tgoop.com/poytaxt_uz/40901
Create:
Last Update:
Last Update:
#Rasmiy_munosabat
Toshkent shahar Kambag‘allikni qisqartirish va bandlik boshqarmasi Davlat mehnat inspeksiyasi tomonidan ijtimoiy tarmoqlarda muhokamalarga sabab bo‘lgan Shota Rustaveli
ko‘chasidagi qurilish va ta’mirlash ishlarini olib borayotgan ishchilarga xavfsiz mehnat sharoitlari yartilmaganligi va himoya vositalari bilan ta’minlanmasdan ishlab kelayotganlik holati bo‘yicha o‘rganish o‘tkazildi.
O‘tkazilgan o‘rganish natijasiga ko‘ra Yakkasaroy tumani Shota Rustaveli ko‘chasida “BIZNES-PARTNERS” MCHJ tomonidan olib borilayotgan qurilish xududida hamda “VINERA TOWER” MCHJ tomonidan olib borilayotgan ko‘p qavatli turar joy majmuasi ishchilar tomonidan shaxsiy himoya vositalaridan foydalanmasdan ishlayotganliklari aniqlandi. Aniqlangan kamchiliklar yuzasidan jamiyat ishchi xodimlariga, rahbar va ma’sullarga O‘zbekiston Respublikasi Mehnat kodekisi, Mehnatni muhofaza qilish to‘g‘risidagi qonun hamda Shaharsozlik normalari qoidalari 3.01.02-23 “Qurilishda xavfsizlik texnikasi” shaharsozlik normalari va qoidalari talablariga muvofiq ishni to‘g‘ri tashkil etish, ish jarayonida mehnat xavfsizligi qoidalariga qat’iy rioya etish hamda barcha ishchi-xodimlarni shaxsiy himoya vositalari bilan to‘liq ta’minlash bo‘yicha ko‘rsatmalar berildi. Shuningdek, mehnat jarayonida ishchilarning hayoti va sog‘lig‘iga tahdid soluvchi holatlarni bartaraf etish uchun belgilangan muddatda amaliy choralar ko‘rish yuzasidan topshiriqlar qo‘yildi.
Boshqarma tomonidan mas’ul shaxslarga, ishchi-xodimlar bilan mehnatni muhofaza qilish bo‘yicha qo‘shimcha yo‘riqnomalar o‘tkazish, xavfsiz ish usullarini amalga joriy etish hamda qurilish maydonida zaruriy ogohlantiruvchi belgilarni o‘rnatish talab etildi.
Bundan tashqari, O‘zbekiston Respublikasi Mehnat kodeksi va mehnat xavfsizligiga oid amaldagi qonunchilik hujjatlariga binoan, ishchi-xodimlarning xavfsiz mehnat sharoitlarida faoliyat yuritishi ish beruvchining bevosita majburiyati ekanligi, mazkur talablar bajarilmagan taqdirda belgilangan tartibda ma’muriy javobgarlik choralari qo‘llanilishi haqida rasmiy ogohlantirish berildi.
🔻 Axborot kanallarimizni kuzatib boring
Youtube | Telegram | Instagram | Facebook | Web-sayt
BY Toshkent shahar hokimligi Matbuot xizmati
Share with your friend now:
tgoop.com/poytaxt_uz/40901