tgoop.com/publish_uz/12915
Last Update:
#scopus
✅ Tuya to'ydi, fil to'ydi, Sen to'ymading odamzod!
❗️Sodda va ishonuvchan mualliflarimizni firibgarlarimiz tomonidan scopus niqobi ostida aldash ishlari davom etmoqda!
🚫 Hammamizga ma'lum firibgarlarimiz yangidan-yangi Scopus ma'lumotlar bazasidagi qamrovi tugatilgan jurnallar niqobi ostida juda ko'plab sodda va ishonuvchan mualliflarimizni aldash orqali o'zlarining yangidan-yangi qurbonlari sonini oshirib bormoqda.
🎯 Laxatron sxema juda oddiy: firibgarlarimiz Scopus ma'lumotlar bazasida qamrovi tugatilgan "Nanotechnology Perceptions" jurnalida juda ko'plab mualliflarimiz maqolalarini chop qilishgan. Eng qiziq tarafi jurnalning joriy holati aktiv emasligi uning Scopus profilida ham qayd qilingan.
🌐 Scopus havola: https://www.scopus.com/sourceid/11700154613
🌐 Jurnalning rasmiy veb-sayti: https://nano-ntp.com/index.php/nano/issue/archive
🚫 Scopus ma'lumotlar bazasida aktiv bo'lmagan va jurnallarning klon veb-saytlarida e'lon qilingan maqolalar "scopus" maqola deb tan olinmaydi va hech qachon Scopus ma'lumotlar bazasiga indeksatsiya qilinmaydi.
✅ O'zini hurmat qilgan har bir ilmiy tadqiqotchi hech qachon maqolasini qanaqadir vositachilar yordamida ilmiy jurnallarda, ayniqsa Scopus ma'lumotlar bazasiga indeksatsiya qiladigan jurnallarda hech qachon chop qilmaydi.
❗️"Nanotechnology Perceptions" jurnalida chop qilingan mamlakatimiz mualliflarining birorta ham maqolasi Scopus ma'lumotlar bazasiga indeksatsiya qilinmagan.
P.s: Biz haqiqatdan ham juda boy odamlarmiz. Chunki jurnallarni tekshirmasdan va indeksatsiya qilmasligini bilib turib 500-600$ mablag'ni shunchaki havoga sarflayapmiz! To'g'ri qilasizlar, pullaringiz kamayib qolarmidi. Hech bo'lmasa maqolangiz indeksatsiyasini tekshirish orqali firibgarlar qurboni bo'lganingizga va bu pullarni shunchaki havoga sarflaganingizga ham ishonch hosil qilib boring. Afsus...
📨 Ushbu postni o'zingizga tanish guruhlarga va yaqinlaringizga maksimal ulashishingizni so'raymiz.
|Telegram |Instagram | Facebook | Twitter |
BY Publication_uz
Share with your friend now:
tgoop.com/publish_uz/12915