عندنا هتسهل علينا حاجات كتير زي الطيران
بدل ما تسافر ٣ ساعات لشغلك في المواصلات
كان ممكن تاخدها طيران في ربع ساعها بجناحاتك وسط العصافير

لو كل الناس كانت بتطير وانت الوحيد اللي مش بتطير؟
١٠٠% ده بالنسبالك كان هيبقى بلاء عظيم
وهي هي فكرة الشخص المشلول اللي شايف غيره بيمشي
يعني كل الناس بتطير وانا اللي جناحاتي متعطلة

عمر ما حد هيقول مؤلم جدا بالنسبالي اني مبطيرش زي العصافير لان مافيش حد من البشر بيطير

لان الافتراض المنطقي ان البشر ليس من حقهم الطيران فمش من حق البشر يسألوا انا ليه مبطيرش

فبناء ع الافتراض بتسأل والافتراض مبني على غيرك اللي عنده نعمة مش عندك

الفضل بيد الله يؤتيه من يشاء
لا تقارن بالاخرين
فكل شيء ونعمة في حياتك كانت بدون مقابل ومجانية
وكل نعمة لغيرك هي كذلك بدون مقابل ومجانية
ومن البداية ربنا قال مش هساويكم ببعض
انت متعرفش انت واخد ايه غيرك مش واخده
يمكن نكون متساويين بس بمجموع النعم

على اي اساس تطالب الله عز وجل انه يساوينا ببعض
كلنا متسولين
تخيل نويت تتصدق فطلعت ١٠٠ جنية اديتها لواحد وجنبه واحد تاني اديته ١٠
فيجري عليك ويقولك اشمعنا هو اديني زيه
ماشي ياحبيبي مانا مش مفروض عليا اديك اصلا
فمينفعش تقول انا محروم
لان اصلا ربنا فاتح لك حساب وحاطت لك فيه اكتر مما تستحق
اللي تستحقه صفر
ايه الحق اللي ليك عند ربنا ؟
كل شيء وكل نعمة بدون مقابل
كل اللي نستحقه صفر
انت واخد ٣٥ وبتقول انا ليه مش ٤٥ ..على أي أساس؟
ال٤٥تأكد انه يقدر يقول انا ليه مش ٥٥
وال٨٥ تأكد انه يقدر يقول انا ليه مش ١٠٠
دايما فيه فروق ودايما فيه الاعلى وبصتك للاعلى واللي محروم منه فانت مش واخد بالك ان ال٣٥ اللي مقومين حياتك دول
مش بتبصلهم اصلا وعمال بتقول انا عندي قدر مؤلم بسبب نقصان كذا في حياتي وهو عند غيري بيتمتع به

متقدرش تقول لو اصبت بالشلل اني اتحرمت من نعمة المشي
الحقيقة انك وصلت لنهاية التمتع المجاني بنعمة المشي اللي ربنا ادهالك

لو اصبت بفقد احد احباءك فهو بنظرة تانية انت وصلت لاقصى عدد من السنين بالتمتع بوالدك او حبيك او ابنك او غيره

مينفعش لما توصل لنهايتها تقول انت ليه حرمتني من فلان يارب

كأنك بتقول لربنا لما تيجي تنعم عليا بعد كده اديني عدد مطلق من السنين مش عاجبني اربعه وعشرة وستين
عاوز عدد غير محدود
انت هنا مش بس بتشترط على ربنا انه يديك نعم معينة
انت بتشترط عليه ان النعم دي يديهالك للأبد
والا لو ادهالك لفترة محدودة بتعتبر ان ربنا اداك نقمة لان لما تخلص الفترة المحدودة دي بتعتبر انه حرمك وابتلاك وجه عليك

قال النبي ﷺ :
أكثروا من الصلاة عليّ ليلة الجمعة و يوم الجمعة فإن صلاتكم معروضة عليّ.