tgoop.com/pvs_rgo/613
Last Update:
Афанасий Семенович "Дойти до края" киинэ ис хоһоонунан оҕолортон ыйытыылары биэрэн, сөпкө эппиэттээбит дьоҥҥо бириистэри туттартаата, нэһилиэк кыраайы үөрэтэр түмэлигэр, оскуолаҕа Россияҕа сэҥээриини ылбыт "Улуу айан суолунан" кинигэлэрин бэлэхтээн үөрүүбүтүн үрдэттэ.
Киинэ сүнньүнэн оҕолор араас ыйытыылары ыалдьыттарга биэрэн история үгүс биллибэт өрүттэрин арыйдылар.
Бу курдук кэпсэтии араас өрүтү, араас үлэ көрүҥүн хапта, саҥа суоллары ыйда, бэйэтэ профориентационнай да кэпсэтии буолла диэххэ сөп. Ол курдук, киинэни өссө төгүл көрөн, интэриэһиргиир хайысхаларын салгыы чинчийэн бүгүҥҥү проектары оҕо хараҕынан кэҥэтэн, проекка кыттыһалларын, өйүүллэрин биллэриэхтэрэ.
Ыалдьыттарбытыгар Уһук Илин уонна Россия норуоттара 400 сыл бииргэ алтыһан, эйэни өрө тутан олорууларыгар аналлаах үлэни ситимнээхтик, айымньылаахтык тэрийэ сылдьалларыгар махталбыт муҥура суох.
Киэҥ сири тайаан олорор саха омук Уһук Илин сайдыытыгар өҥөтүн көрдөрүүгэ, чулуу дьонун ааттарын ааттатыыга, ыччакка "биһиги" диэн өйдөбүлү үөскэтиигэ, атын омуктардыын тэҥник сананар сыаннаһы иитиигэ улахан кылааты киллэрсэр үлэлэригэр сүгүрүйэбит.
Саҕалаабыт дьыалалара сайдан үтүө түмүктэрдээх, ылсыбыт үлэлэрэ ыраах тиэрдэрдээх, күүстээх санаалара көтүтэр кыахтаах, ситимнээх санаалара ситиһиилээх буоларыгар баҕарабыт!
Махталы кытта А.Е.Мординов аатынан Тааттатааҕы лицей коллектива.
Балаҕан ыйын 14 күнэ
Таатта, 2024
BY Пути великих свершений
Share with your friend now:
tgoop.com/pvs_rgo/613