tgoop.com/pulatov_kh/3532
Last Update:
Mana o’sha tarixiy lahza!
O’zbekiston va Yevropa Ittifoqi o’rtasida “Kengaytirilgan sheriklik va hamkorlik to’g’risidagi” Bitim (EPCA-Enhanced Partnership and Cooperation Agreement) imzolandi.
O’zbekiston Prezidenti Shavkat Mirziyoyev, Yevropa kengashi raisi Antonio Koshta, Yevrokomissiya Prezidenti Ursula Fon Der Lyayen huzurida O’zbekiston tashqi ishlar vaziri Baxtiyor Saidov Va YevroIttifoq Komissiya vitse-prezidenti Kaya Kallas hujjatni imzoladi.
2019 yildan beri faqatgina loyihasi ustida 10 ta muzokara, 150 dan ortiq uchrashuvlar o‘tkazilgan tarixiy hujjat bu.
Bu kelishuv shunchaki diplomatik hujjat emas, u O‘zbekistonga Avstriyadan tortib Shvetsiyagacha bo‘lgan 27 davlat hududida Yevropa bozorlarini kengroq ochadigan, tadbirkorlarga bojxona ishini soddalashtiradigan, texnik to‘siqlarni kamaytiradigan, yurtimizga Yevropa investitsiyalari oqimini erkinlashtiradigan, talabalarimiz, mutaxassislar va tadbirkorlar uchun viza talablarini soddalashtiradigan, yoshlarimizning Yevropada o‘qishiga ko‘proq imkon yaratadigan, ta’lim, fan, sun’iy intellekt, startaplar va raqamli xavfsizlik sohalarida yangi hamkorlik eshigini ochadigan hujjat.
Videoni ko’ring. Ichkarida o’tirib, faxrlandim. Bu uzoq yillik mehnat va harakatlar, O’zbekistonning ichki va tashqi siyosatidagi transformatsiya natijasi. Muborak bo’lsin hammamizga!
BY АйPulatov
Share with your friend now:
tgoop.com/pulatov_kh/3532